það sem fer upp kemur alltaf aftur niður

já það er á lífi

2009-01-14T22:47:00.002Z

Jæja úff blogg .... já nú er víst ekki sumar lengur að vísu ekki langt í það.. En það er komið 2009 eins og þið hafið kannski tekið eftir og ég held að þetta verði alveg ágætis ár á mörgum sviðum.. mm mig langar í svið núna..

En ég er ekki að fara að nenna að segja frá öllu því sem ég hef verið að gera frá því að ég bloggaði síðast, þið getið gleymt því. Langaði bara til að uppfæra þetta blogg mitt...

En stutt um það sem ég er að gera þessa dagana...
Það er vinnan sem er mér ofarlega í huga enda er svo askoti (þetta er ekki blót) gaman þar, en ef þið ekki vitið þá er það Síminn..

svo eins og flestir þeir sem að sjá facebókina mína, sjá.. þá hef ég verið að mála mikið um jólin og mun halda því áfram bráðum, það er smá pása, enda eru vit mín uppfull af lakkgufum og málningargufum..

Þetta er svona það helsta, vinna,vinna,vinna ( ég tel það að mála vera hina vinnunna). En annars er ég bara nokkuð sátt við lífið og tilveruna þessa dagana.

Ég hef voðalega lítið meira að segja, eða það er voðalega lítið meira sem ég vil segja, enda verður maður að byrja rólega aftur...

það er blessuð blíðan.. já hún er sko blessuð

2008-07-19T20:57:00.002Z

Jæja hvað er búið að gerast.. hmm

Tónleikar með Sigurrós og Björk,, ég fór á þá
Svo núna síðast þá fór ég norður í Hrafnagil á "ættarmót" .. já þið verðið að hafa gæsalappirnar með, það er mjög mikilvægt... En já það var semsagt Snorrastæn ættin sem var þar að hittast, bara ef þið hafið misst af því. Kom mér mest á óvart að fréttamenn skildu ekki koma við.. en jæja þeir hafa kannski verið uppteknir..

En já þetta var snilldarhelgi og tjaldið, nei afsakið... fellhýsið með verönd, var sett upp.. og ég hef bara aldrei sofið betur.
En hér eftir verður þetta árleg ferð og ég er strax farin að hlakka til ...

En svo veit ég að margir eru að spyrja sig,, "hvað er Kristín að gera í dag ?" gaman að þú spyrð að því.. Kristín er nefnilega komin í sumarfrí.. já aftur.. og er að þessu sinni að fara að halda á fjöll.. eða allavega á hálendið.. ég er að fara í 8 daga hestaferð á miðvikudaginn, og já ég veit að ég er mjög öfundsverð að þessu.. en ég lofa að segja ykkur hvað það var rosalega gaman þegar ég kem til baka :)

En já ef ég tek þetta sumar aðeins saman.. þá er ég eiginlega búin að búa í ferðatösku svona bróðurpartinn af sumri, það er frekar þröngt en ég hef bjargast.. og ég er ekkert að fara að koma mér uppúr henni.. enda fer ég svo norður helgina 15 ágúst, þar sem að Grálist verður með sýningu í Deiglunni..

En jæja nú er ég hætt, enda nóg að gera eins og ávallt og best að fara að koma sér afstað...

eigum við að kaupa popp ....

2008-07-03T18:18:00.002Z

Já i´m the popplady... það er allavega vitað mál í vinnunni að ef ég fer yfir til Hinna (Hinriks, hann á sjoppuna á móti vinnunni) þá vita allir eða allavega margir að ég kem til baka með maxipopp og faxe condi..

En nóg um poppið...

Ég var á frábærum tónleikum síðustu helga, Náttúrutónleikarnir, þar sem að Ghostdigital og Finnbogi Pétur, Ólöf Arnalds, Sigurrós og Björk voru að spila í sundlaugarbrekku í Laugardalnum.. Þetta voru snilldar tónleikar og um 30.000 manns, en það sem að mér fannst mjög súrt og helst frekar slæmt, var að það var þvílíkt rusl í brekkunni eftir tónleikana..uss uss that´s not good people.... nei ég henti mínu rusli í gáminn...

Svo er það mál mannanna... Landsmót hestamanna og þar sem að ég hef oft talið mig til hestamanna þá er líklegt að ég kíki þangað við, er að fara austur til Pabba og Eydísar og mun eflast skreppa upp á Hellu.. ef veður leyfir. (semsagt ef það verður sól sól sól.eins og veðurspáin spáir)
Og já sumir hafa talað um dýrt landsmót.. en þá segi ég á móti.. já okey þetta er ekkert ódýrt en hey er ekki að verða uppselt til eyja og þar kostar miðinn um 10.000 kr er það ekki..
En ef þú ert ekki að fara til eyja eða yfirhöfuð að fara eitthvað út af því að það er allt orðið svo hel.. dýrt... þá er þetta eins og ég sagði áður.. ekkert rosalega ódýrt..
En það er margt í boði og flottir hestar og flott fólk... tala nú ekki um ef ég verð á svæðinu :) hahaha

En að lokum þá er hér sól og sól og sól... eigi þið góðan dag og góða helgi og góða tíma fram að næstu skrifum..

já nú er komið sumar og ég er með lit á mér til að sanna það

2008-06-23T21:31:00.003Z

Já nú er sko komið sumar, allavega er ég búin að taka nokkra sumarfrísadaga. Og þá var skellt sér til Danmerkurí 10 daga og það var bara gaman eins og myndirnar sína og þær er hægt að skoða ef farið er inn á verkin mín og aðrar myndir og þar Danmerkurferð 2, eða bara fyrsta mappan

En ég fékk samt bara lokin á hitabylgjunni, enda fékk ég bara 3 strandarsólardaga en það var nóg annað að gera hjá okkur.. eins og síðast þá nenni ég eiginlega ekki að blaðra mikið um ferðina, þið verðið bara að skoða myndirnar, en ekki láta sumar myndir slá ykkur út af laginu, en það eru allnokkrar myndir þar sem verið er að borða og þegar ég var að setja þær inn þá leiddi ég hugann að því hvort að við hefðum gert eitthvað annað en að borða... en þið verðið bara að meta þetta sjálf....

En að öðru máli..

hvað er að fólki sem fer illa með dýrin sín eða annarra.. svona helv... pakk á bara að aflima og senda í jailið... og ég vona að þessi litla fagra tík fái gott heimili hjá einhverjum sem mun elska hana og dekra.. ég bara á ekki til orð..

En ef þið hafið ekkert að gera einhvern daginn þá mæli ég með sýningunni hennar Ásu í Grindavík (og nei það er ekkert langt í burtu.. að vísu fer það jú alveg eftir því hvar þú ert) en þetta er frábær sýning hjá gellunni.. til hamingju Ása mín :)

En ég hef ekki mikið meira sem ég nenni að segja í bili, enda komin með hausverk

bless í bili og munið eftir að skoða myndirnar

já já skammið mig bara, ég á það allt skilið... :)

2008-06-02T19:27:00.003Z

Langt er síðan að skrifa var hér síðast, ég þarf að fara að fá mér aðstoðarmann sem að skrifar inn hérna reglulega.. ertu til ??

En allavega þá er ég komin í sumarfrí og get skrifað smá.

En eins og þið vitið þá er ég guðmóðir og tek því hlutverki mjög alvarlega..fer með bænir á hverju kvöldi..

En nóg um sætustu Thelmu í heimi...

Ég er enn að vinna hjá Símanum og er ekkert að fara að hætta því, enda hættir maður ekki þar sem að maður er ánægður og ég er happy happy happy happy girl, enda ekki á hverju degi þar sem að maður hittir fólk sem jafnt ruglað og maður sjálfur.. it feel´s like home :)

En svo er ég með vinnustofu í kópavogi sem ég er að fara að nota núna miklu miklu meira, enda sýningar í bígerð.
En talandi um sýningar þá er ég meðlimur í Grálist og við vorum ásamt um 30 listamönnum að opna sýningu í Eyjafjarðarsveit sem kallast STAÐFUGL FARFUGL og þegar þið keyrið um Eyjafjarðarsveit þá sjái þið verkin. Endilega farið að skoða.

Já og sorry elsku ættingjar og vinir á norðurlandinu sem ég hitti ekki, stefnan var að hitta ykkur flest ef ekki öll en listin tekur stundum mikinn tíma og hann átti allann minn tíma að þessu sinni. En ykkar tími mun koma... :)

En já við Grálistarfólk vorum á frekar gráu svæði... Þannig var það að við lendum í skapbráðasta bónda Eyjafjarðarsveitar.... það var nett sjokk en lærdómsríkt og við fengum umtal og allir eru á lífi..
En svo var já farið í grill og auðvitað var farið á Kaffi Karó og það er alltaf gott að kíkja öðru hvoru á Karó, tala nú ekki um að hitta hann Jónas Viðar og spjalla við hann um daginn og veginn og þetta myndlistarpakk :) :)

En ég er í sumarfríi eins og áður segir og verð í því fram á 18 Júní og var að koma að norðan. úr sólinni og kom í skýin en það er allt í lagi, ég er að fara til Danmerkur á fimmtudaginn vííí í aðra sól, eða sömu sólina en á öðrum stað...you know what i mean..

En nú er ég farin að taka úr þvottavélinni.. og ég veit að það er eitthvað sem þið vilduð fá að vita ....

Tvær nýjar myndasíður... já ég kann mér ekki hóf

2008-04-22T19:53:00.002Z

Þar sem að ég er myndavélaóð þá lét ég mér ekki nægja að gera eina flickr síðu heldur varð ég að gera tvær

http://www.flickr.com/photos/kristingralist > á þessari síður eru hinar ýmsu myndir sem ég hef tekið í gegnum tíðina

http://www.flickr.com/photos/kristinartist > á þessari eru myndir af verkunum mínum, og ég skal lofa að vera dugleg að setja nýtt efni þar inn

Annars er mest lítið að frétta, same old same old... allt á hraðri niðurleið.. en samt er það á uppleið.. okey ég skal umorða þetta.. það er allt á uppleið vegna þess að allt er hækka til helvítis, þannig að hlutirnir eru á upplegri niðurleið...

Ég mæli með útskriftasýningu Listaháskólans á Kjarvalstöðum, flott sýning og til hamingju enn og aftur Dagur með sleðana..

Allt búið að vera að gerast

2008-04-03T21:50:00.005Z

Hægt er að skoða nokkrar myndir af skvísunni á myndasíðunni mini "verkin mín og ....."

já nú er margt til að skrifa um enda langt síðan síðast.. síðast var talað um árshátíð.. uss uss

En páskarnir búnir, ég fór austur og var í slökun og hestastússi um páskana.

Svo voru lauk páskum og vinnan hófst að nýju og þannig er þetta búið að vera að undanförnu.
Ég kíkti upp á vinnustofu á laugardaginn og rústaði á mér höndunum eftir að hafa verið að strekkja á nokkra blindramma...

Svo kom sólin og ég hélt í sakleysi mínu að það væri að koma sumar.. nei nei ég var sko látin vita það að það væri bara mín heimska að halda það, enda kom snjór daginn eftir..

En svo er að koma helgi núna og nóg að gera... á morgun er bjórkvöld hjá söluverinu á Dillon og það er rautt þema.. nei það var nú reyndar hún Halla sem sá kom með þá hugmynd ekki ég..
Svo á laugardaginn þá förum við nokkur saman listamenn og grafískir hönnuðir sem stunduðum nám í þeim merka skóla Myndlistarskólanum á Akureyri á Tapas bar að borða. Þetta verður mögnuð helgi

Já svo við höldum áfram að fara úr einu í annað... okey ég er loksins ánægð með íslendinga, við kunnum alveg að mótmæla ef okkur langar og það hefur sýnt sig undanfarna daga og ég er svo ánægð og ég skil ekki alveg eitt... sumir hefðu viljað að þeir myndu fara aðrar leiðir í þessu .. það er búið að reyna aðrar leiðir, stundum verður bara að grípa til aðgerða.. halló þegar allt er að fara til fjandans hérna þá skreppur kella og kall með einkaþotu út í heim og ríkissjóður situr sem fastast á sínu gulli sem byggist upp í hvert sinn sem almenningur dælir á bílinn sinn.....
Og miðborgin.. uss uss .. en nei nú er komið nóg, ég hef ekki orku í að skrifa allt sem mig langar að skrifa um það.. enda er hægt að skrifa um svo miklu skemmtilegra eins og ............

NÝJU PRINSESSUNA LITLU RÚSLUNA, LITLU SÆTU SKVÍSUNA.... NÝJU VIÐBÓTINA Í SÓLEYJARRIMA .. hún er svo mikið krútt..

TIL HAMINGJU SÓLEYJARRIMA FÓLK OG TIL HAMINGJU ÉG OG EINNIG TIL HAMINGJU AFAR OG ÖMMUR

það er farið að birta..

2008-03-11T19:39:00.002Z

Já það er satt.. og það þýðir að það fer að líða að sumri..

En allavega mál málanna í dag.. árshátíð Símans

Þetta var bara snilld. okey það er best að byrja á byrjun

Klukkan 17:00 var hanastél fyrir okkur á Hilton (sem sagt mína deild og nokkrar í viðbót), þar var boðið upp á rautt,hvítt og bjór og pinnamat

Um 19:00 komu rútur á Hilton og sóttu hópinn og keyrði allaleið niður í Laugardalshöll, þar tók blár dregill á móti manni og alla leið inn í höll.

Vá það var þvílíkt búið að breyta höllinni, hún var óþekkjanleg, hún var svo flott að innan, þar fékk maður fordrykk, rosa góðann. Svo þegar maður var búin að hitta fólk og láta ljósmyndarann taka myndir af sér og hlusta á smá jazz sem var spilaður við innganginn, var farið að borðinu sínu og fengið hvítvín í glas og svo rauðvín og svo bjór.

Svo kom forrétturinn, sem var Lax og rækjur
aðalréttur voru andabringur og rustykartöflur og rauðvín með
í eftirrétt var tenerive súkkulaðimús

En svo voru skemmtiatriðið og sketsar (og já ég lék í einum þeirra) en þeir sem að voru að skemmta voru

Garðar thor cortes
Sprengihöllin
Mercedez club
og svo söng og dj-aði Páll Óskar til loka

og þá biðu strætóar fyrir utan til að keyra fólk til síns heima

Eins og sést hér að ofan þá var engu sparað og það svífa flestir ennþá á bleiku skýi, enda voru allir svo fínir og flottir.

Og þetta var okkur öllum að kostnaðarlausu.. öllum sem vinna hjá Símanum, hinir þurftu að reiða fram um 3000 kr.

En ég er enn að æfa hjá Bjödda og allt að gerast þar... en núna snýst eiginlega allt ennþá um árshátíðina og þar sem að þið (allavega ekki öll) voru ekki þar þá ætla ég ekki að þreyta ykkur meira í bili.

og segi bara bless bless

Þá fer að líða að árshátíð og jafnvel sumri...

2008-02-27T21:40:00.002Z

Já ég hélt það að minnsta kosti þar til að það fór að snjóa á ný..

En það er allt gott og blessað börnin góð, því að það er að koma árshátíð og ég veit í hverju ég ætla að vera í .... já hún Kristín (sem er ég, ef það hefur farið fram hjá ykkur) er löngu búin að ákveða í hverju hún ætlar að vera í. Það var ákveðið um leið og ég fékk þennan dýrindis kjól í hendurnar. Og til að halda aðeins áfram með kjólinn þá er hann keyptur í KVK.

En nóg um mig og minn flotta rauða kjól..

Hann Palli oft kenndur við Pál Óskar kíkti í heimsókn í vinnuna til okkar og söng nokkur lög í kaffigarðinum, svo kom hann yfir til okkar og allir í fyrirtækinu fengu disk sem hann áritaði, og sagði okkur að læra hann utan af fyrir árshátíðina þar sem að hann mun skemmta, en ég læt Júlíu læra hann utan að fyrir mig þar sem ég gaf henni hann.

En ég var að hugsa um að tala um sumrið sem ég hélt að væri að koma, en því oftar sem ég nefni orðið sumar þá versnar veðrið alltaf, þannig að það er enn bullandi vetur..

En eins og allir vita þá er ég byrjuð í ræktinni.. já ég er farin að hreyfa mig og gengur bara nokkuð vel, það er smá átak í gangi eða keppni réttara sagt í gangi fyrir árshátíðina..og auðvitað stenst ég aldrei svoleiðis áskoranir... :)

Föstudagur ..ef ég ætti bara eina ósk

2008-02-15T21:31:00.002Z

þá væri það að það yrðu 36 tímar í sólahring...

En þessi vika er búin að vera rosaleg, og ég var ekki alveg tilbúin fyrir föstudaginn verð ég að segja..en ef við tökum þetta dag frá Degi (ég meira að segja talaði við Dag)

Mánudagur : ég fór í vinnu, eins og svo oft áður. Eftir vinnu fór ég heim eins og svo oft áður, síðar um kvöldið fórum við Fríða í smá menningarfíling og skelltum okkur á tónleika, eða réttara sagt við fórum í Langholtskirkju á Brúðkaups Fígarós í flutningi nemenda Söngskóla Reykjavíkur.. og þetta var rosalega rosalega flott hjá þeim

Þriðjudagur : vinna... heim.... upp á vinnustofu og var þar i nokkra tíma

Miðvikudagur : vinna ...heim...og ég held að ég hafi bara haldið mig þar

Fimmtudagur : vinna.....heim... æfing (já Kristín fór og hitti Björn í Sporthúsinu)

Föstudagur : vinna ....heim... keyra út klósettpappír (fólk verður nú að geta gert þarfir sínar) og svo 10:30 í bíó

Laugardagur : ekki vinna.... barnaafmæli ...vinnustofa....vinnustofudjamm

Sunnudagur : er að hugsa um að taka því bara rólega.

Eigi þið bara góða helgi.....

Er fólk fífl......... ?

2008-02-09T11:07:00.000Z

Var þetta kannski bara rétt hjá Botnleðju um árið þegar þeir sögðu að fólk væri fífl... allavega finnst mér þetta eiga vel við í þessu tilfelli... og hvaða tilfelli er það.. Það er þetta mál með prest-setrið (takið eftir PREST-SETRIÐ) í Laufási......

Þegar maður heyrir um prest-setur þá býst maður við því að þar búi prestur og í velflestum tilfellum er svo, en svo er ekki í Grýtubakkahreppi.. nei nei þau eru með þann barnaskap að neita að fara af jörðinni og fá fólkið í hreppnum með sér.. halló það er engin prestur í þessari fjölskyldu lengur, og ef það er engin prestur þá eiga þau engan rétt til að búa á prestsetri, það bara segir sig sjálft. Okey ef þau vilja kaupa jörðina, fínt þá gera þau það en þau geta ekki ætlast til þess að fá að búa þarna á þeim forsendum sem nú eru í gangi, (að þau leigi hana af prest-sjóði), það bara gengur ekki.

Og hvernig halda þau að sé fyrir nýja prestin að koma til starfa vitandi það að hann er ekki velkomin út af því að það eru einhverjir sauðir og eiginhagsmunarseggir sem vilja jörðina..

Ég þoli ekki svona fólk og ég efast um að hinn látni séra Pétur sé ánægður með gang mála og hann örugglega hreinlega skammast sín fyrir sókn sína.

Vil ég að þetta fólk sjái nú sómann sinn í því að gera það sem að lögin segja til að nýr prestur geti komið að Laufási sem fyrst.

Koma svo ....hætta þessari heimsku og eiginhagsmunasemi.......

Annars er ég bara nokkuð kát, það sjóar sem aldrei fyrr, en í gær ringdi sem aldrei fyrr og blés eins og djöfullinn einn getur blásið og nú koma þrumurnar og eldingarnar að ofan.. þannig að það er spurning hvort að Guð hinn eini hafi verið að lýsa vanþóknun sinni á málin í Grýtubakkahrepp... Burtu með fólkið..

Þetta eru góðir tímar..

2008-01-28T22:24:00.000Z

Já nú eru góðir tímar... og Dagur minn.. takktakktakktakktakktakktakk

Já það var einn góðan vetrardag, man ekki alveg hvernig veðrið var þann dag en það var snjór.... Dagur hringdi í mig og hann hringdi aftur, ég hringdi í hann .. svo hringdi hann aftur og á endanum hringdi ég aftur og viti menn, það var svarað og það var Dagur, sem ég var farin að halda að væri týndur.. En okey hann fannst í Hafnarfirði.
Hann var með góðar fréttir, hann var búinn að finna vinnustofu fyrir mig og Ásu í Kópavoginum. Ingunn frænka hans er þarna ásamt fleirum. En ekki talaði ég lengi við Dag (þarf að hringja í hann aftur) heldur truflaði hann matmálstíma Ingunnar og fjölskyldu og við tvær spjölluðum saman. Daginn eftir þá hittumst við á vinnustofunni og mér leist líka svona rosalega vel á staðinn að ég er bara kominn inn... um næstu mánaðarmót. Og þegar hún Ása Kambodiu-fari ákveður að skila sér í snjóinn þá dríf ég hana þangað líka. Nú verður farið að listast á fullu..

