va va va... björk björk björk og hot chip og auðvitað hann Antony

já þetta verður tónleikarblogg um mestu og bestu tónleika sem ég hef farið á...

Okey byrjum á byrjun, ég hef farið á alla tónleika Bjarkar sem hún hefur haldið hér á landi fyrir utan þá í Óperunni og Forma, en fyrir utan þessa tvo þá held ég að ég hafi farið á ALLA hennar tónleika, þannig að ég hef svona bjarkartónleikareynslu... or something...
Allavega þá verð ég að segja að þessir tónleikar toppuðu alla fyrri tónleika að ýmsu leiti,kannksi var það lagavalið eða stemningin..

En já hún byrjaði um 8 leytið og þarna var hún mætt í sínum silfurkjól og berfætt og með blásturleikara sem voru í bleiku,grænu og bláu og svo madmouse sem spiluðu undir hjá henni og svo hann Jónas. þegar hún byrjaði þá fór ég að hugsa um alla þá sem maður sá alltaf vera grátandi á Bítlunum.. og aldrei þessu vant þá gat ég vel skilið þetta fólk, tilfinningarskalinn minn fór frá lágum hæðum og til hæstu hæða og maður var með gæsahúð og kuldahroll og allann þennan tilfinningarpakka, en ég fór samt ekki að gráta,náði ekki alveg þangað.. en úff þegar hún fór að taka Army of my, all is full of love, hyperballad, yoga,vökuró og alla þessa gömlu slagara ( á fyrri tónleikum hennar hefur maður bara heyrt þessi lög á íslensku) á ensku og þessi kraftur sem var þarna, þá varð þetta óraunverulegt og mér leið hálf skringilega..já ég er biluð, segið það bara haha

En mikið hlakka ég til þegar Volta kemur í búðir, enda mun ég eigna mér hana, eins og ég hef eignað mér allar fyrri diska Bjarkar.
nýjum lögin eru mjög flott, hún er komin aftur í electronic gírinn, sem er gott mál. Eitt af þessum nýju lögum söng hún með söngsnillingnum honum Antony úr Antony & the Johnson og þetta er frábært lag og bara þetta var allt svo frábært, og ekki að sjá að þetta hafi verið fyrstu tónleikarnir þeirra í tónleikaröðinni....
Ég mæli með því til fólks sem er erlendis eða er að fara erlendis og hefur kost á að skella sér á Björk.....DO IT, DO IT ,DO IT..

ég held að ég eigi seint eftir að ná mér eftir þessa tónleika, enda langar mig ekkert að ná mér eftir þessa tónleika, ætla að hafa þá í minni mínu í langan tíma, enda ekki oft sem maður fær að fara á tónleika með björk tvisvar á sama árinu (næstum því) þá er ég að meina Sykurmolana og svo núna Björk sjálfa..

Okey aftur að tónleikunum.... fullt hús,uppi og niðri og allir komnir til að hlusta og horfa á Björk og margir létu gleði sína í ljós, tel að það hafi verið ítalar, en að lokum lauk Björk sínu prógrammi og á svið komu 5 litlir og stórir Lundúnarbúar með sinn Lundúnarhreim, sem er bara cool.. og héldu þeir uppi frábærri stemningu til tónleikaloka,þótt að margir hafi farið þegar Björk var búin.

Niðurstaða....ég sé stjörnur og silfraða kjóla

nyjar myndir

ég er búin að bæta við myndamöppu á mínar myndir,eða verk mín og aðrar myndir, mappan heitir myndir af ýmsu og engu... enda eru þetta myndir af ýmsu og engu og öllu þar á milli..hagið ykkur vel um páskana og étið páskaegg, því ekki ét ég þau og ég borða þau ekki heldur..

lóan og flugan komin

nú er lóan komin og einnig fyrsta fluga ársins, já flugan komí heimsókn til mín í gær, þannig að nú er ekki langt í kóngulær og járnsmiði sem sagt sumarið fer að koma...

En fyrst eru það tónleikar Bjarkar í höllinni 9.apríl sem ég er að fara á

Ég fór á opnun hjá henni Söru á laugardaginn á Kaffi Vor, (sem er við hliðina á Barnum), mæli með henni, hún er með rosalega flottar og kröftugar myndir,farið að kíkja. Ég ætlaði nú líka að kíkja á vin minn hann Spessa haha en ég gerði það ekki, ég fer seinna..