En nóg komið að þessari sögu..

Hvað er meiri snilld en Alberto Balsalm með Aphex Twin... sama hversu oft er hlustað á þetta lag, maður fær aldrei nóg...

meiri póstur næst

Allt að gerast uss uss

2008-01-21T19:39:00.000Z

Já þetta eru að vísu gamlar fréttir, eða svona 2 vikna gamlar, en hann Guðlaugur Þór frændi komst aldeilis í lukkupottinn þegar við hittum Eli Roth og Eyþór í Nonnabúð.. Ég var að versla smá síðbúnar jólagjafir handa bræðrunum og Guðlaugur sá rosalega flottann bol en Nonni sagði að hann væri sérgerður fyirr manninn fyrir aftan hann og þar stóðu félagarnir og Eli var eins og krakki í nammiverslun, svo æstur var hann í bolinn ,en Guðlaugur reyndi nú samt að ræða við hann en Eli fékk hann. Guðlaugi fannst nú verst að hann Tarantino skildi ekki vera með félögunum sínum.. En Nonni eins frábær og hann er sagðist alltaf vera tilbúinn að prenta séróskir fyrir fólk.

Ég vil nú minna á að KVK er að fara að flytja á laugarveginn í byrjun Febrúars.. endilega að kíkja..

En nóg um föt....

Tölum um pólitík..... ég verð að segja að ég er nú bara nokkuð sátt við þetta og vona að þetta haldist lengur en í 3 mánuði eins og 4 flokkastjórnin var í. Gaman hvað menn eru alltaf hissa og sárir.. En jæja þetta er íslensk pólitík í dag. Ég er að hugsa um að skrifa spennubók sem heitir "Borgarstjórnin... mun hún falla..... da da da daaaaa"

En ég vil koma einu að.... það er mánudagur og ég er að skrifa blogg.........Mánudagsblogg da da da daaaaaaa

En ég fór loks í vinnu aftur eftir viku af aumingjaskap....

En hef ég meira að segja í bili hmmmm... ég var að hugsa um að leggja fyrir ykkur þraut.. ef ég á yfir 370 geisladiska..hvað á ég þá mörg lög ??.... nei þetta poppaði bara upp í hausinn á mér þegar ég var að keyra frá vinnu....Bara svona pæling..

En ég er að hugsa um að fara að byrja aftur á tónlistarfróðleikshorni.....

í næsta bloggi...

heyrðu við sjáumst svo bara næst.

Mánudagsblogg fyrr á ferð..

2008-01-12T14:46:00.000Z

Já mér var bent á að byrja aftur á mánudagsbloggum eins og ég var með hérna forðum daga. En það fól í sér að ég skrifaði alltaf eitt blogg á hverjum mánudegi... eins og nafnið "mánudagsblogg" gefur kannski til kynna..

Nei ég er ekki orðin rugluð, ég veit að það er laugardagur en ekki mánudagur, þess vegna er titillinn máudagsblogg fyrr á ferð.

En nú er komin janúar og það meira að segja 12 Janúar..

En allavega þá hef ég nú engar stórar og miklar fréttir að færa ykkur í dag, maður er bara að vinna og vinna og svo reynir maður inná milli að fara á hugmyndaflug..

Í nótt þá dreymdi mig alveg stórfurðulegan draum, en samt ekki svo miðað við mína fyrri drauma, en allavega þá var þetta mjög fjölbreyttur draumur, hann fól í sér barnaafmæli,hunda, jólamatarpartý með Baggalúti, Kalli í Baggalút að setja jólalag með Baggalút á fóninn, 3 sjálfsmorð á sömu svölum og eiginlega á sama tíma, matarveisla, ísmolar í blastpoka,grátur og ýmislegt annað. Svo var ég að kíkja í draumaráðningabókina mína og las um sjálfsmorð, og hafi það í huga að þetta voru 3 sjálfsmorð.. það stóð að dreymandinn væri útúrtaugaður og þyrfti að skipta um umhverfi í einhvern tíma. og já 3 sjálfsmorð.... þannig að ég á að vera útúrtauguð og þarf að komast í burtu.. Ég sem er róleg eins og fiskur..

En maður hefur bara gaman að þessu og hlær .. hahahahahaahahahahahahahahahaha.. þetta er komið gott af hlátri í bili.

Ég er búin að skrifa nokkrar línur og 3 setningar hafa byrjað á "En" uss uss

Meira hef nú ekki að segja að svo stöddu, nema en....

nýtt ár kallar á nýtt blogg........

2008-01-01T13:03:00.000Z

2008... já þetta er víst staðreynt, það er komið 2008 og það sem meira er þá er þetta fyrsti dagur 2008... og það þýðir að það eru allir hinir dagarnir eftir.

En ég gæti farið í miklar hugleiðingar um árið 2007 en ég er að hugsa um að gera það ekki. En samt getum við tekið nokkra punkta..

punktur 1 : ég fór að vinna hjá Símanum (og hef ekki hringt í neinn síðan)

Punktur 2 : ég var með einkasýningu á Kaffi Vor (en eftir að Vor fór á hausinn komast ég að því að án minnar vitundar þá hafði ég verið með sýningu í London)

... : ég fór til Helgu og Trausta ( já loksins var tekin ein helgi í heimsókn í Danaveldið, betra mjög seint en aldrei....)

... : okey þetta hefur kannski ekki verið mjög viðburðarríkt ár, en þetta var bara nokkuð skemmtilegt ár.
Ég ætti kannski að taka svona smá forsetaávarp:
GÓÐIR LANDSMENN.. GLEÐILEGT NÝTT ÁR OG HAFI ÞAÐ ALVEG SÚPER Á NÝJA ÁRINU (okey hans er lengra og hann segir ekki súper...

En nú fer maður inn í nýja árið með fullt af hugmyndum og þetta skal vera það ár sem fólk mun muna Kristínu Guð.....

Og enn og aftur til hamingju elsku Sara mín og Siggi og auðvitað Þórður Harry með frábært og fullkomið brúðkaup.

Og þar sem að það er bara hádegi að degi nýárs þá er hausinn minn ekki mjög fullur og sögum og ævintýrum sem ég get sagt og mun þess vegna bara segja takk fyrir gamla árið og sjáumst á því nýja....

Já og svo eru komnar brúðkaupsmyndir inn á myndasíðuna mína, (verkin og aðrar myndir)

hver á eftir að kaupa jólagjafir ?............... i do

2007-12-13T21:13:00.000Z

Já það var einhver sem laug því að mér að jólin væru að koma, getur það verið satt.....

Ég á sem sagt að fara að kaupa jólagjafir.

En það eru enn nokkrir dagar í jól.

En ég var fyrir norðan síðustu helgi og það var bara gaman, enda vorum við í samsýningarhópnum Grálist að opna sýningu í DaLí og heitir hún Grálist með smálist.. Já öll verk voru um 20*20 og undir og eru komnar inn myndir frá sýningunni á myndasíðuna mína hérna til hliðar.

En það var nóg um listir fyrir norðan eins og oft vill vera, meðal annars voru flottir hönnuðir að selja hönnun sína í Gallerý Box, ég var hálf hrædd við að fara þangað inn vegna kaupæðis í mér, en ég er hugrökk eins og ljón og hélt mína leið í Boxið og hitti það fyrir Jónu Hlíf, sem var mjög gaman enda hef ég ekki hitt hana lengi lengi lengi. Svo eftir heitt og gott jólaglögg, kjaftagang og skoðun var haldið út í kuldan og þá var ég búin að fara í Deigluna á opnun hjá fagurlistadeild Myndlistaskólans.

En til að fara í eitthvað allt annað þá skulum við tala um vinnunna....... þá er ég búin að tala um hana

En nú er leynivinavika í vinnunni, sem lýkur á morgun, þannig að alltaf þegar maður mætir í vinnu að morgni þá er yfirleitt smá textabrot og gjöf við borðið manns, það var meira að segja búið að hengja jólalag(texta við jólalag) á annan tölvuskjáinn minn.
En þetta er nóg um mig í bili... þá skulum við heyra um þig..

Gleðilegan fysta sunnudag í aðventu

2007-12-02T16:26:00.000Z

Já nú er þetta bara að smella á.... Jólin og svo áramót og svo nýtt ár....

En okey byrjum á að nöldra.. Ég eins og svo margir aðrir horfa á fréttir og í einum fréttatímanum um daginn þegar talað var við Herra Sævar og frú, tjaldsvæðisbúa. Nei já daginn eftir var svo talað við hana Björku Vilhelmsdóttir og hún var að segja frá þessum frábæru húsuð sem væru hugsuð fyrir utangarðsfólk, og ég veit ekki hvort að þið hafið kannski tekið eftir því eins og ég gerði að allann tímann sem hún talaði um þessa frábæru lausn, þá talaði hún aldrei um fólk sem hefði ekki efni á venjulegu húsnæði, heldur var þetta fólk sem kaus að búa svona, eða fólk sem var ekki húsum hæft en aldrei talaði þessi blessaða kona um að þetta fólk sem byggi ekki í almennum húsnæðum, hefði ekki efni á því, það bara kaus að búa utandyra !!!!!! Það segir nú ýmislegt..

Svo um þennan mannanskota (já nú blótar maður bara ) sem keyrði á drenginn, sem er nú látinn (sem er mjög sorglegt), hvaða heilvita maður keyrir á barn og keyrir svo í burtu og hefur ekki enn komið og játað.. svona menn eiga ekki rétt á að ganga á meðal vors.. Skítapakk og ekki er skárra ef eins og maður hefur lesið í fréttum, en þeir eru með einn í varðhaldi og það er útlendingur.. Ekki er það til að minnka útlendingahatur, ekki miskilja, ég er engin útlendingahatari (mér finnst mjög gaman að fara til útlanda...) en það er spurning um að hafa aðhald og að við missum þetta ekki allt úr höndunum á okkur, eins og við erum á mjög góðri leið með að gera. Við þurfum aðeins að fara að hugsa svo að þetta fari ekki að verða eins og í Danmörku og Svíðþjóð (smá dæmi).

En nóg um röfl... nú eru að koma JÓL... JÓLLLLLLLLL.. JJJJÓÓÓLLLL

Og það var jólahlaðborð í vinnunni í gær og þetta var algjör snilld og svvvooo gaman, og meðal annars var sketsa-keppni þar sem að deildirnar bjuggu til sketsa í anda thuleauglýsingar-innar, og auðvitað vann SÖLUVERIÐ enda bara snilldar sketsar hjá okkur, og við fengum bikar og vorum dugleg allt kvöldið að láta fólk vita að við hefðum unnið. En þetta var bara gaman.

Svo núna er næst á dagskrá að klára verkin fyrir sýninguna sem verður fyrir norðan í desember, já við í Grálist verðum með risa sýningu á smáverkum í desember, endilega kíkja.. þetta er einnig sölusýning :)

Það er margt skrýtið í kýrhausnum...eða mínum haus í þessu tilfelli..

2007-11-13T21:21:00.000Z

Draumar eru skrýtið fyrirbæri og maður veit ekki alveg hvernig maður á að taka á þeim.. Allavega veit ég ekki alveg hvernig ég á að takast á við drauminn sem að mig dreymdi í nótt, kannski á ég ekki að fara að sigla,eða leika í hryllingsmynd eða kannski á ég að forðast fólk sem á sér ekki spegilmynd...eða draugalega raddir í farsíma... hmm spurning.. en þið getið kannski svarað þessu fyrir mig..

Okey þetta er í grófum dráttum.......
Ég var bæði áhorfandi og var á stundum einnig að leika sama hlutverk... allvega þetta byrjaði nokkurn vegin þegar skip var að brotlenda og þetta var gamalt og draugalegt skip og það skelltist á bjarg og þessa vera sem var einnig ég og einnig sú sem ég var að horfa á fuðraði upp í marga litaða fleti og svo var ég allt í einu komið í hús, þarf ekki að taka það fram að það var draugalegt og þar voru einnig tveir krakkar við borð(mér leið eins og ég væri í hrollvekju), allavega þá var eitthvað um að vera og svo tekur drengurinn upp síma og er að rífast við röddina í símann og svo tek ég símann af honum og röddin (sem nota bene hljóma eins og verið væri að kæfa kött, og öllu því verra) er að segja að hún muni koma og eitthvað þaðan af verra.. og ég man að ég hvísla (vil ekki að börnin heyri) leave the kid the fuck alone.. svo segi ég það sama aðeins hærra og röddinn skellir á, svo er ég í kringum fólk og er að fara að gera eitthvað og þá kemur einn maður og býðst til að aðstoða mig(enn er ég í þessum þrunga og draugalega heimi) og ég segi með efa já og svo þegar ég sé manninn fara fram hjá stórum spegli (í rokkostíl) þá hefur hann enga spegilmynd og þetta kom fyrir í tvö skipti, í seinna skipti var það maður í bláum jakka (minnir mig) sem bíður með astoð sína og fer fram hjá þessum sama spegli og engin spegilmynd... og svo man ég að það gerðist eitthvað en ég bara man ekki hvað það var..

Eina sem ég man var að þegar ég vaknaði þá varð ég að taka sængina af mér þar sem að ég var svo sveitt og ég var dauðþreytt.... ég held að indjánadraumagrípan mín hafi ekki verið á verði í nótt...

Og þegar ég fór að hugsa um þetta í morgun þá man ég að mér leið hálf undarlega þegar ég var að fara að sofa í gær, mér leið eins og ég ætti að hafa rauða ljósið kveikt.. Mér var ekki allt í einu alveg sama að hafa allt slökkt en taldi að þetta væri bara því lík vitleysa í mér og sneri mér á hliðina og sofnaði með herkjum..

Þannig að... hvernig er nú hægt að ráða þetta.. eru draugar að fara að hjálpa mér við að berjast við geðsjúka símarödd.. hmm

Þegar manni leiðist þá fer maður að hugsa...

2007-10-31T15:44:00.000Z

Og það kom svo sannarlega fyrir mig og minn haus... og við komumst að því að við ætlum að gera ljósmyndabók saman. Þetta er að vísu gömul hugmynd, en á sínum tíma ætlaði ég að gera ljósmyndabók um hana Reykjavík, en ég hef ákveðið að víkka sjóndeildarhringinn minn að sinni. Ég á nefnilega MARGAR ljósmyndir og hvers vegna ekki að koma þeim niður á blað...Mér finnst ekki rétt hjá mér að leyfa öðrum ekki að njóta þeirra með mér, þannig að nú þarf ég bara að finna þær myndir sem þóknast bókinni, og nei það verða ekki myndir af neinum verkum mínum. Nema auðvitað ljósmyndaverkum mínum sem yrði þá þessi bók. Þá hafi þið það, þetta eru mínar hugsanir í dag....

En hvaða (okey smá annar gír hérna) rugl er þetta í gangi núna.. Okey ég skal alveg viðurkenna það að ég var kannski ekkert súper glöð með klámráðstefnuna sem átti að vera hérna en hún fór heldur ekkert rosalega í taugarnar mínar, þannig að ég hvorki grét né gladdist þegar henni var aflýst. En nú gæti ég alveg hugsað mér að fara með spjald niður á Hilton-hótel og mótmæla(er samt frekar hrædd um að vera skotin niður) en ef þið ekki vissuð þá er að fara í gang vopnaráðstefna á Hilton-hóteli og ekki nóg með það, heldur eru þessi vopnasamtök mjög vafasöm og eru í raun ekkert nema hálfgerð glæpasamtök... en nei okkar hárprúði og kæri borgarstjóri Dagur B. segir að þetta komi borginni ekkert við. Það kom borginni við þegar klámráðstefnan átti að vera en þegar skotóðir byssueigendur (smá ýkjur hérna af minni hálfu) halda ráðstefnu þá kemur þetta borginni ekkert við.. Að vísu var annar borgarstjóri við völdin, sem leit kannski öðru vísi á hvað kæmi borginni við.

Ég er farin að halda að hann John heitinn Lennon hafi kannski ekki verið mjög sáttur við staðarval Friðarsúlunnar. Síðan að hún fór að skína þá er allt að gerast (og ekki endilega á jákvæðan hátt)

En jæja ég er hætt þessu rausi....

En ég var að setja inn nýtt albúm sem heitir því frumlega nafni.......fyrstu vetrardagarnir á ströndinni..

Jæja Jæja til hamingju Lennon

2007-10-09T19:32:00.000Z

Já til hammó með ammó (ég sagði þetta áður en ég heyrði þetta í Legi) Lennon..... Já í kvöld verður formlega kveikt á friðarsúlunni, ég sá hana á laugardaginn og vá þetta er barasta barasta flott... En nóg um það, ég ætti að vera í Viðey, en er þar ekki af tveimur ástæðum.... í fyrsta lagi þá held ég að klaufarnir á póstinum hafi týnt boðskortinu mínu og í öðru lagi þá er svo mikið rok út í Viðey að ég bara treysti mér ekki þarna út í þessa eyju..
Ég hefði nú samt ekkert haft á móti því að hitta hann Sean Lennon, hann er nokkuð flottur og verður líkari pabba sínum með hverjum degi sem líður..
En okey ég komst ekki til Viðeyjar enda ekki verandi út í svona veðri fyrir manneskju eins og mig, sem er með teppi í vinnunni....

En annars vildi ég bara segja ykkur að það eru komnar inn myndir inn á myndasíðuna mína frá Danmerkurferðinni minni, og endilega gefið ykkur tíma þar sem að þetta eru nokkrar myndir..... Það er langbest að rétta honum kæra Trausta myndavélina og hann sér um þetta, þannig að hann á eignarrétt af mörgum myndum þarna..have fun......

Danmerkurferðin frábæra

2007-09-25T20:57:00.000Z

úff... já ef þetta var ekki snilldar ferð...

En já margt er búið að vera að gerast að undanförnu, bæði frábært og einnig pínu sorglegt.

En hann Haukur elsku besti afi minn lést fyrir skömmu(blessuð sé minning hans). Hann var nú mikill og merkur maður og einn sá mesti grallari sem ég veit um,enda kunna allir einhverjar sögur af prakkastrikum hans. En ég ætla nú ekki að fara að tala um þetta hér, enda veit ég að hann er búin að finna sér hest og þeytist nú um hóla og hæðir alla daga.

En tökum upp léttara hjal...

Danmerkurferð...hin langþráða danmerkurferð...

Okey, ég nenni ekki að skrifa hana frá a-ö þannig að ég skal segja það helsta..

Ég verslaði ekkert....well jú ég verslaði bjór, rauðvín,bjór... allavega þá verslaði ég engin föt, það var ekki farið í eina búð... enda var þetta snilldarferð.. Það var bara setið og drukkið bjór og rauðvín og farið á klúbba og látið reka sig út úr leigubíl (og já við vorum rekin út úr bílnum fyrir að tala saman, já honum fannst við tala of hátt og mikið saman).

á laugardeginum var sól og frábært veður og þá fórum við niður á Strikið og við vorum kannski að spá í að fara að versla smá.... en það breyttist í billjardkeppni sem ég og hún yndislega frænka mín unnum....tvisvar (þetta var semsagt stelpur á móti strákum) eftir þennan glæsta sigur þá var ekkert annað að fagna sigri og gleyma öllum verslunarferðum....

En okey í stuttu máli þá var þetta allt of stutt ferð og mig klæjar í puttana mig langar svo aftur út núna....
En ég fer aftur og það á ekkert að vera svo langt í það...

En ég mun setja inn myndir af þessari ferð....allavega eitthvað af myndunum, það verður valið úr, sumar eru einkamyndir og verða það :) En þar sem að ég gæti talað um það endalaust hvað þetta var mikil snilldarferð þá ætla ég að hætta núna.

loks á leið í danaveldið og menningarvaka

2007-08-27T21:18:00.000Z

Já þá er menningarvaka eða akureyrarvakan búin og þetta var frábær laugardagur, fullt um að vera víða í bænum, bæði verið að skrifa á vegg (Steinn hinn mikli) eða verið að sýna stóla og bjóða upp á súpu (gallerý DaLí, samsýning frábærra listamanna frá Tolla til Helga Þorgils til Vigdísar til allra hinna og Snorra Birgis) eða verið með bókverk úr fiskhausum (Þorsteinn í Kom inn, minnsta gallerýi landsins) eða boðið upp á videoverk og popp (boxið, samsýning 23 listamanna) og svo var honum Jónasi Hallgrímssyni gerð góð skil (Ketilhúsið, samsýning) og einnig var boðið að skrifa á veggi pennans (Hlynur Hallsson var með spray-verk) síðan voru grafítarar eða grafítari að graffa (Margeir var að graffa á veggi DaLí) maður gat einnig arkað inn á Listasafnið (samsýning þeirra sem tilnefndir eru til sjónlistarverðlauna í ár) og ég gæti haldið áfram og áfram og einnig áfram.. en ég bara nenni ekki að skrifa það allt, það var svo mikið um að vera og ég tala nú ekki um lokaatriðið.

það í raun byrjaði á tónleikum stórsveit Samúels (Samma úr Jagúar) og ef löppin mín hefði verið í lagi þá hefði ég dansað af mér skóna, þeir voru svo flottir en aulinn ég gleymdi að kaupa diskinn af þeim. Svo kom heljar atriði í lokin og þar sem ég nenni ekki að skrifa um það þá mæli ég með að þið skoðið myndir af því inn á myndasíðunni minni undir Akureyrarvaka....

En allt tekur enda og þetta kvöld gerði það, í populus tremula á tónleikum Leonards Cohens... nei hann mætti ekki, þetta voru heimilistribute-tónleikar... mjög kósý og svo var tölt yfir götuna á Karó... já allar leiðir enda á Karó eða byrja.. allt eftir því hvernig horft er á það... en þar var stappað af listamönnum og fólki, listamenn eru líka fólk og fólk eru líka listamenn... eftir viðveru á Karó var haldið heim... enda stangur dagur að kveldi eða nóttu kominn og varla hægt að toppa hann betur en gert var.....

mæli ég hér með að allir fari á næsta ári á þessa stórmerkilegu hátíð, það er ekkert sparað og allir eru með, ungir og aldnir og betri skemmtun er varla hægt að finna...........

En svo er ég á leið til Köben 21 sept.... yes yes yes yes ég er á leið ég er á leið til Dk ...... hell yeah people...

enn er sýning í gangi

2007-08-22T20:08:00.001Z

já sýningin er til 9.sept.....

En ég er víst enn haltrandi og er orðin alveg %$&$$####% þreytt á því, enda er ég alltaf að reyna mig í tröppum og stigum, en gengur samt hálf brösulega þar sem að löppin samþykkir ekki enn að beygja hnéið.... Þarf að ræða þetta betur við hana..

En nú er menningarnótt búin og þetta var alveg ágætisdagur eða bara rosalega fínn, enda var ég í rosalega flottu brúðkaupi hjá Berglindi og Unnari, enn og aftur til hamingju með góðan dag :-)

Svo næstu helgi fer fram mikil hátíð norðan heiða.... já þá fer í hönd, menningarvakan og mæli ég eindregið með henni,enda er þetta mikið gleðihátið og margt að sjá og ekki skemmir að skreppa á Karó og fá sér kaffi eða öl..

En meira er ekki á dagskrá hjá mér í bili...

Ég er semsagt að vinna og komst að því að það er ekki sniðugt að reyna að lesa eitt nafn og segja svo sitt í leið, enda hét í Kristján í einu símtali, en samt bara þar til ég leiðrétti mig..

í fréttum hmm.......j, nú skil ég ekkert í þessari blessuðu %&%###% lögreglu sem á að vera til að halda uppi lögum og landi manna og dýra... Hvernig datt þeim í hug að fella niður ákærur á hestamanninn sem sást berja hestinn gráa, ég er bara yfir mig hneyksluð( hneykslunarsvipur)... Það er semsagt allt í lagi að berja hesta og önnur dýr sem ekki getað varið sig eða farið í mál sökum málleysis eða mannamálleysis.. uss uss.. %#3%##%###&## lögreglan

Annars er ég nokkuð hress og bið bara að heilsa

sýning í gangi

2007-08-12T22:10:00.000Z

já það er sýning í gangi, það eru reyndar tvær sýningar í gangi, ein fyrir norðan, handverksýningin í Hrafnagili, en þar er grállistahópurinn að sýna og svo er auðvitað aðalsýningin........

En það er MÍN sýning á Kaffi VOR á Laugarvegi, (á milli skífunnar og Barsins) og svo er Kling og bang á móti... en þar verð ég með sýningu til 9. sept... og allt er til sölu... nema það sem er selt nú þegar, það er ekki lengur til sölu en hitt er til sölu, það sem er ekki með rauðan depil fyrir neðan sig er til sölu..... you got it...

En ég er enn með veika löpp og má ekkert gera(ég má ekkert gera en ég geri sumt).. á að nota hækjur og nota þær stundum.... já stundum en ég nota þær allavega stundum....
ég má svo ekki fara að vinna fyrr en á fimmtudaginn og ég verð að segja að ég hlakka til... já ég bara verð að segja það... ég hlakka til að fara að vinna aftur.. i just had to say that

En meira hef ég ekki að segja.... Það var opnun í dag og það var að vísu ekkert voðalega fjölmennt en það var afskaplega góðmennt, enda voru bara fleiri snittur fyrir okkur....

Og nú er ég farin að lesa Harry Potter....

allt að gerast þessa vikuna

2007-08-07T18:22:00.000Z

Já þá er komin ágúst og næstum því haust(alltaf þegar verslunarmannarhelgina er búin þá fer að koma haust), og hér sit ég, nei ég ligg víst hérna upp í sófa þar sem að ég var að koma úr hnéaðgerð í dag og það er ekkert rosalega gott þegar deyfingin er að fara,en ég á Voltaren og VOD-ið.... þannig að ég er í góðum málum.. Já Vodið er videoleiga Skjásins, það bjargar manni í veikindum. Ef þið viljið Vodið hafið þá bara samband við 8007000 ;-) Ég mun samt ekki svara þessa vikuna,þar sem að mér var bannað að fara í vinnuna fyrr en á föstudaginn (eftir læknisskoðun).....

Þeir sem mig þekkja vita hvað ég hef gaman að því að liggja hér fyrir og gera ekki neitt nema horfa á tv.................or not, enda fær hausinn minn meira en nóg að gera núna, sérstaklega þar sem að ég mun vera með sýningu næstu helgi á Vor (við hlið Barsins)

Já ég mun vera með málverkasýningu næstu helgi á Kaffi Vor á laugarveginum

En þetta var nú fín helgi, fór ekki langt nema á Sunnudeginum skrapp ég austur til Pabba og Eydísar og skellti mér á hestbak(enda verða víst nokkrir mánuðir þangað til ég má fara á hestbak aftur) og þar var sól og sumar og það er nú alltaf gott og gaman að skreppa í sveitina.

Á laugardaginn var svo galakveðjupartý fyrir hana Fríðu skvísu sem er að fara til Kína á morgun, hann Styrmir, hennar ektamaður ákvað þetta og það voru kjólar og jakkaföt og frábær stemning,nema þegar fara átti á Sirkus.. uss uss þessir dyraverðir geta stundum litið svo stórt á sig. Og þótt að það var komin röð(við vorum fremst að reyna að komast inn) þá fékk engin að fara inn úr röðinni en hann helypti samt fullt af öðru fólki inn.. fíflið sá.. En þá var bara farið á Kaffibarinn í staðinn og svo 11 og síðast en ekki síst var farið á Ölstofuna(þar sem að ég og Helga frænka fengum síðast konunglegar móttökur.. we know the right people hahahaha)

En jæja ég ætla að fara að taka aðra pillu og horfa á VODIÐ ;)

nýjar myndir,,, já loksins loksins kom að því

2007-07-26T20:25:00.000Z

Já gott fólk...

Það eru komnar nýjar myndir, bæði á myspace.com/artifarti og hér á myndasíðunni minni, þetta eru að vísu bara 4 myndir af málverkum sem ég hef verið að gera.

meira hef ég ekki að segja, en það er sýning í nánd, en ég mun láta ykkur vita nánar af því síðar ;-)

Góða helgi .....

long time no.....

2007-07-20T17:46:00.000Z

Já.
ég veit að það er ekki stutt síðan ég skrifaði síðast... enda líður tíminn allt of allt of hratt þannig að jólalögin fara bráðum að hljóma....

En smá upprifjun... ég heiti Kristín

En já síðustu vikur hafa farið í vinnu,vinnu,vinnu, tekið til í bílskúrnum (aka. vinnustofu), fór svo í fallega jarðaför á mánudaginn hjá henni kæru Hildi Sif.

En eins og þið sjáið eða lesið þá er ástæða fyrir því að ég er ekki að blogga hérna á hverjum degi eða annan hvern dag.. það er bara ekki svo mikið að segja..en ég skal reyna...

Hefur ykkur dreymt um að fötin ykkar séu að reyna að aflífa ykkur... nei? er það þá bara ég... en til að sýna hvað ég er huguð, þá fór ég í peysunni sem reyndi að kyrkja mig í vinnunna...... já ég er huguð stelpa..
ég er að fara í mína þriðju speglun 7 ágúst (verið að fara að skrapa af liðhófanum, hann er rifinn)
það eru loksins komin ský á þennan blá himinn sem hefur verið að þurrka upp tún og blóm..
ég er orðin orðlaus..

nei í alvöru, ég er orðin orðlaus í bili...

aðvörun...

2007-07-03T23:04:00.000Z

smá aðvörun.... ekki gleyma ykkur yfir lestri bókar í sólinni, það kallar bara á bruna og sár

En nú er mikil hamingja í gangi... DR. phil er að byrja aftur á skjánum, þvílík gleði og ánægja..........þið vitið að þetta er kaldhæðni hérna hjá mér...

Enn er sól og hiti, hver þarf útlönd þegar þeir hafa ÍSland, enda er flest að rigna niður í öðrum nágrannalöndum, það vantar hálfpartinn jafnvægi í veðurfarið,,, hvað varð um það að skipta bróðlega á milli sín, veðurguðirnir hafa greinilega ekki fengið góða uppeldisfræðslu....

Helgin stóðs eiginlega alveg hjá mér að mestu leyti

vá hvað ég hef ekkert merkilegt að segja,nema ég er hálfpartin búin að ákveða hvað ég ætla að vera með á Hrafnagili og svo er ég löngu búin að ákveða hvað ég ætla að vera með á Kaffi Vor í ágúst

meira var það ekki í bili, enda er maður bara að vinna og vinna og kreista sólargeislana frá sólinni

nafnlaust

2007-06-27T22:10:00.000Z

þetta verður nafnlausa bloggið... þeir sem mig þekkja og hafa fengið verk eftir mig vita að ég er ekki mikið fyrir að nefna hluti, hey ég skýrði ekki einu sinni dúkkuna mína þegar ég var yngri. Þannig að ég sleppi þessum hluta núna

En enn er allt á fullu, nema aldrei þessu vant þá var ekki farið á tjútt um helgina, já ég er búin að vera nokkuð dugleg á tjúttinu undanfarnar helgar, en það var í staðinn skellt sér á Apavatn í útileigu,smá Laugarvatnsupprifjanir í leiðinni....

En já nóg að gera á öllum vígstöðum, hausinn minn er á leiðinni að bræða úr sér sökum mikillar hugsunar undanfarna daga, ekki nóg með það ég er búin að vera á námskeiðum alla vikuna og svo vinna til18:00 heldur er ég líka að hugsa um verk sem þarf að vera til 10, júlí og einnig verk sem eiga að vera á sýningu í ágúst hér í bænum... já næsta helgi er semsagt plönuð....

það verða settir saman nokkrir blindrammar
Það verður strekkt á nokkra blindramma
það verður málað
það verður hugsað eitthvað íslenskt...
það verður málað
strekkt á blindramma
skór verða gullsprey-aðir
það verður andað að sér ilmandi lykt af olíulitum,bleki,línolíu, lakki og einnig fleirum eiturilmefnum
var að fá að vita að ég er að fara í partý um helgina, þannig að þá þarf ég aðeins að laga planið mitt...
svo þar á milli verður sofið í nokkra tíma og borðað þegar þess gerist þörf..

En svo er Goldie að koma að spila á Nasa bráðlega......og ég borgaði um 3500 til að láta segja mér að ég þyrfti að fara í sneiðmyndatöku á vinstra hnéi

og eitt til ykkar sem þekkir manninn
Nú ég er búin að sjá hann Sigurð Árna (myndlistamaður.. já hann) hjóla niður á vinnustofuna sína og ég er alveg búin að sjá það út hvers vegna hann eigi svona stórann og sætann hund(sætleikinn kemur þessu samt ekkert við) en þegar hann hjólar þá er hann með hundinn sem auðvitað dregur hann upp allar brekkurnar, verð að spyrja hann um að fá hundinn lánaðann einhverntímann ;)

allt brjálað að gera

2007-06-20T20:11:00.000Z

já gott fólk það er allt að verða vitlaust....... Það er nóg að gera þessa dagana,vinna,vinna,vinna og tónleikar og ég tala nú ekki um helgarnar.

En þar sem að það er nóg að gera þessa dagana þá gerist ekki margt hjá manni, ég gæti sagt ykkur frá vinnunni en það er auðvitað bannað, enda held ég að fæstir hefðu gaman af sögum úr mínu hversdagslegu vinnulífi,enda er best að skilja vinnuna eftir í vinnunni.

En ég fór á Air í gær og vóooo, þeir eru bara snillingar, vélrænir og flottir með sínum franska enskuhreim, ef ég gæti sett inn hljóðefni hér þá gæti ég talað ensku með frönskum hreim fyrir ykkur... en þið vitið sjálfsagt hvernig það hljómar

Svo fór ég í útskrift síðustu helgi, sem endaði eins og venjuleg laugardagskvöld.. á Dillon og Barnum.

En þar hafi þið það, þetta er það sem er að gerast hjá mér, vinna,vinna,vinna og ef ég er ekki að vinna þá er ég að læra fyrir vinnuna...

En ekki kvarta ég.... :) skemmtið ykkur svo vel á Jónsmessunni dúllurnar mínar

leiðist að skrifa her

2007-06-12T21:25:00.000Z

Hæææ hvað segi þið í dag?? Ég? ég segi bara allt þetta besta.......

okey mér leiðist ekki að skrifa hér, bara þarna að ofan..
En það eru komnar myndir inn á "verkin mín og aðrar myndir", bæði af útskriftinni og hittingnum á Prikinu og Boston..... góða skemmtun

Já síðustu vikur og dagar eru búnir að líða eins og eldibrandur, hef að vísu aldrei haft hugmynd um hvernig eldibrandur líður áfram en ég spái því að það sé hratt...
Allt byrjaði þetta í byrjun júní, nóg að gera í vinnunni, nóg að læra úff úff....

En svo var að síðasta helgi sem var rosaleg.. þá var haldið norður til Akureyrar, enda stórhátið þar í vændum, þar sem að systir Júlía kennari og frænka Ólöf hjúkka voru að fara að útkskrifast úr Háskólanum... Þannig að haldið fram norður á föstudegi með smá krók um Hvalfjörð, öllum til mikillar hamingju........ alltaf fallegt í Hvalfirðir (en það var nú ástæða fyrir króknum)
Þegar komið var norður var farið að klára að gera sal og tengja græjur og tól...

Laugardagur er komin og það er vaknað um 8 og haft sig til enda útskrift um 10:30... hver hefur útskrift fyrir hádegi uss uss... og ekki nóg með það að fólk er vakið upp fyrir allar aldir.... heldur eru útskriftarnemar nefndir Júlíanna.... nefnum engin nöfn, en júlíanna er engin stytting á Júlíu þannig að ég sé ekki hvernig hægt var að rugla þessu... en kellingarkjáninn var bjáninn...

En okey eftir góða stund með Forseta og félögum var farið út í sólina og pabbi og Eydís buðu okkur mér, Júlíu(eða var það Júlíana) og tveim ungum sveinum út að borða, áður en þau þurftu að bruna til baka..

Eftir matinn góða var haldið á vit ævintýra í Laugaborg í Hrafnagili... Allt var sett á 110 og gert klárt og svo byrjaði veislan í sól og sumri.. Það var ratleikur, góður matur, flottir leikir (og er ég þeim endalaust fegin að þurfa ekki að taka þátt í Funny bunny)og var ég búin að segja sól og gott fólk og ég.... og kennarinn og hjúkkan og allir hinir sem voru.. og svo má ekki gleyma Ómari og Steina sem eiga núna hug og hjarta allra gesta sem þarna voru... Þetta var frábært kvöld í alla staði og takk kærlega fyrir mig krúsípúttin mín..

Svo í gær var farið á prikið og Boston til að segja bless við Helgu og Trausta (snökt snökt) þar sem að þau voru að fara aftur í danska landið og það heljar stuð :)

En nú vil ég segja ykkur frá fáránlegum vinnudegi í dag... Ég mætti og við fórum að svara.. okey það var allt í lagi, ekki mikið að gera en okey.
svo í hádegismat(sem var 3 korter) var verið úti að grilla pulsur og pylsur og fengum við Unnur og pylsu og pulsur og svo kaffi í kaffigarði ....en þegar við ætluðum aftur í vinnu var sagt við okkur að fara út í sólbað, það væri ekkert að gera (já við vorum reknar í sólbað, og okkur var meira að segja bent á góðan sólstað), þau ætluðu svo að hringja í okkur þegar við mættum koma inn.. en eftir langan tíma fengum við nóg af sól og fórum inn og heimtuðum að fá að vinna og það fengum við loks að gera.. þannig að eftir hádegi þá var farið að vinna um 14:00 og svo á námskeið og aftur að vinna um 16:00 til 17:00... þannig að ég náði að svara um 3 símtölum eftir hádegi..... já svona er vinnan mín... :) þetta er frábær vinna

okey ég er hætt núna, þetta er búið að vera allt of langt......

rigning og rok.. hmmm

2007-06-04T22:21:00.000Z

já þá er það komið á hreint, sumarið er búið....okey kannski smá svartsýni hér á ferð, en þetta veður er heldur ekkert að vekja hjá manni bjartsýnina..

En nóg um það.. Þetta var nokkuð merkileg helgi, þessa helgi át ég Karfa,skötusel,indverskt,fiskipaté og steinbít.. hef held ég bara aldrei sett svona mikinn fisk inn fyrir mínar varir á eins stuttum tíma... ég get etið hendina á mér upp á það.

En ég gerði margt annað en að borða um helgina...til dæmis fór ég á djammið, já loksins gerðist það..... Kristín (ég) fór í bæinn á laugardagskvöldi.. húllum hæ fyrir því

En við skelltum okkur á Indian Mango..nammi namm namm nammi, og svo loksins klukkan tvö (tíminn leið svo hratt heima hjá Evu og Hjalta) þá var rölt í bæinn, ég,María, Ása og Heimir og fyrsti viðkomustaðurinn var Dillon,, yes what a surprise... En nú var allt reyklaust, frekar súrealískt að engin skildi vera að reykja inn á reykstaðnum sjálfum....
Eftir reyklausa viðkomu og einn bjór á Dillon var haldið á Prikið, Barinn átti að vera viðkomustaður en þar var biðröð og maður fer ekki í biðröð... En Prikið var staðurinn og þar var sest upp og spjallað og tjúttað við súper tónlist... þangað til........
hahaha, en það var snilld að koma heim og anga ekki eins og fullur öskubakki.. Þetta reykingarbann er algjörlega málið

En nú er vika tvö í vinnunni og allt er að gerast. Erum að vísu bara í hálftíma mat núna og alltaf til 5... en þetta er fjör og skemmtilegt fólk þannig að ekki kvarta ég... eigi þið góða rigningaviku gott fólk :)

vinnuvika....

2007-05-29T21:35:00.000Z

þá er þessi helgi búin í norðankulda og smá sól..

Fór norður í fermingu til hennar Tinnu skvísu..
Það var rosa fínt, var að vísu frekar léleg djammlega séð, reyndar mjög léleg þar sem að ég fór ekkert á djammið...
En ég fékk góðan mat og hitti fullt af ættingjum, hver öðrum betri.. Þannig að þetta var rosa gaman, enda Helga og Trausti komin á norðurslóðir og allt að gerast..
Þau voru nú frekar túristaleg á leiðinni norður, en ég, Júlía og þau fórum saman, og lentum við í snjó og smá byl og sól. En þau mynduðu í bak og fyrir og ekki má gleyma pylsunni góðu og lakkrísreimunum, já við vorum á framandi slóðum....

En já vinnuvika, það er langt síðan að ég hef notað þetta orð.. En það er satt, ég byrjaði í morgun, og fyrir hádegi þá var farið um öll hús símans og okkur leið eins og lömb til slátrunar eða þá eins og sýningargripum. En eftir hádegi þá byrjaði erfiðið.... þá var farið í Buzz á playstation, já þetta var erfiður dagur... Og svo er annar svipaður dagur á morgun.. En við erum í mánaðar kennslu fyrst ;)

En nóg um mig.........

endilega skoðið þið myndir af fermingunni á myndasíðunni minni...please :) svo fer hin síðan sem við töluðum um ( í fermingunni) að verða til ...

1 ars

2007-05-22T19:42:00.000Z

já nú er maður orðin 1. árs.....það er að segja að nú í dag (eða svona sirka) er maður eins árs löglegur myndlistamaður..

... á síðari myndinni sjái þið litla næli, en þetta er merki skólans og var það sett upp til heiðurs mér og hinum...

Það er semsagt útskrift í kvöld, og óska ég
Ásu
Ástu
Berglindi
Boggu
Hjalta
Línu
Lottu
Maríu
Petru
Steini
og Sveinku

innilega til hamingju með þennan glæsilega áfanga

eins óska ég samútskriftanemum til hamingju með 1.árs afmælið

sól sol skin a mig..