En þetta er orðið gott og munið að Volta kemur út 7. maí..

manudagur til malunar

ég fór í partý um helgina.. langaði bara að deila því með ykkur, þar sem að daman ég fer eiginlega aldrei í partý núorðið, það er svona þegar aldur færist yfir hæðir eða kannski er ástæðan bara þreyta djammsins, enda virðist það aldrei breytast. Sama hversu sjaldan maður fer út þá hittir maður alltaf sama fólkið(fyrir utan dömurnar á Rex, sem voru að selja sig þarna, ég hitti þær ekki reglulega, reyni að forðast svoleiðis félagsskap). En ég er ekki að kvarta yfir laugardagskvöldinu, þótt ég hafi rekist á Svanlaug. Enda var þetta bara fínasta skemmtun. En Ása ég fór aldrei á Dillon,við fórum svo seint í bæinn klukkan var um 3. En við fórum þá fyrst á Celtic og hittum Magga og félaga sem var fjör,en því miður var það ekki langt stop(og ég sem var komin í fínar samræður við hann Jón) og svo, já okey ég skal segja það...Dubliners úff úff enda rakst ég á Svanlaug þar... i don´t need to say anymore, svo var komið að Rex sem kom mér á óvart: Þessi staður fræga fólksins olli mér smá vonbrigðum sérstaklega þetta með "the working girls" enda voru þær ekki einu sinni myndalegar. en það voru fínir sófar og stólar þarna sem voru vel nýttir í setu.. Svo eftir þessa ágætu reynslu var haldið heim á leið með taxa og hausverk sem hélt partý..

ég er loksins búin að taka fram olíulitina mína aftur og striga og trönur og er að fara að gera seríumyndir, mun samt ekki segja meira um þær fyrr en ég er komin á einhverja leið, en eitt get ég sagt ykkur.... þetta verða dökkar,dimmar og ekki litaglaðar myndir, kannski litaglaðar en þá dökklitaglaðar......


fróðleikshornið litla
þegar death in vegas spila læv þá er það 9 manna band.... hey næstum bara eins og Benni hemm hemm

er ekki þriðjudagur i dag..

heyrði að það væri víst komin miðvikudagur...merkilegt hvað tíminn líður þegar maður gerir ekkert allann daginn...
nei nei ég geri margt yfir daginn,þótt að ekki sé hægt að tala um VINNU VINNU(sem maður vaknar upp til að fara í og svo í lok mánaðar þá fær maður pening fyrir það sem maður er búin að vera að gera yfir mánuðinn) en ég virðist samt hafa nóg fyrir stafni og nei ég sef ekki til hádegis. Fer að sofa eftir miðnætti og vakna fyrir hádegi.. en nóg um mig, enda þátti þetta blessaða blogg ekki að fjalla um mína ævisögu... þið getið lesið um hana í bókinni sem kemur út þegar ég verð fræg á leið á sýningu í París... (skiljið sem skila eiga :) )

En okey ég veit að það er ekki mánudagur en það er M-dagur og ég gat bara ekki orða bundinst...

Okey nú er búið að lögleiða vændi á Íslandi og nú má selja sig og kaupa og þegar að hinn hátt...lágt virti alþingismaður Sigurður Kári (sem ég hef bara aldrei náð að fíla) var spurður hvort að hann hefði ekki áhyggjur af því að nú færi að berast hingað inn vændishringir og þess háttar þá svaraði "hinn háttvirti" Siggi "nei það er svo lítill markaður hér á landi"...
okey þá spyr ég "hvernig heldur þú minn kæri Siggi, að þetta hafi byrjað í öðrum löndum..... þetta byrjaði allt sem lítill markaður sem varð stærri og stærri" Ég meina það er betra að byrja smátt og svo stækkar það og stækkar.. er það ekki það sem við segjum börnum okkar (þið sem eigið börn..) að því fleiri krónur sem þú setur í baukinn því stærri verður hann....

Þannig að þegar að þingmaður segir að þetta sé svo lítill markaður, finnst mér það bera vott um heimsku viðkomandi, og vona ég innilega hans vegna að ekkert verði af þessu, annars mun ég aldrei gleyma þessum heimsku heimsku orðum hans....
með þessum orðum kveð ég Sigga og vona að hann læri að eitt smátt gerir margt stórt.

manudagur..timi fyrir orð

já mánudagar eru góðir dagar fyrir orð, þá getur maður farið yfir gömlu vikuna og greint aðeins þessa nýju.