2007-05-18T18:03:00.000Z

já hún lætur ljós sitt skína þessi sól okkar, enda er ég búin að vera að drekka hana í mig...

En stjórnin er fallinn... :-) það er ekkert slæmt um að það segja

En allir þið sem eigið afmæli í dag... til hamingju elskurnar mínar,, knús knús

ég fór í klippingu í dag...

eins og við kannski lesið, þá er ekkert merkilegt í fréttum hjá mér.

1. ég vakna
2. fer á fætur og sinni þessum venjulegu morgunverkum hjá manni
3. skrepp kannski inn í bílskúr að mála, set kannski í þvottavél og tek svo úr henni aftur
4. þegar klukkan er svona um 14:00 þá gríp ég hjól, ef veður er gott og bruna upp í mosó og skelli mér á hestbak með Viggó. Viggó er maður en Skeggi er fákurinn mikli
5. hjóla svo aftur heim
6. svo er það bara þetta venjulega kvöld eins og er hjá öðru venjulegu fólki... það sem ég er að segja er að ég er venjuleg..
7. fer að sofa.
dagur búinn

þetta er svona hinn týpíski dagur, en oft koma dagar sem eru ekki svo týpískir, þá fer ég á eitthvað flakk, nú liggur leið mín upp í kartöflugeymslu, já sorry Fanney.. ég er á leiðinni, en eins og þið sjáið á þessu dagaprógrammi mínu þá er bara svo mikið að gera hjá mér..... ;)

ég sá sæta litla mús, mýs eru alltaf litlar, þetta bara hljómaði svo vel, lítið brún mús. En hún var upp í hesthúsið.

ég verð nú að segja að maður sakna Risessunnar smá, vantar einhverja stóra stelpu í miðbæinn..

nú er ég hætt og mun koma aftur þegar ég hef eitthvað vitlegt að segja, annað en að ég var í klippingu...

eigi þið góða helgi og sleikið þið sólina upp til agna

over.....and....out

Royal de Luxe bjargaði helginni

2007-05-13T12:47:00.000Z

já hvað getur maður sagt.... ef það væri ekki fyrir Listahátíð og franska götuleikhússins Royal de Lux,þá væri þessi helgi hálf misheppnuð..Ekki nóg með það að við töpuðum í evrovision ( er föst á því að við eigum að hætta þessari vitleysu), heldur hélt ríkisstjórnin velli, vísu var að tvísýnt alveg fram að síðustu tölum, þannig að þetta var spennandi kostningavaka, ég vona samt að Framsókn sjái sóma sinn í því að draga sig úr, þar sem að þeirra fylgi var yfrleitt verra á flestum stöðum en í síðustu kostningum. Enda verð ég að segja án þess að ég ætla að vera neitt leiðinleg... þá held ég að framsókn eigi metið í að hafa leiðinlegt og óspennandi fólk í flokknum sínum og þurfa þau að fara að taka sig verulega á ef þau ætla að ná einhverjum hæðum á ný...

En nóg um pólitík...

tölum um Listahátið og mitt uppáhald og yndi... Risessuna

ég er búin að fara á Cobra-sýninguna, flott sýning og gaman að sjá þessi verk svona fyrir framan sig, svo fór ég í Kling&bang í gær ( ekki fara þangað á leið út að borða, borðið áður, lítil stelpa tekur sér bólfestu í listamanninum... og litlar stelpur er ekki alltaf góðar), svo sá ég Roni Horn....

En helgin snerist eiginlega um söguna af Risessunni og pabba hennar, þetta var snilld fram í fingurgóma, enda fylgdi ég henni eftir frá byrjun til enda, og ég hef aldrei séð 8 metra háa brúðu áður sem er svona fríð og góðleg(hef að vísu aldrei séð 8 metra háa Risessu áður), eins og margir hafa sagt og ég segi það líka, þetta var 8 metra há Björk.. En þetta verður upplifun sem gleymist aldrei, enda á ég yfir 300 myndir því til sönnunnar, það er ekki frá því að ég sakni hennar núna :)

þannig að þessari helgi og já auðvitað borginni okkar var bjargað af Risessunni, enda er Risinn farinn í sjóinn og er hættur að skemma bíla bæjarins..

þangað til næst..verð ég í Risessulandi.. farið á myndasíðuna mína og skoðið fleiri myndir af Risessunni og pabba hennar

101..

2007-05-07T12:44:00.000Z

já þetta er póstur númer 101...

Þeir sem mig þekkja vita að ég er hið mesta gæðablóð og þolinmóð með eindæmum og geðgóð... það mætti setja mig í flokk með Dali lama, við erum með álíka mikla hugarró.....

En jafnvel Dali Lama reiðist(hef ég að vísu engan vitnisburð um það... en maður, jú hann er maður er nú mannlegur) og einnig ég(hef vitnisburð um það) og eitt slíkt gerðist í morgun.. Okey ég skal bara segja söguna frá byrjun.

það var um svona rétt fyrir 8 að ég vaknaði.... og fór svo fram um hálf 9 og þetta leit út fyrir að ætla að vera frábær dagur, sól og syngjandi fuglar úti og tilhugsunin um að fara að hjóla á nýja hjólinu dreif mig af stað. En fyrst ætlaði ég að hækka stýrið, allt leit vel út ég sá að ég gat skrúfað þetta þarna í sundur og tekið þessar skrúfur... já ég vissi hvað þurfti að gera......
Fann ekki sexkant sem var nógu breiður, tók þá borvélina og reddaði þessu þannig, náði loks að skrúfa(hjólið er ekki komið með standara ennþá þannig að ég þurfti líka að halda því uppi) okey eftir langan tíma að reyna koma þessum skrúfum úr þá hafðist það...... en til að gera langa og sársaukafulla sögu stutta. Þá var mikið um blót, mikið blót og barssmíðar og ég var kýld utanundir af borvél, var að hugsa um að kæra... en er ekki viss hvort ég myndi vinna. En eftir um 2 tíma af blóti, ofbelti og hugsun um að brenna hjólið, þá andaði ég léttar og setti helvítið saman, já ég náði sem sagt ekki að hækka stýrið... og ákvað bara að koma mér af stað og játa mig sigraða....

En nei þetta var ekki búið þá, þá er sagan um rauða hjálminn eftir.....
Ég var heillengi að ná að setja hann í rétta stærð, böndinn voru annað hvort of stutt eða of löng... en svo loks,loks kom þetta og brosið var næstum alveg komið... þegar (það eru smellur sem þarf að opna til að laga böndið) ég smellti smellunni og beint á puttann, þannig að það var bara stykki sem að klemmmmdist á milli og brosið fór af um leið og nokkur ný blótsyrði urðu til...

En hjálmurinn fór á og plástur á puttann og hjólinu komið út og á bak... nei nei þá heyrðust einhverjir skruðningar sem ætluðu ekkert að hætta þannig að ég hjólaði aftur heim og fór yfir allt hel... hjólið og fann ástæðuna.. og okey ég skal taka þetta á mig.. þetta var lásinn sem fór alltaf í afturhjólið...

En nú er langt liðið á dag, ég komst heil úr hjólatúrnum, Gulli er búin að hækka stýrið... og svo merkilegast af ÖLLU

ÉG ER BÚIN AÐ FARA Í 12TÓNA OG FÁ MÉR BJARKARDISKINN VOLTA...

happy volta-day people og passið ykkur á hjólunum, þetta eru stundum tæki hina illu

merkisfrettir

2007-05-06T16:12:00.000Z

eins og þeir sem hafa lesið bloggin mín, vita að ég læt aldrei neitt ógáfulegt frá mér, enda er ég með þessari síðu að deila með ykkur gáfum mínum og fréttum.....

En allavega þá er ég með hina merkilegustu frétt hér.... Ég fór í IKEA í gær, og get ég nú ekki lengur sagt að ég hafi ekki komið í IKEA. Þar sem að ég hef komið í IKEA

Og fyrst að við erum að tala um merkilegar fréttir, þá hef ég aðra fyrir ykkur sem er álíka krassandi....

Ég keypti mér hjól í dag... já nú fer ég að arka, nei sorry hjóla um götur og torg og upp í Mosó, já ég hjóla stundum þangað(hef nú labbað þangað líka) í heimsókn til ömmu og afa og auðvitað til hans Skeggja, sem er hestur og býr í fyrstu röð, í bás næst vegg í hestuhúsahverfinu í Mosó

Nú er sólin farin að brenna mig á hálsinum og þá verð ég að koma mér út

við skulum fa þetta a hreint..

2007-05-04T18:24:00.000Z

já nú hafa kannski einhverjir tekið eftir því að ég er með á msn-inu mínu að ég væri að pæla í að flytja norður.. Ég skrifaði þetta í vonduveðurskapi á mánudaginn, þar sem að það var svo miklu betra veður fyrir norðan en hér fyrir sunnan, enda var ég fyrir norðan alla síðustu helgi í sumarfíling með ís í hendi.. Svo kom maður hingað suður og okey það var kannski sól en það var ekki þessi sumarhiti, þannig að Kristín(sem er ég, ef það hefur farið fram hjá ykkur) var ekki kát í skapi, enda komin í sumarhitafílinginn..... En ég held að ég sé ekkert að fara að flytja norður í bráð, þótt að ég hafi farið síðustu helgi og fer um Hvítasunnuna og fyrstu helgina í júní, ég neita því samt ekki að það er alltaf gaman að kíkja norður og sjá hvað norðanfólkið mitt er að gera af sér ;)

Þá er það komið á hreint, elskurnar mínar... og Júlía það var ekkert mál, en það er eins gott að þú hafir borðar ALLA kökuna mína í gær..... :)

Flugvöllurinn skal vera þar sem hann er og ekkert meir um að það að segja.. hananú

hver þarf utlönd þegar maður hefur Akureyri

2007-04-30T22:12:00.000Z

já ég var í sólinni á Akureyri um helgina og þvílíkur hiti....

Ástæðan fyrir þessari Akureyrar heimsókn var ferming hjá Unu á laugardeginum, en það var farið á föstudeginum og auðvitað farið beint á Karó, fyrst til Maríu og svo á Kaffi Karó og þetta var hið fínasta kvöld og fyndið og bilað og fjörugt, allt í einu..

Daginn eftir var auðvitað sól og farið var út, svo kom ferming sem endaði að vísu ekki fyrr en eftir 10 um kvöldið, þar sem að það var farið í fylkingu inn eyjafjörðinn á 5 bílum, þannig beilaði ég á leikhúsferðinni.

En svo auðvitað daginn eftir var enn meiri sól og enn meiri hiti, og farið var í bæ á ný og svo að endingu var farið til Reykjavíkur með trega, enda vont að fara frá svona súper veðri..

En þetta var helgin svona í hnotskurn, ég er farin að sjá það að ég djamma eiginlega bara á Akureyri nú orðið.. enda þegar maður hefur Kaffi Karó þá er aldrei leiðinleg stund... allavega ekki margar, og ef svo er, þá fær maður sér bara annan bolla af kaffi eða (þegar við á) annað glas af bjór og þá er málinu reddað.... skál !!

ja svei þeim

2007-04-27T11:09:00.000Z

ég ætlaði nú ekki að blogga strax en ég bara varð að koma þessu frá mér..

fyrst aðrar fréttir, ég fór loks á hestbak upp í Mosó í gær ( þeir sem eru að spá í þessa tvo fáka sem eru á msn-inu mínu, þá var annar reiðhjólafákur sem kom mér upp í mosó og hinn er yndislegi Skeggi, sem er hestfákur eða reiðfákur. Það var frábært, fór með með Viggó og Stjána gamla, vá hvað það vöknuðu margar minningar á að fara niður í hesthús, mér leið bara eins og ég væri 7 ára aftur.. En nóg um fákana mína

Það er þetta kárahnjúka mál.... Það var búið að segja þeim og þeir vissu að impregillo væri glæpafyrirtæki og hefði gert margt ljótt af sér á hinum ýmsu stöðum í heiminum... en nei við hlustum ekki á aðra, við (þá á ég við þá hjá Landsvirkjun og fleiri) við viljum frekar reka okkur sjálf á horn og koma öllu í rugl hérna. Og nú sjá þeir hversu mikið skítafyrirtæki þetta er.. Halló hvaða fyrirtæki sem er með hreinan skjöld stelur læknaskýrslum af lækninum.... þetta eru og verða allataf mafíósar, sem hlógu að litlu vitlausu íslendingunum þegar þeim var boðið að koma með sitt vinnuhask hingað....og nú eru þessir litlu íslendingar búin að skjóta sig verulega í rassinn.. Gott á þá hahahahahahaahahahaahah ( á að hlæja með illum tón) svo held ég að upplýsingarfulltrúinn þeirra þurfi að taka sig mikið á, hann er pínu hrokagikkur

En nóg um á hnjúkanna hans Kára og best að klára að pakka til Akureyrarferðar

hvernig ætli se að vera lofthræddur fugl....

2007-04-25T22:03:00.000Z

ég sá fugl upp á ljósastaur,reyndar sá ég tvo á sitthvorum staurnum, og þá fór ég að pæla... það er frekar hátt fall af svona staurum, já fuglar hafa vængi og geta flogið af staurnum. En samt ... hvað ef maður væri fugl sem væri upp á staur og fattaði allt í einu að maður(fugl) væri lofthræddur... þá væri maður fugl í helvíti slæmum málum..

eða ormum með innilokunarkennd..

Nei ég var að drekka terpentínu, þefaði ekki einu sinni af henni..

Aaaanyway... það er norðurferð næstu helgi, sem þýðir að maður kíkir á Karólínu og fer í fermingu, er að spá í hvaða fötum ég á að fara í hmmm, kannski jóla,áramóta,veislukjólnum...

já ég á við mörg vandamál að stríða... fugl með lofthræðslu, orm með innilokunarkennd og fermingarföt .... það er erfitt að vera ég... Nei nei þetta var nú bara grín, enda kallast þetta yfirborðsleg vandamál sem skipta í raun engu máli, en ég fann hjá mér mikla þörf til að deila þessu með ykkur

En nú er að koma sumar, kemur um leið og það hættir að rigna, þá er gott að fara yfir það sem maður ætlar sér að gera í sumar, sumarheit(eins og áramóta heit, sem ég er löngu hætt að efna þar sem að ég brýt alltaf þessi heit)
en ég reyni að gera svona sumarheit svo ég geti brotið þau seinna...
1. fara í margar margar menningafyllerísferðir (heyriru það Fríða.... nú verður brett upp á ermar og haldið af stað)
2.fara einstaka sinnum út á lífið ...( hef fengið margar kvartanir um lélegt tjúttlíf hjá mér)
3.vera góð við kóngulær
4. svo allt hitt sem ég nefni ekki hér.. engin sérstök ástæða fyrir því, ég bara man ekki neitt meira

þangað til næst... þá skulum við syngja saman

2007-04-20T11:57:00.000Z

já var komin tími á nýtt blogg, voru þið orðin pirruð á að þurfa á hafa Bjarkartónleikana fyrir framan ykkur, ég var að bíða eftir einhverju álíka stórum viðburði en þar sem að ég sá fram á að það myndi ekki gerast í bráð, þá ákvað ég bara að skrifa, til að láta fólk vita að ég er enn við heilsu...já ég tók þessa mynd eitthvert kvöldið

sumardagurinn fyrsti eða sumardagurinn annar heilsar með rigningu(smá hvíttóna) og roki.... yesss það er komið sumar.

En ég var að taka til í skápum og HENDA úr skápum, henti fullt af gömlum teikningum og verkum úr myndlistinni í FB, það fóru um tveir ruslapokar(ekki svartir samt), þannig að í staðinn fyrir 5 möppur eru þær orðnar 2.. en það var ekki það sem ég var að fara að tala um, heldur er það skókassi (adidasbrúnn skókassi) og innihaldið í honum.

Ástæðan fyrir því að leitin tók frekar langan tíma var sú að ég varð að lesa þessi bréf sem upp úr kassanum komu, en það voru mikilvæg skjöl sem staðfesta skólavist mína í Lundi hérna um árið.. en þar má finna mikilvæg samtöl á milli mín og nokkra samnemenda minna um ágæti skólans, sértaklega Ásu........... en þessi bréf léti mig veltast um að hlátri og rifja upp góða tíma og nei ég mun ekki fara betur í bréfin, það er bara á milli mín og hinna en hahahaa vá hvað maður var frábært nemandi.......

En svo fann ég líka frá tímum Iðnskólans, sem var álíka gáfulegt, og stundum eins krassandi en það er eitt sem ég er ekki alveg með á hreinu... en það er "hver var eða er Kalli ?, jóhanna " ég bara man ekki, þarf greinilega að fara að rifja upp..

well ... þangað til næst... þá mun margt gerast

va va va... björk björk björk og hot chip og auðvitað hann Antony

2007-04-09T23:50:00.000Z

já þetta verður tónleikarblogg um mestu og bestu tónleika sem ég hef farið á...

Okey byrjum á byrjun, ég hef farið á alla tónleika Bjarkar sem hún hefur haldið hér á landi fyrir utan þá í Óperunni og Forma, en fyrir utan þessa tvo þá held ég að ég hafi farið á ALLA hennar tónleika, þannig að ég hef svona bjarkartónleikareynslu... or something...
Allavega þá verð ég að segja að þessir tónleikar toppuðu alla fyrri tónleika að ýmsu leiti,kannksi var það lagavalið eða stemningin..

En já hún byrjaði um 8 leytið og þarna var hún mætt í sínum silfurkjól og berfætt og með blásturleikara sem voru í bleiku,grænu og bláu og svo madmouse sem spiluðu undir hjá henni og svo hann Jónas. þegar hún byrjaði þá fór ég að hugsa um alla þá sem maður sá alltaf vera grátandi á Bítlunum.. og aldrei þessu vant þá gat ég vel skilið þetta fólk, tilfinningarskalinn minn fór frá lágum hæðum og til hæstu hæða og maður var með gæsahúð og kuldahroll og allann þennan tilfinningarpakka, en ég fór samt ekki að gráta,náði ekki alveg þangað.. en úff þegar hún fór að taka Army of my, all is full of love, hyperballad, yoga,vökuró og alla þessa gömlu slagara ( á fyrri tónleikum hennar hefur maður bara heyrt þessi lög á íslensku) á ensku og þessi kraftur sem var þarna, þá varð þetta óraunverulegt og mér leið hálf skringilega..já ég er biluð, segið það bara haha

En mikið hlakka ég til þegar Volta kemur í búðir, enda mun ég eigna mér hana, eins og ég hef eignað mér allar fyrri diska Bjarkar.
nýjum lögin eru mjög flott, hún er komin aftur í electronic gírinn, sem er gott mál. Eitt af þessum nýju lögum söng hún með söngsnillingnum honum Antony úr Antony & the Johnson og þetta er frábært lag og bara þetta var allt svo frábært, og ekki að sjá að þetta hafi verið fyrstu tónleikarnir þeirra í tónleikaröðinni....
Ég mæli með því til fólks sem er erlendis eða er að fara erlendis og hefur kost á að skella sér á Björk.....DO IT, DO IT ,DO IT..

ég held að ég eigi seint eftir að ná mér eftir þessa tónleika, enda langar mig ekkert að ná mér eftir þessa tónleika, ætla að hafa þá í minni mínu í langan tíma, enda ekki oft sem maður fær að fara á tónleika með björk tvisvar á sama árinu (næstum því) þá er ég að meina Sykurmolana og svo núna Björk sjálfa..

Okey aftur að tónleikunum.... fullt hús,uppi og niðri og allir komnir til að hlusta og horfa á Björk og margir létu gleði sína í ljós, tel að það hafi verið ítalar, en að lokum lauk Björk sínu prógrammi og á svið komu 5 litlir og stórir Lundúnarbúar með sinn Lundúnarhreim, sem er bara cool.. og héldu þeir uppi frábærri stemningu til tónleikaloka,þótt að margir hafi farið þegar Björk var búin.

Niðurstaða....ég sé stjörnur og silfraða kjóla

nyjar myndir

2007-04-05T20:52:00.000Z

ég er búin að bæta við myndamöppu á mínar myndir,eða verk mín og aðrar myndir, mappan heitir myndir af ýmsu og engu... enda eru þetta myndir af ýmsu og engu og öllu þar á milli..hagið ykkur vel um páskana og étið páskaegg, því ekki ét ég þau og ég borða þau ekki heldur..

lóan og flugan komin

2007-04-03T11:31:00.000Z

nú er lóan komin og einnig fyrsta fluga ársins, já flugan komí heimsókn til mín í gær, þannig að nú er ekki langt í kóngulær og járnsmiði sem sagt sumarið fer að koma...

En fyrst eru það tónleikar Bjarkar í höllinni 9.apríl sem ég er að fara á

Ég fór á opnun hjá henni Söru á laugardaginn á Kaffi Vor, (sem er við hliðina á Barnum), mæli með henni, hún er með rosalega flottar og kröftugar myndir,farið að kíkja. Ég ætlaði nú líka að kíkja á vin minn hann Spessa haha en ég gerði það ekki, ég fer seinna..

En þetta er orðið gott og munið að Volta kemur út 7. maí..

manudagur til malunar

2007-03-26T11:24:00.000Z

ég fór í partý um helgina.. langaði bara að deila því með ykkur, þar sem að daman ég fer eiginlega aldrei í partý núorðið, það er svona þegar aldur færist yfir hæðir eða kannski er ástæðan bara þreyta djammsins, enda virðist það aldrei breytast. Sama hversu sjaldan maður fer út þá hittir maður alltaf sama fólkið(fyrir utan dömurnar á Rex, sem voru að selja sig þarna, ég hitti þær ekki reglulega, reyni að forðast svoleiðis félagsskap). En ég er ekki að kvarta yfir laugardagskvöldinu, þótt ég hafi rekist á Svanlaug. Enda var þetta bara fínasta skemmtun. En Ása ég fór aldrei á Dillon,við fórum svo seint í bæinn klukkan var um 3. En við fórum þá fyrst á Celtic og hittum Magga og félaga sem var fjör,en því miður var það ekki langt stop(og ég sem var komin í fínar samræður við hann Jón) og svo, já okey ég skal segja það...Dubliners úff úff enda rakst ég á Svanlaug þar... i don´t need to say anymore, svo var komið að Rex sem kom mér á óvart: Þessi staður fræga fólksins olli mér smá vonbrigðum sérstaklega þetta með "the working girls" enda voru þær ekki einu sinni myndalegar. en það voru fínir sófar og stólar þarna sem voru vel nýttir í setu.. Svo eftir þessa ágætu reynslu var haldið heim á leið með taxa og hausverk sem hélt partý..

ég er loksins búin að taka fram olíulitina mína aftur og striga og trönur og er að fara að gera seríumyndir, mun samt ekki segja meira um þær fyrr en ég er komin á einhverja leið, en eitt get ég sagt ykkur.... þetta verða dökkar,dimmar og ekki litaglaðar myndir, kannski litaglaðar en þá dökklitaglaðar......

fróðleikshornið litla
þegar death in vegas spila læv þá er það 9 manna band.... hey næstum bara eins og Benni hemm hemm

er ekki þriðjudagur i dag..

2007-03-21T15:53:00.000Z

heyrði að það væri víst komin miðvikudagur...merkilegt hvað tíminn líður þegar maður gerir ekkert allann daginn...
nei nei ég geri margt yfir daginn,þótt að ekki sé hægt að tala um VINNU VINNU(sem maður vaknar upp til að fara í og svo í lok mánaðar þá fær maður pening fyrir það sem maður er búin að vera að gera yfir mánuðinn) en ég virðist samt hafa nóg fyrir stafni og nei ég sef ekki til hádegis. Fer að sofa eftir miðnætti og vakna fyrir hádegi.. en nóg um mig, enda þátti þetta blessaða blogg ekki að fjalla um mína ævisögu... þið getið lesið um hana í bókinni sem kemur út þegar ég verð fræg á leið á sýningu í París... (skiljið sem skila eiga :) )

En okey ég veit að það er ekki mánudagur en það er M-dagur og ég gat bara ekki orða bundinst...

Okey nú er búið að lögleiða vændi á Íslandi og nú má selja sig og kaupa og þegar að hinn hátt...lágt virti alþingismaður Sigurður Kári (sem ég hef bara aldrei náð að fíla) var spurður hvort að hann hefði ekki áhyggjur af því að nú færi að berast hingað inn vændishringir og þess háttar þá svaraði "hinn háttvirti" Siggi "nei það er svo lítill markaður hér á landi"...
okey þá spyr ég "hvernig heldur þú minn kæri Siggi, að þetta hafi byrjað í öðrum löndum..... þetta byrjaði allt sem lítill markaður sem varð stærri og stærri" Ég meina það er betra að byrja smátt og svo stækkar það og stækkar.. er það ekki það sem við segjum börnum okkar (þið sem eigið börn..) að því fleiri krónur sem þú setur í baukinn því stærri verður hann....

Þannig að þegar að þingmaður segir að þetta sé svo lítill markaður, finnst mér það bera vott um heimsku viðkomandi, og vona ég innilega hans vegna að ekkert verði af þessu, annars mun ég aldrei gleyma þessum heimsku heimsku orðum hans....
með þessum orðum kveð ég Sigga og vona að hann læri að eitt smátt gerir margt stórt.

manudagur..timi fyrir orð

2007-03-19T13:54:00.000Z

já mánudagar eru góðir dagar fyrir orð, þá getur maður farið yfir gömlu vikuna og greint aðeins þessa nýju.

En síðasta vika var síðasta vika.......páskar eru að koma.. og það þýðir vestur,norður,rvk.. hvað verður fyrir valinu er ekki gott að segja, en fyrir svona tónlistarnörda eins og mig þá er þetta mjög alvarlegt mál og valkvíðamál á háu stigi. það eru tónleikar á Nasa 1 apríl (forma), svo er auðvita Aldrei fór ég suður á ísó og ef Blonde redhead væru ekki að spila á væri þetta ekki svona mikið mál, en þau eru að spila og eru ekki að auðvelda mér hlutina. Síðan er auðvita upphaf tónleikaferðalags Bjarkar í Laugardalshöll 9 apríl og mig langar á allt. Okey ég veit að blonde redhead eru að spila í reykjavik líka 5 eða 6 apríl en þá þarf maður að borga sig inn á það.. en þetta kemur allt í ljós enda nægur tími til stefni, næstum því 3 vikur eða 2..

já helgin, ég var víst búin að lofa að fara á opnanir en það brást, ég brást........ Rassi gerði mér mikinn óleik og var með sína opnun á Fimmtudaginn, ég veit samt ekki afhverju hann gerði mér óleik með því, ég vildi bara koma þessu yfir á hann... en okey til að vera alveg hreinskilinn þá var ég mjög ólistarleg um helgina(fyrir utan að grunna á striga), og var að hjálpa Júlíu smá í húsinu á laugardaginn,tel ég það vera fína afsökun.

ég var í fjöruferð í dag með myndavél að vopni.. ég var búin að gleyma hvað sjór er "góður" á bragðið..

tónlistarhornið okkar
Badly Drawn boy tróð óvænt upp með Sniglabandinu á Gauknum 16. janúar 2001... örugglega við mikinn fögnuð áhorfenda, fyrir ykkur sem vitið kannski ekki hver hann er þá er hann Bretinn með húfuna..

ég er farin að borða...........

þangað til næst...verið góð við menn og mýs

fullt af myndum

2007-03-15T10:57:00.000Z

já krúttin mín stór og smá.. þá er komið að því, eftir nokkur ár í bloggheiminum þá er ég loksins komin með myndasíðu með fullt af myndum og alltaf að bætast við.. já ég læt ykkur auðvitað vita þegar bætist við... en leiðbeiningar..

1) þar sem að þið lesið þetta þá þarf ég víst ekki að segja ykkur að fara á bloggsíðuna mína....
2)svo skal skrolla smá niður, ekkert hratt, bara svona meðal hratt og meðal hægt..
3) þá sjái þið dálk sem heitir myndir, er það ekki annars?
4) þar efst eru mínar mínar myndir og viti menn þegar það er opnað þá koma mína mína myndir í ljós
5)go crazy..

já þetta hafðist, þannig að nú er ég orðin löglegur bloggmeðlimur sem er meira að segja með myndasíðu

en þar sem að ég hef ekkert meira að segja þá skulum við bara fara í tónlistarhornið.

Faðir Jeff´s Buckley söngvara, söngvarinn Tim Buckley lést eftir að honum hafi verið gefin heróín og marfín kokktel sem hann hélt að væri kókaín, jeff þoldi aldrei pabba sinn og sagði alltaf að mamma hans ætti heiðurinn af tónlist hans en ekki pabbi hans

þangað til næst..gangið þið hægt um gleðina dyr, það er farið að snjóa og gæti verið hálka

miðvikudagur byrjar a M eins og manudagur

2007-03-14T12:25:00.000Z

Hver segir svo að óskir rætast ekki.... Það var einn sólríkann þriðjudagsmorgun að ég opnaði póstinn minn, og þar var einn frá Konna um að maður ætti að lesa einhverja sögu og óska sér svo, okey ég ákvað að gera þetta mér til gamans og flissaði hátt, svo var sagt að óskin ætti að rætast innan 30 mínútna. ég hló bara og tók mína tölvu og arkaði út í sólina og leiðin lá á Karólínu, síðan þegar ég er komin hjá Frúnni í Hamborg hringir síminn og Guðrún Vaka segist vera búin að redda mér fari suður núna sem ég þáði með brosi(Kaffi Karó varð að bíða), og svo leit ég á klukkuna en þetta var að vísu klukkutíma eftir lesturinn, but hey who cares.. ég var að fara suður. Það dugði ekkert minna en 52 sæta rúta,sem ég ein hafði og var með bílstjóra,enda hver lætur mig fá 52 manna rútu...
1000 þakkir fyrir Guðrún snilli, eftir þetta sendi ég póstinn út til þeirra sem mér fannst þurfa svona ósk hahahaha

það hafi þið það fína fólk, ég komst suður og mun halda mig fyrir sunnan um stund, enda eru opnanir á laugardaginn hjá Ragnari í I8 (minnir mig) og svo hjá Sigurði Árna á Safninu...

Svo bið ég bara að heilsa á Karó gott fólk

meira hef ég ekki að segja nema ... já ég var ekki búin að gleyma tónlistarhorninu okkar

tónlistarhornið kafli 3.
Bill Berry sem sem er fyrrverandi trommari R.E.M hætti í hljómsveitinni til að gerast bóndi

þangað til næst, þá veit ég ekkert hvað gerist

sýningar sýningar opnanir opnanir

2007-03-11T13:34:00.000Z

já ég veit að það er ekki mánudagur,ef það er þá hef ég sofið af mér sunnudaginn, en það gerði ég ekki þannig að það hlýtur að vera sunnudagur...

En Laugardagur var dagurinn...
Hann hófst á Kaffi Karólínu þar sem að hún var Karen var með opnun á málverkum,rosalega flottar myndir og mæli ég með að allir fari og skoði,svo eftir setu þar í smá tíma var rölt upp í Deiglu og svo á listasafnið og svo í boxið, ég gleymdi samt að kíkja í gallerý jv. En okey, nú spyrð þú hvaða fart þetta hafi verið á okkur og þá svara ég, Karen á Karó/bernskubrek (myndir eftir listamenn frá því að þeir voru börn)í deiglunni/ljósmyndir á listasafninu/Hlynur í Boxinu/Guðmundur Ármann í gallerýinu hans Jónasar... þetta var pakkstúttfullur laugardagur og eftir þetta mikla og erfiða rölt okkar þá var haldið á vit nýrra ævintýra heima hjá Guðrúnu Vöku,sem á ævintýralegan grænan vask. Þar inni (ekki hjá græna vaskinum samt) sátum við útksriftarmálunarnemar og drukkum ýmsa rauðvíns,bjór og cola drykki og átum ýmiskonar pitsu með og án sultu...
það var 99 %mæting þar sem að einn meðlimur þessa hóps var að mjálma í reykjavík.
En við sátum bara frameftir kvöldi og höfðum það bara alveg glimmer-andi gott,seinna röltum við Karen á Karó og sátum þar í góðum samræðum við fólk og menn og enduðum svo á að rölta með Steini á kaffi Ak og eftir það tvístruðust leiðir og hver hélt til síns heima..

þannig að þessi laugardagur verður seint toppaður, enda langt í að hann komi aftur, það er heilt ár í næsta 10 mars.

tónlistarhornið..
muna eftir Aldrei fór ég suður ...ég fer að koma með heimspekilegar og vitrænar umfjallanir hérna í tónlistarhorninu..all in good time my love..all in good time(þetta er stolið og ég skammast mín ekkert fyrir það)

mæli svo með sunnudags eða mánudagsrúnt til akureyrar, fæ ég svo far aftur í bæinn?

þangað til næst.... i will be back... i always come back.. i will, i´m not kidding

mánudagur fyrir norðan

2007-03-05T16:42:00.000Z

ég er að hugsa um að skrifa alltaf blogg á mánudögum, þá geta þau öll byrjað á "mánudagur...."

hvað þýðir það þegar það er komin mánudagur... já þá er helgin búin

laugardagur... vaknaði, fór á fætur.. ekki endilega í þessari röð.

En allavega þá var þetta fínasta helgi, ég fór á opnun í Dalí, en þar var Spessi ljósmyndari að opna, og það var heljar mikið fjör og ekki versnaði það þegar 3 vaskir sveinar komu inn, en það voru þeir Óliver, Gestur og Óli. Steinn var þegar mættur þannig að það var laugvetningagengi þarna og vakti það mikla lukku og kátínu meðal almennings, en þessir fjórir vösku herramenn fengu nokkuð gott og flott viðurnefni en þeir urður þarna á einu bretti allir kærastarnir mínir, þannig að þetta kvöld þá fór ég frá því að eiga 0 kærasta í að eiga 4... geri aðrir betur..

En síðar það sama kvöld fór ég til Ásu í afmæli, þar að vísu kom Steinn grafalvarlegur og var að leita að mér fyrir einhvern sem ég hafði ætlað að hitta á Karó en ekki látið hann hafa númerið mitt.. og ég fór (á meðan biðu allir spenntir damm damm damm damm) þá voru þetta 4 vaskir sveinar,þannig að ég settist smá hjá þeim með glas og var að útskýra mínu miklu sýningu hahaha.
þegar ég mætti aftur til Ásu byrjuðu yfirheyrslur, sem ég náði að svara vel og vandlega og enn á lífi.
síðan bara hélt fjörið áfram eitthvað frameftir, með bollu í 10 lítra fötu meðferðist....don´t ask people

Á sunnudeginum rölti ég í Boxið til Kristínar Helgu og sá flotta verkið hennar og bjallaði þar smá við hana, labbaði svo niður stigann(veit ekki hvað það eru mörg þrep) og fór og kíkti á Snorra sem var líka flottur

well nú er ég orðin stafa og orðatóm og er kalt á höndunum

En já tónlistarfróðleiksmoli dagsins í dag er...
aphex Twin er sá sami og Richard d. james (okey þessi var hálf glataður, enda vissu þetta margir, en ég sagðist vera orðin orðatóm)kem með betri næst.

okey einn hérna frekar tilgangslaust að vita en well...
í lokaseríunni af Friends, þá kemur nafn Bjarkar fyrir þegar joey er í spurningarkeppninni

þangað til næst...

fimmtudagur i sol

2007-03-01T12:39:00.000Z

you are my sunshine my only sunshine... þetta hafi ófáir sungið heima og að heiman og inn á plötur og í sturtu....anyway..
vildi bara minna ykkur á sólina

Ég hef ákveðið hér eftir að kvarta aldrei aftur yfir fitu minni, en ástæðan fyrir því að ég er bara nokkuð ánægð er 400 KÍLÓA konan sem var í E,og hún var 29 ára, hún sagðist hafa lent í bílslysi og eyðilagði þá labbir sínar..... en þá var hún 200 KÍLÓ..
Þannig að ég er bara helvíti ánægð með mig og mitt, skál í kaffi fyrir því

Skjóta einu hérna inn....... hlustuðu þið á fréttir í dag ? well ég gerði það og heyrði þá í henni Eydísi stjúpmömmu og ég bara ætlaði ekki að þekkja rödd hennar, en ég efast um að fréttir ljúga, enda er hún Oddviti Ásahrepps og það var talað við Oddvita Ásahrepps..

en einn fróðleiksmoli : þið hafið örugglega flest öll heyrt discosmellinn freak-out.....en ég get sagt ykkur það að þetta lag varð til eitt kvöld þegar hljómsveitarmeðlimum hafði verið meinuð innganga inn á studio54 (þótt að væri verið að spila lög þeirra þarna inni.....það muna allir eftir studio54)og þeir fóru heim í fýlu og fóru að glamra og textinn var fyrst fuck-you sem þróaðist svo í freak-it (minnir mig) og svo kom lokaniðurstaða Freakout. semsagt þá var þetta lag samið í reiði til allra sem þeir þoldu ekki.

þetta er nú gaman að vita ekki satt.
er að spá í að vera með alltaf einn fróðleiksmola um tónlist eftir hvert blogg (út af því að ég veit svo mikið hahahahaa), Ása er með hjólin ég er með tónlistina. :)

erfid en god helgi

2007-02-25T11:36:00.000Z

já þetta var nú bara fínasta helgi..

en hvers vegna var hún erfið... jú jú það var djamm báða daga, og þegar maður er komin á svona góðan aldur eins og ég... þá finnst manni alveg nóg að fara bara annað kvöldið.. en ég fór bæði kvöldin og er bara í góðu standi, smá harðsperur eftir dans á Barnum "hann heitir Barinn"..

En nú koma aftur örfréttir
1. hverabrauð er gott, en það vissi maður nú frá fyrri tíð (laugarvatns-tíð), en að búa til rúgbrauðskúlur úr heitu hverabrauði.. úff úff það er bara ekkert grín

2. En kúluskíturinn tókst vel, og til hamingju til Dags og Hlíf Helgu

3. Dillon varð fyrir vali á föstudagskvöld.... eftir smá brölt
4. Megas var flottur á laugardagskvöldið á Arnarnesinu, var með heimatónleika
5. Barinn var góður og BÁSÚNU-GAURINN var bara snilld

6. lokaniðurstaða.... gott og gaman þegar góð tónlist er syngjandi í eyrum manns...

já og þetta var mikil menningarhelgi og nóg að gera..

reynum aftur

2007-02-23T13:23:00.000Z

okey nú er ég búin að skrifa 2 löng æðisleg (finnst mér, án þess að ljúga) blogg, en það hefur eitthvað klikkað í bæði skiptin, þau koma ekki. Þannig að ég ákvað að prufa stutt blogg og sjá hvað gerist. þá koma fréttir

1. búin að fara á á margar flottar sýningar undanfarið.
2. allt að gerast um helgina.
3. er búin að reyna að múta helgu.. hahaha go myspace :)
4. er búin með eina mynd (loksins)
5. er búin að selja 3 sett af glasamottum
6 margt annað í fréttum
7. menningar og ómenningarferð listnema að norðan
8. enn fleira í fréttum..

heyrumst..

monday bloddy monday...

2007-02-12T11:21:00.000Z

okey nú er að fara að koma að lokum... ég er að tala um sýninguna mína, það er svona ca 3 vikur eftir, það verður forvitnilegt að vita hversu margar glasamottur verða eftir í lokin damm damm (ekki dem) heldur damm damm....

En mig vantar eiginlega far norður um mánaðarmótin, og ekki væri verra ef það væri til baka líka, já sumir eru heimtufrekari en aðrir en svona er ég bara.

afhverju er manni alltaf rosalega heitt í hamsi rétt áður en maður fer að skrifa blogg, en svo um leið og maður byrjar þá bara tæmist heilinn og skilur engar heitar umræður eftir..

En mig dreymdi góðan draum, það var ánægjulegt

ég þarf að fara að kíkja á allar þessar sýningar sem eru í gangi núna, þarf að hafa samband við Fríðu blíðu, sérstakan menningar, lista og safnar-samferðamann. Tókum síðast góða rispu rétt fyrir jól (já ég hef farið á söfn síðan), en okkar rispur eru einstakar og oft á tíðum ógleymanlegar, enda lendum við oft í að labba inn á fólk þegar það er að setja upp sýningar sínar og svo þetta með lokaðar og læstar dyr. En þetta er bara brot af því sem kemur fyrir í hverri menningar,lista og safnarferð, þannig að þetta verða oft ævintýraferðir sem samt enda allar vel.

En nóg um okkar góðu ferð og nóg um mánudags bloody spjall (afhverju bloody, þú spyrð ?? hef ekki hugmynd, kannski til að minna mig á að ég er að fara að setja rauðann á myndina mína)

verið þið sæl og blessuð og munið..........mig vantar far norður.........og til baka.... :)

þriðjudagur kominn er ...

2007-02-06T11:16:00.001Z

Já þá er maður að ná sér niður eftir helgina, sem var alveg bara rosaleg helgi...eða svoleiðis

Opnunin gekk rosa vel, mætti á staðinn svona um hálf ellefu á laugardagsmorguninn og fór þá að skrifa, og var ég orðin handaum eftir skrifin öll, en þetta hafðist og svo þurfti ég bara að bíða eftir að opnað var klukkan tvö..