En síðasta vika var síðasta vika.......páskar eru að koma.. og það þýðir vestur,norður,rvk.. hvað verður fyrir valinu er ekki gott að segja, en fyrir svona tónlistarnörda eins og mig þá er þetta mjög alvarlegt mál og valkvíðamál á háu stigi. það eru tónleikar á Nasa 1 apríl (forma), svo er auðvita Aldrei fór ég suður á ísó og ef Blonde redhead væru ekki að spila á væri þetta ekki svona mikið mál, en þau eru að spila og eru ekki að auðvelda mér hlutina. Síðan er auðvita upphaf tónleikaferðalags Bjarkar í Laugardalshöll 9 apríl og mig langar á allt. Okey ég veit að blonde redhead eru að spila í reykjavik líka 5 eða 6 apríl en þá þarf maður að borga sig inn á það.. en þetta kemur allt í ljós enda nægur tími til stefni, næstum því 3 vikur eða 2..

já helgin, ég var víst búin að lofa að fara á opnanir en það brást, ég brást........ Rassi gerði mér mikinn óleik og var með sína opnun á Fimmtudaginn, ég veit samt ekki afhverju hann gerði mér óleik með því, ég vildi bara koma þessu yfir á hann... en okey til að vera alveg hreinskilinn þá var ég mjög ólistarleg um helgina(fyrir utan að grunna á striga), og var að hjálpa Júlíu smá í húsinu á laugardaginn,tel ég það vera fína afsökun.

ég var í fjöruferð í dag með myndavél að vopni.. ég var búin að gleyma hvað sjór er "góður" á bragðið..

tónlistarhornið okkar
Badly Drawn boy tróð óvænt upp með Sniglabandinu á Gauknum 16. janúar 2001... örugglega við mikinn fögnuð áhorfenda, fyrir ykkur sem vitið kannski ekki hver hann er þá er hann Bretinn með húfuna..

ég er farin að borða...........

þangað til næst...verið góð við menn og mýs

fullt af myndum

já krúttin mín stór og smá.. þá er komið að því, eftir nokkur ár í bloggheiminum þá er ég loksins komin með myndasíðu með fullt af myndum og alltaf að bætast við.. já ég læt ykkur auðvitað vita þegar bætist við... en leiðbeiningar..

1) þar sem að þið lesið þetta þá þarf ég víst ekki að segja ykkur að fara á bloggsíðuna mína....
2)svo skal skrolla smá niður, ekkert hratt, bara svona meðal hratt og meðal hægt..
3) þá sjái þið dálk sem heitir myndir, er það ekki annars?
4) þar efst eru mínar mínar myndir og viti menn þegar það er opnað þá koma mína mína myndir í ljós
5)go crazy..

já þetta hafðist, þannig að nú er ég orðin löglegur bloggmeðlimur sem er meira að segja með myndasíðu


en þar sem að ég hef ekkert meira að segja þá skulum við bara fara í tónlistarhornið.

Faðir Jeff´s Buckley söngvara, söngvarinn Tim Buckley lést eftir að honum hafi verið gefin heróín og marfín kokktel sem hann hélt að væri kókaín, jeff þoldi aldrei pabba sinn og sagði alltaf að mamma hans ætti heiðurinn af tónlist hans en ekki pabbi hans

þangað til næst..gangið þið hægt um gleðina dyr, það er farið að snjóa og gæti verið hálka

miðvikudagur byrjar a M eins og manudagur

Hver segir svo að óskir rætast ekki.... Það var einn sólríkann þriðjudagsmorgun að ég opnaði póstinn minn, og þar var einn frá Konna um að maður ætti að lesa einhverja sögu og óska sér svo, okey ég ákvað að gera þetta mér til gamans og flissaði hátt, svo var sagt að óskin ætti að rætast innan 30 mínútna. ég hló bara og tók mína tölvu og arkaði út í sólina og leiðin lá á Karólínu, síðan þegar ég er komin hjá Frúnni í Hamborg hringir síminn og Guðrún Vaka segist vera búin að redda mér fari suður núna sem ég þáði með brosi(Kaffi Karó varð að bíða), og svo leit ég á klukkuna en þetta var að vísu klukkutíma eftir lesturinn, but hey who cares.. ég var að fara suður. Það dugði ekkert minna en 52 sæta rúta,sem ég ein hafði og var með bílstjóra,enda hver lætur mig fá 52 manna rútu...
1000 þakkir fyrir Guðrún snilli, eftir þetta sendi ég póstinn út til þeirra sem mér fannst þurfa svona ósk hahahaha

það hafi þið það fína fólk, ég komst suður og mun halda mig fyrir sunnan um stund, enda eru opnanir á laugardaginn hjá Ragnari í I8 (minnir mig) og svo hjá Sigurði Árna á Safninu...