Það var fínasta mæting og fínasta mæting hjá fjölskyldunni, þá er ég að tala um að það voru nokkrir liðir úr ýmsum fjölskyldum sem svo hrærast saman í eina risa stóra "ítalska" gleðifjölskyldu.. já við erum stór, hávær og best (svo ég sé ekkert að ýkja)..
og vil ég senda 1000 knús og kossa til þeirra sem mættu alla leið að sunnan og sumir komu meira að segja norður á laugardaginn og fóru aftur suður á laugardaginn eftir opnun :)

Eftir góða opnun þá var farið heim til Ágústu í smá stund og síðan út að borða á Friðrik iv (er þetta ekki fimmti) og þar var bara snilldar matur og súper þjónusta, eftir að hafa fyllt allar holur magans var haldið (eða ég hélt) á tónleika Péturs Pen á græna, hann er snilli og ekkert annað. Eftir að hafa staðið og beðið eins og grúppía eftir áritun þá var rölt á karó og setið þar fram eftir kvöldi og rifjað upp laugarvatns-stemningu og einnig bjallað við húsamálara og fleira sniðugt.. eftir góðan tíma röltum við Steinn á Amor til að hitta hitt fólkið (sem samanstendur af Bergie, Maríu,Odd, bróðir Odds og hinum tveimur)
Síðan hélt ég heim eftir langan en fínan dag....

Þetta var lýsing á laugardeginum frá A til Ö

Svo fer maður aftur norður um mánaðarmótin til að þrífa af veggjum og til að sjá opnunina hjá henni Karen

komið að þessu...

2007-01-31T16:10:00.000Z

Já góðir góðir hálsar.. eða sárir ef að hálsbólga er að hrjá ykkur..

En allavega þáer komin lokaniðurstaða...

Kristín Guðmundsdóttir

Barnslegar minningar + löstur mannsins

03.02. -02.03.2007

Velkomin á opnun laugardaginn 3. febrúar 2007, klukkan 14

Café Karólína // www.karolina.is
Kaupvangsstræti 23 // IS 600 Akureyri // 4612755
---
Laugardaginn 3. febrúar klukkan 14 opnar Kristín Guðmundsdóttir sýninguna "Barnslegar minningar + löstur mannsins" á Café Karólínu.
Sýningin samanstendur af textaverkum á glasamottur og veggi. Verkin sem skiptast í tvo hluta, annars vegar minningar barns um aðvaranir þeirra eldri og svo hins vegar syndir þeirra eldri og hvernig hægt sé að forðast þær.
Kristín fæddist í Reykjavík árið 1976. Ólst aðallega upp í Mosfellsbæ og á Laugarvatni, en fluttist aftur til Reykjavíkur á unglingsárum og hefur búið þar síðan. Hún varð stúdent af myndlistardeild Fjölbrautarskólans í Breiðholti, hélt svo norður og útskrifaðist af Fagurlistadeild Myndlistaskólans á Akureyri síðasta vor.Sýningin á Café Karólínu er hennar fyrsta einkasýning.
Nánari upplýsingar veitir Kristín í síma 8690464 og netfangið hennar er: kristingudmunds76@gmail.com
Nánari upplýsingar um verk Kristínar eru á síðunni:
http://www.umm.is/UMMIS/Listamenn/Listamadur/620
Og bloggsíðan hennar er: http://kristinfarti.blogspot.com

Kristín verður viðstödd opnunina.
Sýningin á Café Karólínu stendur til 2. mars 2007. Allir eru velkomnir á opnun laugardaginn 3. febrúar 2007, klukkan 14.

Á sama tíma opnar sýning Jónasar Viðars á Karólínu Restaurant. Sú sýning stendur til 4. maí 2007.

ég hef í raun engu við að bæta..

laugardagur sem mun flokkast sem glamur og glimmer

2007-01-27T11:38:00.000Z

já ég er fyrir norðan, kom í gær.

En nú er vika í sýningu úúúú,,,,,,........

En já það er laugardagur og ég er búin að gera svo margt síðast liðna viku.. ég er búin að skamma Dag fyrir Jónba, ég er búin að láta klippa á mér hárið (og líka hluta af því af), ég er búin að kaupa mér draumaglimmerbuxurnar og ég er búin að ferðast alla leið norður.

Þannig að hér er ég nú og mun vera einhverja daga röltandi um á milli snjóhóla.
En í kvöld er það mál mannanna, já þetta er rosa kvöld.

Það er leikur (semvið vinnum), það er evróvisíon (sem mér er alveg sama hvernig fer,þetta getur nefnilega ekki versnað) og svo er það glimmer glamúr partý hjá Krummu (sem ég bara hef ekki hugmynd um hver er), en ég fer samt og verð svo mikið glimmer og glamúr að fólk fær ofbirtu í augun við það eitt að sjá mig labba.

En svo verður morgundagurinn að láta í ljós, hvort að við höfum unnið, hvaða lög bætast við þennan ömurlega lagalista sem kominn er og svo loks, hver þessi Krumma er.......

næstum komin vika

2007-01-23T21:49:00.000Z

já nú er næstum vika frá síðasta bloggi... rosalega er mikið að gera hjá mér.....

En já og nú fer að koma að sýningu og í tilefni að henni fór ég að eyða peningum í dag, en ég fór í klippingu í Gel og þar voru allir í glimmer og glimrandi skapi, svo fór í í Nakta apann, (já Fríða blíða ég keypti mér buxurnar) svo í kvk og sótti bol og svo smá kaffisopa og svo meira kaffi og meira kaffi, en þeir sem mig þekkja vita að ég er mjög róleg að eðlisfari og óeðlisfari, en eftir 5 bolla af kaffi kemst mín (ég þá) í stuð og þá getur ekkert stöðvað mína( enn ég), enda gerði ég allt sem ég ætlaði að gera fyrir löngu og meira en það.

Þannig að nú er ég nýklippt með stórt kort í litlu myndavélinni og er til í glamúrpartý sem ég og María vorum að bjóða mér í fyrir nokkrum mínútum síðar, en partýið er á akureyri, já ég er á leið norður um helgina.

en þótt að það hafi ekki farið framhjá neinum, þá er góð ræða aldrei sögð of oft... en það er þessi ræða með sýninguna á Karó 3 febrúar.

En annars er ég til í glamúr og glassúr hmmm... ég meina glamúr og glimmer og rautt vín, ég var að spá í að segja bjór en það er meira glamúr og glimmer að segja rauðvín, bjórinn geymist handa rokkaranum (sem er alltaf til staðar)...

En nú er komið á hreint að Kristín (enn og aftur er það ég) er glamúr,glimmer rokkari sem ætlar að sötra eitt glas af rauðu í glamúrpartýi

En stórfrétt stórfrétt...... loksins loksins loksins... þá fór ég í smekkleysu og fékk mér loksins loksins I CARE BECAUSE YOU DO með APHEX TWIN................. yeahhhhhhhhh og við vitum öll hvaða lag fær að hljóma hljóma aftur og aftur og það er ....(þetta mun Helga skvísa vita) en það er ALBERTO BALSAM enda margar margar góðar nostalgíu minningar um þetta lag

well ó well ... tala minna, gera meira

Hlynur og dead.... finasta blanda

2007-01-17T21:13:00.000Z

já ég var mjög ánægð þegar ég sá hann Hlyn Halls í blaðinu gær, eða blöðunum.. Enda tilvalið að draga aðeins athyglina frá útvarpslögunum, enda flestir að fá sig full sadda á þeirri umræðu..... En já greyið, það muna nú flestir eftir umtalinu sem hann Hlynur fékk í fyrra þegar hann mætti ekki með bindi á hið háa Alþingi og svo þegar hann mætir með bindi þá fær hann einnig umtal og myndir í blöðum og lendir í fréttum sjónvarps... En já það var flott hjá honum að mæta í þessum jakka líka og er ég jafn hissa og Hlynur á að svona fáir á hinu háa Alþingi skuli þekkja ljóð jónasar, Ferðalok. En 1000 prik til Hlyns :)

og ég mæli eindregið með Liborius, dýrt en flott hönnun

En jæja best að fara að semja eitthvað um mig frá vöggu til (ekki grafar 7,9,13) í dag.... afhverju ? sýningin mín sem verður 3 feb... eru það kannski að verða leið á lesa um sýningu 3 feb... well þið verðið að þola það til 3 feb...sorry ... :)

titill..

2007-01-15T23:18:00.000Z

okey smá heilræði .... ekki fara í nýju buxunum ykkar að mála..

ég gerði það... ég var í nýju buxunum mínum, og mér til varnar þá var ég alls ekki að fara að mála. En allavega þá vildi Guðmundur Óli fara að mála og þá var farið að mála, en til að gera langa sögu stutta ... þá vildi Guðlaugur líka fara að mála og það var aftur farið að mála. Svo var ég aðeins að laga myndina hans og setti hana á löppina á mér og byrjaði að mála svo fann ég allt í einu kulda og mundi þá að stiginn sem ég var að mála á var mjög grófur(var búin að gleyma) og ég var komin með gyllt læri, og ég hef aldrei þá meina ég aldrei verið eins snögg úr einum buxum, og það var hent allskonar efnum yfir þær og beint í vélina...............................(vélin að vinna)....................vélin búin....... og viti menn, ekki einn gylltur punktur þá þeim, sem betur fer var þetta akrýllitur..

En annað í fréttum...hmmm

það er snjór
ég er að klára myndina hennar Ásu (já ása mín þetta fer að koma)
ég er búin að klára myndina hennar Guðrúnar Vöku (já já dugleg ég)
ég fer að fara í tening númer 4,5,6 og 7
ég fer bráðum á taugum út af sýningunni hahaha nei nei en þetta er víst að fara að gerast
csi er byrjað aftur
rautt glimmer er málið
ég fer bráðum að fara að vinna
innan 2ja ára verð ég búin að skreppa í danska heimsveldið til þeirra sem þar búa
er komin með fullt af myndum á myspace
er að bíða eftir að Ása fái sér myspace( ég og kristján erum búin að ræða þetta.. :) )

well ekki meiri fréttir af sinni.....

her kemur það

2007-01-09T14:08:00.000Z

já til ykkar sem hafið spurt og líka ykkar sem hafa ekkert spurt og vitið ekkert um hvað ég er að tala...

þá er opnuninn á sýningunni 3 febrúar á Kaffí Karólínu sem er já á Akureyri.....

ég hef í raun ekkert annað að segja nema loks kom snjórinn og þá fóru jólin :)

januar, februar...........

2007-01-04T13:33:00.000Z

já nú er mánuður í febrúar og við vitum hvað það þýðir, eða ég veit það... þá er mánuður í sýningu hjá mér og nei ég ætla ekki að vera með teningana, bara svona svo það komi fram. En ég fór á sýningu um daginn í kling og bang mjög fín sýning hjá þeim , nema karamelluhúðuðu eplin voru ekki að gera sig fyrir mig, þetta var flott en þessi sæti ilmur fór alveg upp í heila og hélt partý þar fyrir sellurnar...

En nú eru jólin alveg að verða búin og það er alveg fínt, já já ég elska jólin en ég elska líka þegar allt fer í sinn gamla góða farveg eða árveg hmmm aftur, enda ætla ég bráðum að fara að gera eitthvað af viti, enda löngum kominn tími á það....
en á meðan mun ég halda áfram lestir bóka á meðan ég bíð eftir að málningin á teningunum þornar... þannig að þetta er mála, lesa, mála, lesa en núna þarf ég að pússa.................

púss púss ég er farin að pússa...........

bang bang

2006-12-31T14:58:00.000Z

já nú er gamlárdagur... hey hey fyrir því

passið ykkur nú á rakettunum og aldrei kveikja á með glas í hendi, þótt að það sé bara vatn í glasinu.. og ávallt nota... æi ég er ekki komin hingað til að predika yfir ykkur kæra fólk.

en takk allir saman fyrir gamla árið og gleðilegt nýtt ár og megum við eiga margar blogg-gleðistundir á nýja árinu..

það er lif i dynunni

2006-12-27T17:55:00.000Z

já það er nokkuð gaman að því, draugur jólanna er kominn í heimsókn til mín, allavega þá er líf í dýnunni og samt engin á henni...

okey ég skal segja ykkur hvað gerðist.. ég sat upp í rúmi að horfa á sjónvarpið og svo allt í einu þá tók dýnan kipp í einu horninu eins og einhver hefði sest snögglega á rúmið í horninu, og já ég tékkaði en það hafði ekkert dottið á rúmið eða af því þannig að ég fékk heimsókn frá jóladraugnum..
þetta er dýnu sagan.....

en jólin voru rosa fín og maður er búin að borða fullt og fékk fullt af flottum gjöfum og hef þar með sagt bara haft það rosa fínt, og þar sem að ég kemst enn í jólakjólinn þá held ég áfram að borða þar til ég get ekki rent honum upp..

gleðilega hátíð :)

hvað mun gerast...

2006-12-23T23:13:00.000Z

já nú eru að koma jól, en þau koma víst á morgun (er mér sagt), enda á hann Þorlákur þennan dag og hefur átt síðan ég fæddist.

En það sem ég ætla að ræða er kannski jólalegt, eða jól koma þar inní, ég fór upp í kirkjugarð áðan(nei það er ekki eitthvað sem ég geri á hverju kvöldi, sama hvað þið haldið), en okey það var dimmt og þegar ég var að fara aftur inn í bíl þá lenti ég í því að stíga á GRÖF.......ÚÚÚUUU, eða til að fegra þetta aðeins þá steig ég á leiði,en það sem er svona sérstakt við þetta er að þetta leiði var nýtt, sem þýðir að það var kross og bara mold, og ég steig beint ofaná moldina. Þannig að ég steig á nýja gröf...

ég bað hann fyrirgefningar, en maður veit aldrei, kannski fæ ég heimsókn í nótt frá honum þar sem að hann verður með skófar á kinn, en skórnir eru ágætlega flottir undir þannig að ég vorkenni honum ekki mikið að hafa þetta skófar á kinn en að vísu þar sem að ég stóð þá er hann frekar með skófar á sköflungnum...

En annars vil ég bara að segja Gleðileg jól dúllurnar mínar og ég kannski sé sum ykkar um jól og sum ekki, en þetta er mitt jólakort til ykkar allra ;)

sofið svo vel í nótt.....................

laugardagur til göngu

2006-12-18T15:15:00.000Z

já þetta var nú meiri laugardagurinn...

það var kalt ó já það var kalt en það stoppar ekki harða íslendinga til að arka niður laugarveg í jólaskapi, enda var rosalega fallegt veður en kalt kalt...

en já það var samt ákveðið að þessi laugardagur yrði hafður til menningargönguferðar í miðborginni, svo haldið var af stað og eftir góða stund á kaffihúsi (það verður að byrja á góðu kaffi) var farið yfir götuna í klink og bang , (eins og alltaf í þessum menningarferðum hjá okkur Fríðunni þá höfum við það fyrir sið að ganga allavega inn á eina sýningu sem verið er að setja upp) og var Hekla að setja saman sýningu og hún bauð okkur samt velkomin 22 des klukkan 18:00. En já svo var haldið áfram, man ekki alveg í hvaða röð, en við komum við á I8,terpentine,amiina,listasafni Islands(sem tók nú á móti okkur með lokun,og við sem löbbuðum alla leið þangað.. well o well) svo það sem er við hlið amiina,safnið (sáum þennan frábæra skemmtara),nýló og ef ég er að gleyma einhverjum láttu mig á vita, en þetta var kaldur og góður dagur og eftir að hafa ákveðið að fara út í hönnun og hanna buxur með innbyggðum hitara þá var haldið heim á leið.

Þar var tekið sig til á milljon.. eða svona (þeir sem mig þekkja vita að minn taka sig til tími er svona frá 2 mín til 10 mín ca) og svo brunað til Konnans, en þar var verið að fagna 35 árum og myndin Konninn snýr aftur sýnd og óskum við þeim (Konna og Heimi) til hamingju með afmælin sín).
En þarna var bara setið og haft gaman saman langt fram á nótt.

En já nú eru að koma jól og ég er búin að pakka inn, og á morgun er opiðmatarboð hjá Snorra Bigga og Petru og þar mun HELGA mæta jjjíiíííbbííííííííi´.................

Er farin að skreyta og hlusta á Hvít er borg Og bær (fór loks í smekkleysu að sækja hana)

....

2006-12-13T12:21:00.000Z

fann engan góðan titill...

En já það er eitthvað hvítt sem flýgur hérna um fyrir utan, hef heyrt að þetta mun vera kallað snjór, en ég man eftir í svoleiðis frá því ég var lítil, en ég hélt að þetta væri bara einhver draumur hjá mér. En þetta virðist vera það sama og er að fljúga um gluggann núna..

En já nú er ég búin að njósna um ykkur öll og er á leið að skrifa heimildarbók(verst að ég hafi ekkert ættarnafn sem byrjar á stafnum b, þá gæti ég skrifað bókina undir kgb( verst að kristinn gunnar er þekktur undir þessu nafni þannig að þetta er kannski bara dauðdæmt frá byrjun)) okey ég er ekki heldur að fara að skrifa bók en ég er samt orðin snillingur í njósnum þannig að kannski fái ég bara að deila nafninu með kidda hmmm...

En jæja best að fara að pakka inn gjöfum eða finna lakkið..já finna lakkið og svo pakka.. eða pakka og finna svo lakk hmmm þarf að hugsa þetta aðeins ....................................................................

......................... já finna lakk og svo pakka... og fá mér kannski eina eða tvær piparkökur sem voru bakaðar í gær, en bara eina eða tvær..

þar til næst.... ég og þetta hvíta kveðjum

google earth

2006-12-08T22:48:00.000Z

já google earth er málið.. þetta er stórhættulegt þar sem að maður getur ekki hætt þegar maður byrjar.. þannig að þetta er kannski stórhættulegt hmm (spurning)..

En á tveimur dögum er ég búin að skreppa til LA, new york, miklagljúfur, saint helen, spánar,parísar og ég gæti haldið áfram en ég nenni því ekki.. og þetta kostaði mig ekki krónu.

Enda þegar jólin nálgast þá er ekkert betra en að skreppa í smá ferðalag frá stressinu, er að vísu ekki stressuð,, enda ég stressuð , aldrei.....enda er ég búin að öllu sem viðkemur jólum..

En já google earth er málið

heimsforeldri..

2006-12-01T23:18:00.000Z

já þetta getum við þegar við viljum, eins og flestir vita þá er þessi söfnun í gangi í kvöld og það er eins gott að þeir sem þetta lesa og þeir sem ég þekki séu orðnir heimsforeldrar, ég meina kommon 1000 kall á mánuði... það er engin góð afsökun fyrir að vera ekki heimsforeldri, svo ,koma svo :)

ég er það, ég er það...

meira hef ég ekki að skrifa að sinni... :)

er komin timi a nytt blogg??

2006-11-30T21:08:00.000Z

já ég fór á sykurmolana hahaha (okey ég bara varð)

en það er víst að koma 1 des..eftir um 3 tíma :) og þá er hægt að fara að hlusta á jólaplöturnar sem ég keypti í Góða hirðinum um daginn, en samt bara eitt lag á dag enda viljum við ekki verða jólaóð :$

En hvað er í fréttum... ég er loksins komin með efnið og er farin að gera teninga, þannig að nú er bara að vakna hvern morgun og fara inn í bílskúr að vinna..

Svo er ég búin að selja þrjú verk, að vísu fara tvær myndir á sama stað, en þetta er ágætisafrek sérstaklega þar sem að verkin eru geymd undir rúmi svona dagsdaglega ;)

En að öðru máli hmmm já hvað er annað mál. Það er ekkert annað mál á dagskrá, enda hefur ekki mikið gerst hjá undirrituðum síðast liðna daga, nema hún fór með nýju tölvuna í viðgerð án þess að það væri neitt að, það var ekki mín sök en hleðslutækið var bilað og þar sem að ég er orðin góðkunn starfsmönnum í þjónustuveri apple þá fékk ég bara bros og kveðju og nýtt tæki og ég lofaði að láta ekki sjá mig strax aftur.

En já nú eru jólin að koma og þá er bannað að versla sér eitthvað sjálf(ur) og þá einmitt langar mig í endalaust marga geisladiska, ég má varla fara inn í 12 tóna eða smekkleysu þá verð ég óð, en ég get haldið í mér en til að gefa ykkur smá hugmyndir þá langar í mig í nýja Benna hemm hemm, lay low,helmus und dalli,peter bjorn og john,biggi,skakkamanage,ragga gröndal,hafdís huld,toggi,beck,megasar-tribut báðir,... og svona get ég haldið áfram langt fram á kvöld en ég bara nenni því ekki..

allavega....

eg a engin orð...sykurmolar

2006-11-18T02:16:00.000Z

sorry það var ekki hægt að setja kommu yfir stafi í titlinum..