Svo bið ég bara að heilsa á Karó gott fólk

meira hef ég ekki að segja nema ... já ég var ekki búin að gleyma tónlistarhorninu okkar

tónlistarhornið kafli 3.
Bill Berry sem sem er fyrrverandi trommari R.E.M hætti í hljómsveitinni til að gerast bóndi

þangað til næst, þá veit ég ekkert hvað gerist

sýningar sýningar opnanir opnanir

já ég veit að það er ekki mánudagur,ef það er þá hef ég sofið af mér sunnudaginn, en það gerði ég ekki þannig að það hlýtur að vera sunnudagur...

En Laugardagur var dagurinn...
Hann hófst á Kaffi Karólínu þar sem að hún var Karen var með opnun á málverkum,rosalega flottar myndir og mæli ég með að allir fari og skoði,svo eftir setu þar í smá tíma var rölt upp í Deiglu og svo á listasafnið og svo í boxið, ég gleymdi samt að kíkja í gallerý jv. En okey, nú spyrð þú hvaða fart þetta hafi verið á okkur og þá svara ég, Karen á Karó/bernskubrek (myndir eftir listamenn frá því að þeir voru börn)í deiglunni/ljósmyndir á listasafninu/Hlynur í Boxinu/Guðmundur Ármann í gallerýinu hans Jónasar... þetta var pakkstúttfullur laugardagur og eftir þetta mikla og erfiða rölt okkar þá var haldið á vit nýrra ævintýra heima hjá Guðrúnu Vöku,sem á ævintýralegan grænan vask. Þar inni (ekki hjá græna vaskinum samt) sátum við útksriftarmálunarnemar og drukkum ýmsa rauðvíns,bjór og cola drykki og átum ýmiskonar pitsu með og án sultu...
það var 99 %mæting þar sem að einn meðlimur þessa hóps var að mjálma í reykjavík.
En við sátum bara frameftir kvöldi og höfðum það bara alveg glimmer-andi gott,seinna röltum við Karen á Karó og sátum þar í góðum samræðum við fólk og menn og enduðum svo á að rölta með Steini á kaffi Ak og eftir það tvístruðust leiðir og hver hélt til síns heima..

þannig að þessi laugardagur verður seint toppaður, enda langt í að hann komi aftur, það er heilt ár í næsta 10 mars.

tónlistarhornið..
muna eftir Aldrei fór ég suður ...ég fer að koma með heimspekilegar og vitrænar umfjallanir hérna í tónlistarhorninu..all in good time my love..all in good time(þetta er stolið og ég skammast mín ekkert fyrir það)

mæli svo með sunnudags eða mánudagsrúnt til akureyrar, fæ ég svo far aftur í bæinn?

þangað til næst.... i will be back... i always come back.. i will, i´m not kidding

mánudagur fyrir norðan

ég er að hugsa um að skrifa alltaf blogg á mánudögum, þá geta þau öll byrjað á "mánudagur...."

hvað þýðir það þegar það er komin mánudagur... já þá er helgin búin

laugardagur... vaknaði, fór á fætur.. ekki endilega í þessari röð.

En allavega þá var þetta fínasta helgi, ég fór á opnun í Dalí, en þar var Spessi ljósmyndari að opna, og það var heljar mikið fjör og ekki versnaði það þegar 3 vaskir sveinar komu inn, en það voru þeir Óliver, Gestur og Óli. Steinn var þegar mættur þannig að það var laugvetningagengi þarna og vakti það mikla lukku og kátínu meðal almennings, en þessir fjórir vösku herramenn fengu nokkuð gott og flott viðurnefni en þeir urður þarna á einu bretti allir kærastarnir mínir, þannig að þetta kvöld þá fór ég frá því að eiga 0 kærasta í að eiga 4... geri aðrir betur..