En já vá vá vá er það eina sem ég get sagt ..
ég var semsagt að koma af Sykurmolunum og aðra eins upplifun hef ég og mun aldrei eiga.. enda var þetta once in a lifetime..
Þetta var svo súrelíst að vera þarna á sykurmolunum, hljómsveit sem maður hefur haldið upp á síðan að maður fór að hafa vit (tónlistarvit)en aldrei hélt ég að ég myndi sjá þau á tónleikum, en það gerðist og hér sit ég núna í tónlistarlegri sæluvímu sem á seint eftir að líða frá mér... en tölum um tónleikana

1.fullt af útlendingum, yfir 1000 og fleiri íslendingar enda var fullt.
2. ég sat á öðrum bekk í stúku, fyrir miðju.. besta stað,enda rétt áður en sykurmolar stigu á svið þá kom öll fræga hersingin og ég var umvafin frægu og ríku fólki, misríku en frægir, eins og fótboltamenn,fréttamenn,listamenn,leikarar(auðvitað Álfrún systa Möggu og hennar manni),tónlistarfólk og já Balti og bara endalaust af frægu fólki og mér....
3. múm byrjaði að hita upp og þau voru frábær og þetta nýja efni er brilliant hjá þeim, enda með fullt af skemmtilegur fólki með sér, Silla er ein af þeim. en já þau voru greinilega í góðu skapi(eins og allir þarna inni) og skilaði það sér vel til okkar (áhorfendana eða anna??)
4 síðan kom hlé já
5 svo stigu 3 menn á svið sem sögðu fólki að þeir væru komnir til að taka nokkur vel valin róleg lög hmm... en já fyrsta lagið var rólegt en öll lögin þeirra snúa um ádeilumál og þjóðfélagsmál) já svo eftir fyrsta lagið þá steig restin á svið og þá fóru þeir að spila eins og þeir gera best, þetta var semsagt pönkhljómsveitin Rass sem var í brillandi góðu skapi líka og þetta var rosa flott hjá þeim, enda komst maður í pönkgýr þarna í stólnum.. hell yeah !!
6 þá var hlé, en já í hlé-num hnénum okey hléunum.. okey þegar það var svona hljómsveitarhlé þá var það hann kgb eða kristinn gunnar eða bara kiddi gunnar (sem hefur oft fengið mann til að stíga á dansgólfið, þó aðallega á Bíóbarnum þegar hann var og hét) sem var að dj-a
77777777 það var hljótt, ljósin slökkt, fólk að missa sig....og það var gengið inn og allt ætlaði að verða vitlaust, já þau voru kominn á svið ...í fyrsta sinn saman síðan.. well síðast þegar þau komu saman.
777 (framhald) Einar örn hóf upp rausn sína og þá var það byrjað, þessi ótrúlegi viðburður,þessi einstaka upplifun. SYKURMOLARNIR VORU AÐ SPILA...
77(áframhald af framhaldi) svo eins og góðum íslendingum sæmir þá sungu þau flest lögin á íslensku(enda hefur Björk aldrei haldið tónleika hérna á ensku nema eina),day called zero, planet og eitt eða tvö lög önnur (vá 3ö í röð, hey4) annars allt á því gamla og góða, og þegar Einar var að tala (já hann sá um það) þá talaði hann á íslensku og sagði okkur að pikka í næsta útlending og þýða.... ef við vildum.
777 framha.... þið skiljið...en já þetta var endalaust flott hjá þeim og þau greinilega hafa þetta allt enn og skemmtu þau sér hið besta, en þar sem ekki er hægt að segja frá í orðum þá kaupið bara dvd-inn þegar hann kemur út...(það hlýtur að koma einn svoleiðis)
8 var komin með leið á 7 djonny hinn eini og sanni.. mætti, fyrir þá sem ekki vita þá er það hann Sjón og þá ætlaði allt um koll og gólf að keyra, enda var luftgítarinn tekinn sem aldrei fyrr og sjónninn missti sig á sviðinu ásamt flestum
9allt búið
10 það var haldið útí kuldan, enda eins og Einar sagði í upphafi,að ástæðan fyrir tónleikunum væri sú að það væri svo kalt úti og þá væri gott að getað verið hérna inni...
11 fór heim í sykurvímu án þess þá að vera búin að borða einn sykurmola..

ég varð ekki uti

2006-11-08T23:35:00.000Z

já gott fólk ég varð ekki úti, varð ekki undir neinum brjáluðum hestum og er sprell-lifandi og er komin úr sveitinni..

Ég er komin aftur í netsamband, það er verið að gera efri hæðina í gegn þannig að netið lá niðri en ég er komin aftur í samband, þá meina ég netsamband og er við góða heilsu. En ég mæli með svona hestavinnu fyrir alla sem vilja koma sér í gott form, þetta er hörku líkamsrækt. En þetta er skemmtileg líkamsrækt það verð ég að segja, enda ekkert eins gott og safna að sér nokkrum marblettum.. En ég nenni nú ekki að segja alla sveitasöguna, en þetta var stuð og vinna.

Hér er ég semsagt aftur komin í borgina og nóg að gera enda afmælispartý á laugardaginn og nóg að gera fyrir það,þarf að laga kjólinn minn, já ég ætla að vera í kjól, og þá vantar mig skó við kjólinn og mig vantar klippingu, ég mun fara í klippingu hjá Stjúna í Gel á laugardaginn og ætla að skreppa í Kron að athuga með skó. En þetta verður flott..

Vá það var svo margt sem ég ætlaði að skrifa en það er bara allt farið með vindinum.. en ég vil samt deila því með ykkur að ég er að fara á Sykurmolana þann 17. og ég verð á 2 bekk í stúku og svo var ég að sjá að Múm mun hita upp, þetta getur ekki verið betra..

En þegar ég finn hvað ég það sem ég ætlaði að segja hérna þá mun ég láta vita

it´s a life.... já það lifir eða hún (ég) lifi

2006-10-14T17:52:00.000Z

já okey ég er enn til staðar og sveitin át mig ekki... En þetta verður bara lítið stutt blogg til að sýna að ég er enn á lífi og er ekki búin að gleyma ykkur þannig að hér er ég hér er ég lalala

En ég er samt enn í sveitinni og þá enn í sumarfríi,en er samt komin í tamningavinnu hérna og marblettasöfnun og það er bara fínt, en ég veit að ég á afmæli bráðum og ég lofa að halda fyrir ykkur smá gleði, er enn að hugsa um hvað ég mun bjóða ykkur...

En eitt verð ég að monta mig af.... ég sem aldrei hef keyrt bíl hvað þá jeppa með kerru afturí þá lenti ég í því að þurfa að keyra og bakka, já bakka jeppanum með stóru hestakerrunni, ég þurfti að snúa bílnum við þess vegna varð ég að bakka og ég verð að segja að þvílíkur snillingur sem ég er..

en nóg um mont, og nú er ég farin að slappa af eftir mikla líkamsrækt í dag við hesthúsið og svo hestbak í rigningu sem á ekki að sjást hér á landi..

komin vetur..allavega er ég hætt að vinna í sumar

2006-09-21T19:35:00.000Z

jæja þá er það búið, sumarið, allavega er sumarvinnan búin og þá hlýtur að fara að koma vetur, eða haust. En já nú er ég komin í frí og fríið byrjar á því að gera það sem hefur ekki verið gert í langan tíma, en það er að laga til, já og fara í sjúkranudd og kannski klippingu, en þetta er allt í íhugun, enda er ég bara búin að vera 1 dag í fríi. En svo ætla ég í sveitasæluna og anda að mér fersku sveita og hestalofti. Svo fer maður að hugsa um list, enda hefur það þurft að bíða aðeins í sumar.

En ég gleymdi að kveðja kóngulóna, ekki rauðu, heldur hina sem er enn stærri og át geitungana fyrir mig.

En aldrei þessu vant þá hef ég bara ekkert að segja og ekkert að bulla heldur, þannig að ég ætla bara að hætta þessu rugli og fara að njóta þess að vera í fríi, fer kannski að lesa.... hmmm

sunnudagar

2006-09-10T08:54:00.000Z

það er sunnudagur og allir þeir sem ekki hafa þurft að vakna eru líklega sofandi, en ég er ein af þeim sem þurfti að vakna og hér sit ég nú í vinnunni og bíð eftir útlendingum til að tala við. En finnst ykkur að maður sé búin að vinna of mikið, ef maður ætlar að svara símanum sínum "tjaldsvæðið í laugardal" en ég var næstum því búin að gera það í gær og það var ég sem hringdi...

En já sunnudagur, sem þýðir að það er mánudagur á morgun og svo þriðjudagur og þá kemur fólkið frá Lanzarote, örugglega eins og blandaðir svertingjar á lit og mun ég ekki standa við hlið þeirra næstu 3 vikurnar.

Sunnudagur og margt búið að gerast um helgina,en samt ekkert sem við ætlum að tala um hér. Nema að ég fór á bókamarkað með Júlíu og Guðmundi Óla og keyptum við fullt af bókum (en mest samt handa okkur sjálfum, jólagjafir gleymdust) en svo þegar ég ætlaði að velja mér bók til að lesa á Föstudaginn þá gat ég bara ekki ákveðið, þetta var rosalega erfitt, ég var haldin bókavalskvíða.. Á endanum kafaði ég bara djúpt ofaní pokan og dró upp tvær bækur og viti menn. Þær voru báðar eftir sama höfund, sem heitir Þorsteinn Guðmundsson. Þannig að nú er ég að lesa Hundabókina eftir hann.

Sunnudagur og ég er farin að gera eitthvað hérna í vinnunni...

rauð fín kónguló

2006-09-07T09:47:00.000Z

já þá er það komið á hreint.. sumarið ætlar að enda eins og það byrjaði.. með rigningu..

Og þótt að sumir geta bara hoppað upp í næstu vél (nú er ég að tala um mömmu og Gulla, sem ákváðu einn laugardag að panta sér ferð og eru nú stödd á sumarstað), þá halda aðrir sig bara í rigningunni, en ég er nú inni með hitarann á fullu og horfi á rigninguna þannig að ég ætti ekki að vera að kvarta.. enda les ég bara blöðin og hlusta á Pandoru þannig að ég er í góðum málum.

En vá hvað gærdagurinn var ekki góður dagur, þetta var hræðilegur dagur. Ég skal bara segja ykkur... sko ég vaknaði og var drullu þreytt enda ákvað ég að vaka eftir rockstar og kjósa svona einu sinni(þar sem að ég var alveg viss um að nú væri Magnatími kominn) þannig að ósofin mætti ég í vinnu og það var allt í góðu þar en svo fór ég að fá þennan stingandi hausverk(og ég er yfirleitt með hausverk en þessi var mjög illur skratti) og var alveg að bilast og svo eftir vinnu fór ég bara beint heim, enda með sjóntruflanir á háu plani og hausverk á enn hærri plani og svimi og allur sá pakki .. Svo fór ég heim og svaf í svona 4 tíma og var enn með verk, þetta var meira að segja orðið svo slæmt að ég fór fram og athugaði hvort að það væru til einhverjar hausverkapillur(þeir sem mig þekkja vita að ég tek aldrei pillur við neinu, varla pencilin,þannig nú lá mikið við) eða bólgueyðandi(enda var þetta allt vöðvabólgu að kenna), en nei það voru engar pillur til þannig að ég fór aftur upp í rúm og lá þar í kvölum mínum þar til ég sofnaði (en náði samt að kveikja til að sjá hver færi heim í rockstar..) en svo vaknaði ég í morgun, og er enn með hausverk en mun lifa hann nokkurn vegin af,ef ég bara er með rólegar hreyfingar og það er lítið mál fyrir mig..

En að öðru máli....ég á um 10 daga eftir í vinnunni og þá mun ég hverfa á braut tjalda og fara á braut sveita...

já svo þetta með stóru fínu feitu rauðu kóngulóna, þá sá ég hana á röltinu hérna áðan, en ég var ekki bitin en sá miskilingur var komin í loftið, ég er óbitin...

sumarið gert upp

2006-08-31T13:31:00.000Z

já nú þegar fer að nálgast sumarlok þá á maður alltaf að gera upp sumarið... svona til að svekkja sig aðeins, þar sem að maður hefur ekki staðið við helmingin af því sem að maður ætlaði að gera..

En allavega, ég sagðist ætla að vinna... ég stóð við það
ég sagðist ætla að klára myndina hennar Ásu... stóð ekki við það (en það er í vinnslu)
ég sagðist ætla að bjóða Ásu í humar og hvítvín.... úpps. stóð ekki við það (en það mun koma)
ég sagðist ætla til Amsterdam... stóð ekki við það (en sá tími mun koma)
ég sagðist ætla að vera dugleg listalega séð.... ég keypti skyssubók....
ég sagðist ætla í sveitina.... hef farið einu sinni þannig að ég sveik það ekki alveg
ég sagðist ætla að eiga líf utan vinnu í sumar.... stóð ekki við það, en ég alls ekki að kvarta
ég sagðist ætla að djamma með Ásu.... stóð ekki við það.. en okkar tími mun koma
ég sagðist ætla að vera dugleg að fara norður.... stóð við það einu sinni, opnun Dalí..
ég sagðist ætla að vera menningarleg með Fríðu... stóðum við það einu sinni... eftir nokkrar tilraunir.

þetta er svona brot af listanum. En eins og sést þá er ekki mikið hægt að treysta á mig á sumrin, allavega ekki þetta sumar sem er senn að líða, en svona er það bara þegar fólk skemmtir sér svona í vinnunni, þá bara er ekki tími fyrir neitt annað.

En að lokum vil ég segja að ég mun samt standa við mínar skyldur, og ef ég hef lofað ykkur einhverju í byrjun sumars þá látið mig vita, og Guðrún ef þú lest þetta þá er ég (sauður)loks að fara að klára myndina þína, já ég hef ekki gleymt þér Guðrún mín.

Svo bara go Magni, þótt að ég hafi ekki kosið hann, þar sem að ég fattaði að þegar ég ætlaði að kjósa þá kunni ég það ekki, var ekki búin að vera að horfa á þáttinn. Þannig að ég treysti bara á ykkur hin, og auðvitað brugðust þið mér ekki.... haha

mánudagsnótt eða á ég að segja þriðjudagsmorgun

2006-08-29T05:41:00.000Z

Fríða litla lipurtá... dansar fyrir hann afa sinn lalalallalaa... já ég er á næturvakt og er að syngja með honum Ragga Bjarna um hana Fríðu litlu lipurtá eftir hann Jenna Jóns og ómar á öldum sjónvarpsins.. Fínasta lag með góðar minningar, man ekki alveg hvaða en ég man að þær eru góðar. Og nú er hún Ellý Vilhjálms að syngja lag eftir Jenna jóns (en 1. des eru um 100 ár frá fæðingu Jenna Jóns, það er svo gaman að segja þetta.. jenni Jóns jenni jóns) (já þetta er þáttur um Jenna Jóns í útvarpinu í gegnum sjónvarpið.....) nei ég er ekki að verða biluð af svefnleysi.

En já ég er á næturvakt og er búin að vera rosadugleg verð ég að segja og er í smá pásu hérna núna, en mikið er orðið kalt úti.

jæja svo er supernova á morgun og það er eins gott að vakna og kjósa, þar sem að ég efast að maður nái að halda sér vakandi, en ég mun kjósa og það er eins gott að þið góða fólk kjósið.. ekki viljum við fá hann heim svo hann geti farið að spila með Á móti sól aftur... nei nei,,, þarna er hann þó að gera eitthvað að viti.. nei okey þetta var ljótt, en hey ég þoli bara ekki tónlistina þeirra, þetta eru örugglega ágætis gaurar en tónlistin ææææ.. þannig að Magni verður bara að vera þarna áfram.

En mikið langar mig heim núna að sofa..en það eru nú bara 4 tímar eftir..
Ég er farin að gera eitthvað að viti hérna til að halda mér vakandi, þar sem að kúnnarnir mínir eru allir sofandi og hafa þess vegna engan áhuga á að kíkja í kaffi til mín...

menningarvakan og humar

2006-08-26T09:14:00.000Z

já þetta er frekar flottur titill "menningarvakan og humar" en þetta er samt alveg óskylt...

ég vil nú bara byrja á því að óska öllum mínum Akureyringum til hamingju með daginn, og langar mig mikið mikið mikið mikið (ég gæti haldið áfram endalaust)til að vera þarna með ykkur. En vinnan kallar og þá hlustar maður.

En þá er komið að partinum með humrinum..

Við fórum nefnilega í staffaferð (lokastaffpartý ársins) í gær, sem byrjaði með bjór á Farfugla og svo upp í rútu, sem keyrði og engin (fáir allavega)vissu hvert ferð væri heitið. Það var keyrt til Stokkseyrar og farið á Kajak í líka þessu frábæra veðri og það var ekkert smá gaman,eftir hana var rölt þar sem rútan var og "barinn" (sem var annað beltið á gröfu) var opnaður og drukkinn. Síðan var arkað af stað upp að Fjöruborðinu og við fengum forréttinn til okkar út (humarsúpa) svo var haldið inn, og lentum við svo skemmtilega í því að vera með ccp (þeim sem eru með Eve online fyrirtækið) í sal og þau höfðu tekið Bjarna töframann með sér og fengum við að njóta góðs af því... sem var bara snilld.
Svo fengum við matinn og eins og alltaf þá klikkar Fjöruborðið ekki, já nú kemur það...Humarinn var eins og ávallt nammi namm, enda var borðað yfir sig og drukkið hvítvín með. Síðan var fengið sér eftirétt, og eftir þetta át var maður alveg búin á því og er í raun enn.
Síðan var stefnan tekin á rútuna og bjór tekin úr kæli og haldið áleiðis í borgina og svo bara heim á leið, enda ekki hægt að toppa þetta kvöld á neinn hátt.

Þannig að þetta var frábær ferð í alla staði, enda allir hressir og jákvæðir og ákveðnir í að skemmta sér og öðrum... og ég á þetta allt á filmu.. nei sorry á myndavél.

En nú sit ég hérna í vinnunni og horfi á útlendingana mína gera sig klára fyrir heimför, enda eru þeir flestir að týnast heim á ný, og eru nú skiptar skoðanir hvort þeim langi heim eða ekki, flestir eru nú ekkert á því að vilja fara heim, sem ég skil mjög vel, þar sem að við dekrum svo við fólk hérna að það vill engin fara ef hann kemur einu sinni hingað hahah.. nei nei, en flestir kveðja landið með ekka og segja "sjáumst að ári "...

menningarnótt.... er það menning

2006-08-20T09:19:00.000Z

já nú er henni lokið, þessari menningarnótt.

en ég spyr, er þessi menningarnótt farin að snúast um eitthvað annað en menningu?
Ég fór að pæla í þessu gær þegar ég var að rölta um bæinn í góða veðrinu, að vísu ekki með bjór í hendi eins og flestir (ungir sem aldnir). En okey þarna rölti ég um og þar sem ég gleymdi minni blessuðu dagskrá í vinnunni þá var ég ekki með mikið við að styðjast þarna á göngu minni. Þannig að þetta var spilað eftir minni... úpps.
En það var rosalega mikið af fólki þarna og ég sá nú ekki helmingin af því sem ég ætlaði að sjá og heyra, missti til dæmis af fyrirlestrinum eða umræðunum á milli Sjóns og Finnboga Péturssonar í listasafni reykjavíkur. En eftir mína miklu göngu fram og til baka laugarveg,skólavörðustíg og um miðbæinn þá ákvað ég bara að koma við í ostahúsinum og kaupa ost,skinku og brauð... tel ég almennt að starfsfólk sé mjög glatt með þennan dag þar sem að á þessum eina degi þá má það drekka bjór í vinnunni. En eins og alltaf á menningarnótt þá var farið í Nonnabúð og 12tóna, enda er skyldumæting þangað á menningarnótt og svo fór ég auðvitað á listasöfn og gallery, þannig að þetta var alveg fínn dagur og ekki skemmdi veðrið.

Já svona var mín upplifun á menningarnótt þetta árið, en það er nú ekki mikið að marka mig þessa dagana sökum svefnleysis og margra vinnustunda, þannig ég er ég viss um að flestir hafi skemmt sér ljómandi í gær, sem ég gerði nú líka(fyrir utan þann tíma sem ég þurfti að labba fram hjá sviði Gunna og Felix úff úff).

er ég vond....

2006-08-17T12:19:00.000Z

okey ég var að lesa, eða já lesa á mbl.is að það hafi verið hraðakstur sem olli banaslysi við Garðsskagaveg, og ég sá að þessi 17 ára gaur sem olli því er ekki lífshættulega slasaður, og ég verð bara að segja að ég er rosalega glöð með það, (nei ég er ekki glöð með að einn hafi látist og hinn er alvarlega slasaður) það sem ég er ánægð með er að núna þarf þessi 17 ára gaur að lifa við það það sem eftir er, að hafa ollið banaslysi og allt út af því að hann var að keyra umfram getu.. Gott á hann verð ég að segja og mér finnst þetta engin vonska í mér. vona ég bara að næst þegar hann sest undir stýri, þá hugsi hann um hvað gerðist síðast þegar hann ók of hratt... !!!

engill á Dillon..

2006-08-16T11:31:00.000Z

já það var sko engill á Dillon síðustu helgi og það var að vísu líka djöfull,playboykanína,krossarakappi,froskur,magadansmær, sjóræningjar og fleiri og fleiri verur.
já svona er þetta alltaf á Dillon.... þegar það er grímupartý á Dillon. En þetta var rosa stuð og mikið gaman, enda hefur engillinn ekki farið á Dillon í allt sumar og vor,þannig að komin tími til.