En síðar það sama kvöld fór ég til Ásu í afmæli, þar að vísu kom Steinn grafalvarlegur og var að leita að mér fyrir einhvern sem ég hafði ætlað að hitta á Karó en ekki látið hann hafa númerið mitt.. og ég fór (á meðan biðu allir spenntir damm damm damm damm) þá voru þetta 4 vaskir sveinar,þannig að ég settist smá hjá þeim með glas og var að útskýra mínu miklu sýningu hahaha.
þegar ég mætti aftur til Ásu byrjuðu yfirheyrslur, sem ég náði að svara vel og vandlega og enn á lífi.
síðan bara hélt fjörið áfram eitthvað frameftir, með bollu í 10 lítra fötu meðferðist....don´t ask people

Á sunnudeginum rölti ég í Boxið til Kristínar Helgu og sá flotta verkið hennar og bjallaði þar smá við hana, labbaði svo niður stigann(veit ekki hvað það eru mörg þrep) og fór og kíkti á Snorra sem var líka flottur

well nú er ég orðin stafa og orðatóm og er kalt á höndunum

En já tónlistarfróðleiksmoli dagsins í dag er...
aphex Twin er sá sami og Richard d. james (okey þessi var hálf glataður, enda vissu þetta margir, en ég sagðist vera orðin orðatóm)kem með betri næst.

okey einn hérna frekar tilgangslaust að vita en well...
í lokaseríunni af Friends, þá kemur nafn Bjarkar fyrir þegar joey er í spurningarkeppninni

þangað til næst...

fimmtudagur i sol

you are my sunshine my only sunshine... þetta hafi ófáir sungið heima og að heiman og inn á plötur og í sturtu....anyway..
vildi bara minna ykkur á sólina

Ég hef ákveðið hér eftir að kvarta aldrei aftur yfir fitu minni, en ástæðan fyrir því að ég er bara nokkuð ánægð er 400 KÍLÓA konan sem var í E,og hún var 29 ára, hún sagðist hafa lent í bílslysi og eyðilagði þá labbir sínar..... en þá var hún 200 KÍLÓ..
Þannig að ég er bara helvíti ánægð með mig og mitt, skál í kaffi fyrir því

Skjóta einu hérna inn....... hlustuðu þið á fréttir í dag ? well ég gerði það og heyrði þá í henni Eydísi stjúpmömmu og ég bara ætlaði ekki að þekkja rödd hennar, en ég efast um að fréttir ljúga, enda er hún Oddviti Ásahrepps og það var talað við Oddvita Ásahrepps..

en einn fróðleiksmoli : þið hafið örugglega flest öll heyrt discosmellinn freak-out.....en ég get sagt ykkur það að þetta lag varð til eitt kvöld þegar hljómsveitarmeðlimum hafði verið meinuð innganga inn á studio54 (þótt að væri verið að spila lög þeirra þarna inni.....það muna allir eftir studio54)og þeir fóru heim í fýlu og fóru að glamra og textinn var fyrst fuck-you sem þróaðist svo í freak-it (minnir mig) og svo kom lokaniðurstaða Freakout. semsagt þá var þetta lag samið í reiði til allra sem þeir þoldu ekki.

þetta er nú gaman að vita ekki satt.
er að spá í að vera með alltaf einn fróðleiksmola um tónlist eftir hvert blogg (út af því að ég veit svo mikið hahahahaa), Ása er með hjólin ég er með tónlistina. :)

erfid en god helgi

já þetta var nú bara fínasta helgi..

en hvers vegna var hún erfið... jú jú það var djamm báða daga, og þegar maður er komin á svona góðan aldur eins og ég... þá finnst manni alveg nóg að fara bara annað kvöldið.. en ég fór bæði kvöldin og er bara í góðu standi, smá harðsperur eftir dans á Barnum "hann heitir Barinn"..

En nú koma aftur örfréttir
1. hverabrauð er gott, en það vissi maður nú frá fyrri tíð (laugarvatns-tíð), en að búa til rúgbrauðskúlur úr heitu hverabrauði.. úff úff það er bara ekkert grín

2. En kúluskíturinn tókst vel, og til hamingju til Dags og Hlíf Helgu

3. Dillon varð fyrir vali á föstudagskvöld.... eftir smá brölt
4. Megas var flottur á laugardagskvöldið á Arnarnesinu, var með heimatónleika
5. Barinn var góður og BÁSÚNU-GAURINN var bara snilld

6. lokaniðurstaða.... gott og gaman þegar góð tónlist er syngjandi í eyrum manns...

já og þetta var mikil menningarhelgi og nóg að gera..

reynum aftur

okey nú er ég búin að skrifa 2 löng æðisleg (finnst mér, án þess að ljúga) blogg, en það hefur eitthvað klikkað í bæði skiptin, þau koma ekki. Þannig að ég ákvað að prufa stutt blogg og sjá hvað gerist. þá koma fréttir

1. búin að fara á á margar flottar sýningar undanfarið.
2. allt að gerast um helgina.
3. er búin að reyna að múta helgu.. hahaha go myspace :)
4. er búin með eina mynd (loksins)
5. er búin að selja 3 sett af glasamottum
6 margt annað í fréttum
7. menningar og ómenningarferð listnema að norðan
8. enn fleira í fréttum..

heyrumst..

monday bloddy monday...

okey nú er að fara að koma að lokum... ég er að tala um sýninguna mína, það er svona ca 3 vikur eftir, það verður forvitnilegt að vita hversu margar glasamottur verða eftir í lokin damm damm (ekki dem) heldur damm damm....

En mig vantar eiginlega far norður um mánaðarmótin, og ekki væri verra ef það væri til baka líka, já sumir eru heimtufrekari en aðrir en svona er ég bara.

afhverju er manni alltaf rosalega heitt í hamsi rétt áður en maður fer að skrifa blogg, en svo um leið og maður byrjar þá bara tæmist heilinn og skilur engar heitar umræður eftir..

En mig dreymdi góðan draum, það var ánægjulegt

ég þarf að fara að kíkja á allar þessar sýningar sem eru í gangi núna, þarf að hafa samband við Fríðu blíðu, sérstakan menningar, lista og safnar-samferðamann. Tókum síðast góða rispu rétt fyrir jól (já ég hef farið á söfn síðan), en okkar rispur eru einstakar og oft á tíðum ógleymanlegar, enda lendum við oft í að labba inn á fólk þegar það er að setja upp sýningar sínar og svo þetta með lokaðar og læstar dyr. En þetta er bara brot af því sem kemur fyrir í hverri menningar,lista og safnarferð, þannig að þetta verða oft ævintýraferðir sem samt enda allar vel.

En nóg um okkar góðu ferð og nóg um mánudags bloody spjall (afhverju bloody, þú spyrð ?? hef ekki hugmynd, kannski til að minna mig á að ég er að fara að setja rauðann á myndina mína)

verið þið sæl og blessuð og munið..........mig vantar far norður.........og til baka.... :)

þriðjudagur kominn er ...

Já þá er maður að ná sér niður eftir helgina, sem var alveg bara rosaleg helgi...eða svoleiðis

Opnunin gekk rosa vel, mætti á staðinn svona um hálf ellefu á laugardagsmorguninn og fór þá að skrifa, og var ég orðin handaum eftir skrifin öll, en þetta hafðist og svo þurfti ég bara að bíða eftir að opnað var klukkan tvö..

Það var fínasta mæting og fínasta mæting hjá fjölskyldunni, þá er ég að tala um að það voru nokkrir liðir úr ýmsum fjölskyldum sem svo hrærast saman í eina risa stóra "ítalska" gleðifjölskyldu.. já við erum stór, hávær og best (svo ég sé ekkert að ýkja)..
og vil ég senda 1000 knús og kossa til þeirra sem mættu alla leið að sunnan og sumir komu meira að segja norður á laugardaginn og fóru aftur suður á laugardaginn eftir opnun :)

Eftir góða opnun þá var farið heim til Ágústu í smá stund og síðan út að borða á Friðrik iv (er þetta ekki fimmti) og þar var bara snilldar matur og súper þjónusta, eftir að hafa fyllt allar holur magans var haldið (eða ég hélt) á tónleika Péturs Pen á græna, hann er snilli og ekkert annað. Eftir að hafa staðið og beðið eins og grúppía eftir áritun þá var rölt á karó og setið þar fram eftir kvöldi og rifjað upp laugarvatns-stemningu og einnig bjallað við húsamálara og fleira sniðugt.. eftir góðan tíma röltum við Steinn á Amor til að hitta hitt fólkið (sem samanstendur af Bergie, Maríu,Odd, bróðir Odds og hinum tveimur)
Síðan hélt ég heim eftir langan en fínan dag....

Þetta var lýsing á laugardeginum frá A til Ö

Svo fer maður aftur norður um mánaðarmótin til að þrífa af veggjum og til að sjá opnunina hjá henni Karen

komið að þessu...