En nú eru bara nokkrir dagar í menningarnótt....

og engin skóli að fara að byrja, eftir um 7 ára nám þá er það frekar skrýtið, gott vont. Þannig að ég mun eyða mínum lokadögum hérna í tjaldalandi. þá er ég ekki að tala um mína lokadaga heldur lokadaga tjaldalands.

en ég er farin útí sólina

2006-08-09T15:28:00.000Z

jæja þá er það komið á hreint að ég er ekki týnd, humarinn er ekki týndur heldur, Dillon er á sýnum stað (en það er samt búið að mála hann, en ekki laga tröppur) og hvítvínið er í kæli. Þetta var nú aðallega smá skilaboð til þín Ása mín. En nú er Kristín í fríi og brunaði ég austur strax eftir vinnu á sunnudaginn í Þórsmörk (já hver hefur ekki trú á Fógus) að vísu varð Fógusinn að bíða og var ég sótt yfir. En það var kærkomin hvíld að vera í Þórsmörk og röltum við yfir í Húsadal til hans Dags frá Langadal þar sem að Sonja er að vinna. Svo var brunað i bæinn um 7 leytið á Þriðjudagsmorgun sökum rigningar sem skaut regndropum á tjaldið á 320 km. hraða. en svo þegar út var litið þá ekki mikil rigning og í fyrsta sinn sá maður jökulinn almennilega. Skrítið þetta veðurfar á þessu landi.

En ég er semsagt enn í fríi og mun vera það þar til næsta mánudag og mun ég mæta í grímupartý á Dillon á laugardaginn, hef ekki ákveðið búning og fatarval...en það mun koma.

En meira var það nú ekki í fréttum að sinni. En ef þið eruð að vappast (flott orð) norður næstu helgi þá er opnun hjá Stellu í Boxinu... varð bara að koma því að.

En Ása í sambandi við humar og frægð hahaha(þeir sem eru tónlistarlega sinnaðir hahaha þeir skilja, eða bara líta á smekkleysu-cd) en okey í sambandi við humar og hvítvín, þá þurfum við að tala saman(þetta var úr auglýsingu) okey nú er ég alveg að brillera og segi fréttum lokið.

hin fallega sigurrós

2006-07-31T14:25:00.000Z

já ég fór á Klambratún í gær og vá þvílíkt magn af fólki og myndirnar í blöðum sína ekki helminginn af þeim sem þarna voru, en þetta var voða kosý... fremst var auðvitað bara staðið, en aftar var fólk bara rauðvín og bjór og teppi og börnin sín í kerrum. En þetta voru mjög fallegir tónleikar, fyrir utan kannski lætin í þyrlunni sem sveimaði fyrir ofan og lætin í öllum krakkaskaranum. En þessir strákar eru bara í einu orði sagt snillingar. Meira hef ég ekki um það að segja og ég hvet ykkur öll til að kaupa allar þeirra plötur, enda er VON ein fallegasta plata sem þeir hafa gert, en VON er fyrsta platan þeirra. Falleg falleg falleg

gleðin komin á ný

2006-07-21T00:28:00.000Z

já góða fína fólk þá er gleðin komin á ný, enda er ég komin endurnærð úr sveitinni. Og það sem meira var þá fékk ég frábært veður og meira að segja frekar allt of heitt í dag , nei ég var ekki að kvarta. Enda lét maður sig hafa það í sínum svörtu reiðbuxum, enda vita þeir sem vit hafa að reiðföt eru ekki strand- eða baðföt, sem þýðir að þau eru efnismeiri og verður því ansi heitt ef heitt er í veðri, en ég var ekki að kvarta...

En já þetta var draumur... þegar ég var komin í rétta gírinn þá var stuð og ég hefði svo getað verið miklu miklu lengur, en vinnan kallar á morgun og það er ekki hægt að skrópa þar...

En svo fór ég meira að segja upp á hálendið, bara bílandi en endastöð þar var Hvanngil eða er það Hvannagil, en þar er engin hvönn. En svo var keyrt til baka, þannig að þetta var um 6 tíma ferðalag allt í allt en því miður aulinn ég gleymdi myndavélinni. En ég á samt nóg af myndum af skýjum(don´t ask), hryssum með folöld, hestum, fólki á hestum, helli, vegum(again don´t ask)...

með verslunarmannahelgina.. þá er það bara gamla góða vinnan

það styttist í frí og geðheilsu á ný

2006-07-15T10:24:00.000Z

já loks fer að koma að því að ég fari í frí og vona ég að ég nái þá geðheilsunni á ný.. enda er mjög stuttur þráðurinn núna þessa dagana og ég er farin að urrrrra á fólk, þannig að ef þig viljið skammast í mér þá myndi ég bíða eftir að ég er komin úr fríi og urrið þá farið úr mér.

Enda lá nú við morði í morgun(nei ég er ekki farin að drepa fólk) en þegar ég var fylla á kaffivélina okkar og var ég með fullan, já fullan poka af mjólkurdufti og hann var næstum því dottinn um koll og þá hefði farið duft um alla vél og gólf..og þetta er duft... og duft fer víða. Og ég þori ekki að hugsa hvað hefði gerst ef þessi atburður hefði gerst, en það hefði verið vont. (ekki líkamlega vont heldur bara vont og illt).

Eins og þið takið eftir á þessum lesningi þá er ég ekki í mínu besta skapi og þoli ekki fólk sem er með pirring og vesen og kjaftæði núna, þannig að ef þið ætlið að vera með svoleiðis þá hef ég engan áhuga á að eiga samskipti við ykkur) okey þetta var grimmilegt af mér, það skal ég viðurkenna hahaha en samt satt

En okey áður en þið farið að vera hrædd við að tala við mig, (enda er ég ekkert voðalega vond ef fólk hagar sér bara vel.. ) þá er ég hætt og ég lofa að næst þegar ég skrifa þá verður það á gleði nótum, enda mun ég ekkert skrifa fyrr en eftir frí sem verður notað til að fara í sveitina góðu

down day at the office

2006-07-13T19:11:00.000Z

já hvað er annað hægt að gera þegar veðrið er eins og það er.. og vinnan eins og hún er.. en að skella Portishead á fónin og líða um draumalandið.. Ekki sofandi draumaland, heldur vakandi draumaland.. það sem heldur manni á lífi hérna í vinnunni, merkilegt hvað vinnan heltekur líf manns stundum, að vísu flesta daga hjá mér og þá er ekkert betra en að skella góðum cd á og hverfa á vit ævintýra sem til eru í hausnum.. og þar eru nú mörg ævintýri í gangi þessa daganna.

hahaha HM

2006-07-06T10:22:00.000Z

já nú er skap mitt farið að verða betra og ég er bara í fínu skapi...

En já hahahaha en samt ekki... Mér finnst þetta frekar illa gert af eða mjög illa gert af Stöð 2, að láta fólk kaupa sér Sýn dýrum dómi og svo eru þeir að sýna alla úrslitaleikina óruglaða...já óruglaða, ég var að horfa á Frakkland-Portugal í gær....

En já Bergie, Þórsmerkurferðin góða..... það fer vonandi að líða að henni.... í merkurferð ég skemmti mér trallla la tralla la... Við verðum bara að bjalla alla saman og finna góðan tíma

En ég er farin að gera eitthvað, þar sem að ég er orðin löglegur vinnualki á háustigi..(er mér sagt) þá verð ég að standa undir þeim kröfum sem þessu fylgir....

kbbanki er banki djöfulsins

2006-07-03T09:58:00.000Z

já vissu þið það ekki... þessi helv... banki er banki djöfla og vítisengla og lögfræðinga haha nei nei gleymum þessu með lögfræðingana... þeir eru fínir.
En já þessi drullu banki er ekki mitt uppáhald núna, þeir eru fífl.. já ég er vond núna, sit hérna í vinnunni og reyni að vera góð við mína kúnna (brosi gegnum reiðina) en innst inni kraumar .essi reiði gagnvart þessum heimska heimska banka sem er að gera mig bensínlausa....nenni ekki að útskýra nánar hahaha. En allavega þá ætla ég að halda áfram þessu illa skapi, allavega að taka það upp aftur þegar ég fer í bankann.. það eru svo mörg orð sem ég vil segja núna en ég er kurteis ung dama og þá segir maður ekki svona orð upphátt. En skítabanki engu að síður.... já ég er vond núna.... argggg

it´s a life... já ég er enn starfandi

2006-06-27T22:36:00.000Z

Til hamingju Boxgellur með laugardaginn og nýju síðuna ykkar.

Ég er í vikufríi og að því tilefni (þar sem ég kemst ekki á landsmót sökum vinnu) þá ákváðum við Júlía að skreppa í útileigu í gær (mánudagur var það) enda ekki gott borgarveður... Þá var tekið allt til sem taka átti til og fengin tjaldvagn og gerð bílaskipti( enda er víst audi svo mikill luxusbíll að það er ekki krókur á honum), þannig að við þrjú (guðmundur óli með í för) fórum á fogus og með vagn upp á Þingvöll. Þar var engin og við komum okkur fyrir á besta staðnum og settum vagninn upp og já líka fortjaldinu og svo var bara tekið upp þetta tjaldbúalíf. Fengið sér heitt kakó og brauð og hitarinn settur á 110. Við skelltum okkur svo smá á rúntinn til að hlýja okkur, fórum í smá göngu og svo aftur inní bíl og keyrðum í átt að Kaldadal og fram hjá Skóarhólum og þá rifjaðist nú upp ýmislegt tengt hestum. Eftir þetta var farið inn í tjald og bara háttað enda ekkert annað að gera, borgarveðrið var komið til Þingvalla.
Svo þegar við vöknuðum í morgun var enn sama veðrið en ekki rigning, þannig að við héldum á rölt(fyrst bílandi) og farið í túristaleik. Við skoðuðum kirkjugarð og kirkju og borðuðum svo á Valhöll þar sem er ekki ódýrt að gista get ég sagt ykkur. Þegar við komum aftur á var farið upp í rúm og sem betur fer.. það rigndi ekki bara eldi og brennisteinum heldur líka eldkúlum og sprengiefnum þar sem að hávaðinn var svo mikill þegar þessi steypa reið yfir vagninn, sem er nota bene regnheldinn. Eftir þennan regnlúr var bara pakkað og brunað í bæinn, enda sáum við ekki fram á bjartari veður tíma í nánd.. og svo var sól í bænum. Þannig að fyrsta útileiga sumarsins var fín en blaut á köflum, en sem betur fer lenti tjaldvagninn bara í bleytunni ..

þvottamiðar

2006-06-14T17:50:00.000Z

já þið kannski spyrjið......
En já þvottamiðar eru nokkuð sem að við öll þekkjum enda eru þeir á öllum okkar fötum. En það sem fæstir vita þá er þetta ágætis lesning, já gott fólk skoðið þið nú miðana ykkar, ég gerði það í dag, tók mig til og skoðaði miðann á Nikitabuxunum mínum og þetta var bara fínasta lesning, nei mér leiðist ekkert mikið á daginn, mér varð bara starsýnt á miðann, enda er þetta ágætlega stór miði og gott að lesa á hann. og já það kom bros hjá mér. Þannig að skilaboðin mín til ykkar er að lesa ykkar miða...

Svo eitt enn... bók um reykjavík fyrir reykvíkinga... hvað mynduð þið vilja sjá í þeirri bók reykvíkingar og þá er ég að meina ljósmyndir gott fólk....

ekkert að skrifta ekkert að gera

2006-06-12T20:09:00.000Z

já góða fólk ástæðan fyrir því að ég skrifa ekki er ekki sú að ég vil ekkert tala við ykkur eða að ég sé að "dissa" ykkur á einhvern hátt, heldur þá hef ég bara ekkert að segja... Líf mitt er vinna og svo ekki vinna, það er, þegar ég er ekki að vinna þá er ég í fríi. En fyrir utan það þá er ég að fara norður næstu helgi í útskrift til Sunnu frænku (enda þegar það er hringt í mann þá verður maður að mæta ;)

En svo er auðvitað líka opnun í Dalí hjá Dagrúnu og Línu þar sem að Sigurður Árni er opnunarlistamaðurinn... Þetta verður mikið húllum hæ og rosa flott. Þannig að meira hef ég ekki að segja. Þar til ég hef eitthvað betra að segja þá kveð ég í bili og þið sem eruð á tónleikunum núna... góða skemmtun (Roger Waters)

666

2006-06-06T20:15:00.000Z

já heyrðu það varð smá breyting á sunnudagstónleikum tropik, þeir voru færðir á Nasa út af löggukjaftæði, sem var vont og gott, við græddum eina hljómsveit Steater Kinney sem ég hafði ekki heyrt í áður en hún var góð og þær eru helv.. þéttar. Það vonda var að sumar hljómsveitir sem áttu að vera í tjaldinu, voru ekki á Nasa eins og Hermigervill, Flís og Bogomil og fleiri. Súrt að Hermigervill skyldi ekki vera. En Kid Carpet bjargaði öllum málum og vil ég benda öllum á að kanna sér þennan gaur betur, maðurinn er snilli. En já þetta var flott helgi og vona ég að þessi hátíð verði áfram næstu sumur, en það veltur allt á okkur almúganum sem kaupir miðann, enda mættum við vera duglegri að mæta á svona festivöl, enda ekki á hverjum degi að það koma svona mörg góð bönd saman og hvað þá í tjaldi. Þetta er einmitt ástæðan fyrir því að þeir hættu með Reykjavík rokkar, það var svo slök miðasala. Þannig að (aftur) áfram við að vera dugleg að kaupa miða og þá þurfum við ekki að vera að fara á Hróaskeldu(þótt að það sé nauðsyn fyrir alla að prufa það allavega einu sinni).

En já nú er dagurinn ...666 (og Dagur til hamingju með afmæli mömmu þinnar, sem var sungið fyrir í partýi fyrir mánuði síðan) og ég er ekki búin að horfa á Omen, sem ætti að vera skylda á þessum degi í þessum mánuði á þessu ári.... En það er ekkert djöfulegt búið að koma fyrir í dag, nema að ég fór í nudd og það var djöfulli vont.

Sunnudagur the last day

2006-06-04T08:55:00.000Z

Já þá er þessu nú að ljúka í kvöld, þá er ég að tala um Festivalið góða.
Ég of Fríða skelltum okkur í gær og það var svo brilliant veður að við týmdum stundum ekki að fara inn, enda fór það þannig að við sátum í grasinu (já grasið góða Fríða :) )) og sátum í sólbaði og hlustuðum bara á Úplu. En við fórum inn til að horfa á Jan Mayen, Stilluppsteypa voru víst snilld, en við þurftum aðeins að skreppa frá þegar þeir voru að spila. Hairdoctor eru alltaf snilld og stóðu undir þeim væntingum,Kimono er flott band eins Jeff Who? sem ég hef aldrei séð live. Næst síðasta bandið var Leaves sem eru svo sjóaðir að þeir geta ekki klikkað og svo hvað var síðasta bandið og það var Supergrass (aftur með þetta blessaða gras ;)) Sem voru bara bara snilld og það var allt fullt í tjaldinu og festival stemmningin var alveg á suðurpunkti, enda á allri þessari hátíð þá hefur maður ekki séð ein slagsmál, og securitas gaurarnir eru bara að nice vinnu, eru bara að rölta og borða pitsur. Love, peace and happiness... En það er eitt svo krúttlegt, hann Leifur sagði mér og Fríðu frá Tjaldhreiðri sem væri á miðju bílaplani og við fórum að skoða og það var svo sætt. Hann var eins og kóngur, það var búið að setja keilur í kringum hann og hann fékk sko alveg að vera í friði greyið.

En í dag er svo lokadagur og þá munu stíga á stokk : Nortón,Hermigervill, Forgotten Lores,Johnny sexual, Flís&Bogomil font, Kid Carper(frá UK) svo Dr. spock, ghostigital,Esg(UK) og svo síðastir eru Trabant. Þannig að þetta verður frábært kvöld og ég er svo búin eftir þessa helgi á líkama, sál og á andlegu hliðinni, en ótrúlega kát með þessa frábæru helgi

Dagur eitt búinn

2006-06-03T09:44:00.000Z

ég ætla að fara í spor fréttamanna og halda svona tónleikadagbók hérna þessa helgi, þannig að þeir sem komust ekki um helgina fá að njóta þess hvað ég er að njóta mín :)

Sko dagur eitt : föstudagur, farið í vinnu klukkan 8, vísu farið upp á flugvöll áður en það er önnur saga sem verður ekki sögð í óspurðum eða spurðum fréttum :). En eftir vinnudag til næstum 4 já ég var ekki alveg til fjögur, ég fór og keypti nýja tösku undir myndavélina og linsuna nýju( Gulli hún er rend, þær voru þær allar). En svo fór ég niður á háskólalóð og fór að hlusta á böndin þann daginn. Fyrst var að Jakobínarína(þeir verða alltaf betri og betri og dansinn í lokinn hjá þeim.. bara cool. Svo var það Cynic Guru ( ég veit ekki alveg hvað segja skal hér, eftir evrovísion þá fékk hann orðið perri yfir sig og það er ekki farið enn), Daníel Ágúst var næstur og hann var nokkuð góður ég þarf endilega að komast í diskinn hans. Síðan var komið að Benna Hemm Hemm og þau voru ekkert annað en flott og frábær. Belgíska bandið Girls in Hawaii var næst, en þetta eru strákar ekki stelpur frá Hawaii og þeir voru góðir og hældu landi en skömmuðust yfir að verðið á bjór væri allt of dýrt fyrir Belga. Hjálmar voru góðir og náðu að hrista kuldann sem var alvarlega farinn að skríða um mann allann. Svo já svo kom Ladytron í allri sinni dýrð og ljóma og stóðu sig með sóma (ég skáld mun heita), frábært hjá þeim. Síðastir voru Apparat Organ Quartet, en nú verð ég að játa synd....... ég horfði ekki á þá(ég hefði getað logið og sagt að þeir hafi verið super cool og frábærir, en ég er bara svo heiðarlega :) ) en ég hef séð þá áður og á diskinn þeirra og það var annað hvort að deyja í öllum skrokknum sem ég var á góðri leið með að gera eða koma sér í heitan bíl og heim og ég valdi seinni kostinn, enda skjálftinn næstum kominn yfir keyrslumörk og bakverkir og hnéverkir öskrandi sárir. Þannig að Apparat voru örugglega flottir. En svo kemur meiri dagbók eftir dag 2 sem er í dag. En í dag eru það Skátar,The Foghorns,Jan Mayen,stilluppsteypa,úlpa,hairdoctor,kimono,Jeff Who,Leaves og Supergrass sem spila, vá þetta verður sjúkt kvöld

2006-05-31T15:52:00.000Z

Ísland er besta land í heimi.... okey nú er ég að segja stóra hluti en það er bara satt sérstaklega á sumrin, nei okey veðrið sökkar og stjórn alþingis fær mínus stig og verðið er hátt... okey þetta er kannski ekki besta land í heimi en þetta er helvíti fínt land. Og tónlistarlega séð þá fær það fullt af plúsum, enda er ég að fara að skella mér á einn svoleiðis viðburð um helgina, er að fara að Reykjaviktropik (reykjaviktropik.com) og þetta verður bara tónlistarhrærigrautur með fullt af erlendum og íslenskum góðum böndum. Mun ég rölta um háskólasvæðið syngjandi örugglega í rigningu og sól á milli. En þetta verður bara bara bara snilld. Þannig að nú er bara setið og staðið allt of mikið og unnið þangað til tónleikarnir hefjast á föstudaginn. EN svo er ég loks að fara í frí eftir helgina, eða mér var skipað í frí af æðri máttarvöldum sem heita Markús superboss og er semsagt yfirmaður minn. Þannig að í næstu viku þá verð ég kannski bara á hestbaki allann tímann (lestu þetta nú Elísabet), ég ætla kannski í sveitarsæluna eftir helgi og slappa af þar sem að ég hef ekki slappað af síðan að við vorum í skólanum að hugsa um lokaverk, þannig að það er kominn tími á gott slapp af og já nudd þar sem að ég á tíma í sjúkranudd, takk sé Júlíu, Villa og co :)

líkamsrækt puff...

2006-05-27T21:46:00.000Z

já hver þarf líkamsrækt þegar maður hefur IKEA........

Já ég komst að þessu í að vísu í gær þegar ég var að rölta um IKEA.. Eftir að hafa labbað 4 hringi um IKEA og var farin að láta starfsfólkið fá áhyggjur afþví að ég væri geðsjúkur einstaklingur sem hefði ekkert annað að gera en að labba hring eftir hring eftir hring, þá sá ég að ég þurfti ekkert að fara í ræktina þann daginn(ekki það að ég sé að fara þangað) en anyway.. sko sagan er ekki búin hérna, ég þurfti að fara að aftur seinna um daginn og labbaði þá inn, á ská, til hliðar og tvo hringi þann daginn og svo í dag þá fór ég nú ekki nema bara einn hring. En niðurstaðan er sú.... engin líkamsrækt, bara IKEA.

En ég er farin að borða baguet með camenbert og drekka rauðvín með.... já ég veit að það er vinna á morgun eins og alla daga hjá mér þessa dagana og svo áfram x............ (kostningar)