Já góðir góðir hálsar.. eða sárir ef að hálsbólga er að hrjá ykkur..

En allavega þáer komin lokaniðurstaða...

Kristín Guðmundsdóttir

Barnslegar minningar + löstur mannsins

03.02. -02.03.2007

Velkomin á opnun laugardaginn 3. febrúar 2007, klukkan 14

Café Karólína // www.karolina.is
Kaupvangsstræti 23 // IS 600 Akureyri // 4612755
---
Laugardaginn 3. febrúar klukkan 14 opnar Kristín Guðmundsdóttir sýninguna "Barnslegar minningar + löstur mannsins" á Café Karólínu.
Sýningin samanstendur af textaverkum á glasamottur og veggi. Verkin sem skiptast í tvo hluta, annars vegar minningar barns um aðvaranir þeirra eldri og svo hins vegar syndir þeirra eldri og hvernig hægt sé að forðast þær.
Kristín fæddist í Reykjavík árið 1976. Ólst aðallega upp í Mosfellsbæ og á Laugarvatni, en fluttist aftur til Reykjavíkur á unglingsárum og hefur búið þar síðan. Hún varð stúdent af myndlistardeild Fjölbrautarskólans í Breiðholti, hélt svo norður og útskrifaðist af Fagurlistadeild Myndlistaskólans á Akureyri síðasta vor.Sýningin á Café Karólínu er hennar fyrsta einkasýning.
Nánari upplýsingar veitir Kristín í síma 8690464 og netfangið hennar er: kristingudmunds76@gmail.com
Nánari upplýsingar um verk Kristínar eru á síðunni:
http://www.umm.is/UMMIS/Listamenn/Listamadur/620
Og bloggsíðan hennar er: http://kristinfarti.blogspot.com

Kristín verður viðstödd opnunina.
Sýningin á Café Karólínu stendur til 2. mars 2007. Allir eru velkomnir á opnun laugardaginn 3. febrúar 2007, klukkan 14.

Á sama tíma opnar sýning Jónasar Viðars á Karólínu Restaurant. Sú sýning stendur til 4. maí 2007.

ég hef í raun engu við að bæta..

laugardagur sem mun flokkast sem glamur og glimmer

já ég er fyrir norðan, kom í gær.

En nú er vika í sýningu úúúú,,,,,,........

En já það er laugardagur og ég er búin að gera svo margt síðast liðna viku.. ég er búin að skamma Dag fyrir Jónba, ég er búin að láta klippa á mér hárið (og líka hluta af því af), ég er búin að kaupa mér draumaglimmerbuxurnar og ég er búin að ferðast alla leið norður.

Þannig að hér er ég nú og mun vera einhverja daga röltandi um á milli snjóhóla.
En í kvöld er það mál mannanna, já þetta er rosa kvöld.

Það er leikur (semvið vinnum), það er evróvisíon (sem mér er alveg sama hvernig fer,þetta getur nefnilega ekki versnað) og svo er það glimmer glamúr partý hjá Krummu (sem ég bara hef ekki hugmynd um hver er), en ég fer samt og verð svo mikið glimmer og glamúr að fólk fær ofbirtu í augun við það eitt að sjá mig labba.

En svo verður morgundagurinn að láta í ljós, hvort að við höfum unnið, hvaða lög bætast við þennan ömurlega lagalista sem kominn er og svo loks, hver þessi Krumma er.......

næstum komin vika

já nú er næstum vika frá síðasta bloggi... rosalega er mikið að gera hjá mér.....

En já og nú fer að koma að sýningu og í tilefni að henni fór ég að eyða peningum í dag, en ég fór í klippingu í Gel og þar voru allir í glimmer og glimrandi skapi, svo fór í í Nakta apann, (já Fríða blíða ég keypti mér buxurnar) svo í kvk og sótti bol og svo smá kaffisopa og svo meira kaffi og meira kaffi, en þeir sem mig þekkja vita að ég er mjög róleg að eðlisfari og óeðlisfari, en eftir 5 bolla af kaffi kemst mín (ég þá) í stuð og þá getur ekkert stöðvað mína( enn ég), enda gerði ég allt sem ég ætlaði að gera fyrir löngu og meira en það.

Þannig að nú er ég nýklippt með stórt kort í litlu myndavélinni og er til í glamúrpartý sem ég og María vorum að bjóða mér í fyrir nokkrum mínútum síðar, en partýið er á akureyri, já ég er á leið norður um helgina.

en þótt að það hafi ekki farið framhjá neinum, þá er góð ræða aldrei sögð of oft... en það er þessi ræða með sýninguna á Karó 3 febrúar.

En annars er ég til í glamúr og glassúr hmmm... ég meina glamúr og glimmer og rautt vín, ég var að spá í að segja bjór en það er meira glamúr og glimmer að segja rauðvín, bjórinn geymist handa rokkaranum (sem er alltaf til staðar)...

En nú er komið á hreint að Kristín (enn og aftur er það ég) er glamúr,glimmer rokkari sem ætlar að sötra eitt glas af rauðu í glamúrpartýi

En stórfrétt stórfrétt...... loksins loksins loksins... þá fór ég í smekkleysu og fékk mér loksins loksins I CARE BECAUSE YOU DO með APHEX TWIN................. yeahhhhhhhhh og við vitum öll hvaða lag fær að hljóma hljóma aftur og aftur og það er ....(þetta mun Helga skvísa vita) en það er ALBERTO BALSAM enda margar margar góðar nostalgíu minningar um þetta lag

well ó well ... tala minna, gera meira

Hlynur og dead.... finasta blanda

já ég var mjög ánægð þegar ég sá hann Hlyn Halls í blaðinu gær, eða blöðunum.. Enda tilvalið að draga aðeins athyglina frá útvarpslögunum, enda flestir að fá sig full sadda á þeirri umræðu..... En já greyið, það muna nú flestir eftir umtalinu sem hann Hlynur fékk í fyrra þegar hann mætti ekki með bindi á hið háa Alþingi og svo þegar hann mætir með bindi þá fær hann einnig umtal og myndir í blöðum og lendir í fréttum sjónvarps... En já það var flott hjá honum að mæta í þessum jakka líka og er ég jafn hissa og Hlynur á að svona fáir á hinu háa Alþingi skuli þekkja ljóð jónasar, Ferðalok. En 1000 prik til Hlyns :)

og ég mæli eindregið með Liborius, dýrt en flott hönnun

En jæja best að fara að semja eitthvað um mig frá vöggu til (ekki grafar 7,9,13) í dag.... afhverju ? sýningin mín sem verður 3 feb... eru það kannski að verða leið á lesa um sýningu 3 feb... well þið verðið að þola það til 3 feb...sorry ... :)

titill..

okey smá heilræði .... ekki fara í nýju buxunum ykkar að mála..

ég gerði það... ég var í nýju buxunum mínum, og mér til varnar þá var ég alls ekki að fara að mála. En allavega þá vildi Guðmundur Óli fara að mála og þá var farið að mála, en til að gera langa sögu stutta ... þá vildi Guðlaugur líka fara að mála og það var aftur farið að mála. Svo var ég aðeins að laga myndina hans og setti hana á löppina á mér og byrjaði að mála svo fann ég allt í einu kulda og mundi þá að stiginn sem ég var að mála á var mjög grófur(var búin að gleyma) og ég var komin með gyllt læri, og ég hef aldrei þá meina ég aldrei verið eins snögg úr einum buxum, og það var hent allskonar efnum yfir þær og beint í vélina...............................(vélin að vinna)....................vélin búin....... og viti menn, ekki einn gylltur punktur þá þeim, sem betur fer var þetta akrýllitur..

En annað í fréttum...hmmm

það er snjór
ég er að klára myndina hennar Ásu (já ása mín þetta fer að koma)
ég er búin að klára myndina hennar Guðrúnar Vöku (já já dugleg ég)
ég fer að fara í tening númer 4,5,6 og 7
ég fer bráðum á taugum út af sýningunni hahaha nei nei en þetta er víst að fara að gerast
csi er byrjað aftur
rautt glimmer er málið
ég fer bráðum að fara að vinna
innan 2ja ára verð ég búin að skreppa í danska heimsveldið til þeirra sem þar búa
er komin með fullt af myndum á myspace
er að bíða eftir að Ása fái sér myspace( ég og kristján erum búin að ræða þetta.. :) )

well ekki meiri fréttir af sinni.....

her kemur það

já til ykkar sem hafið spurt og líka ykkar sem hafa ekkert spurt og vitið ekkert um hvað ég er að tala...

þá er opnuninn á sýningunni 3 febrúar á Kaffí Karólínu sem er já á Akureyri.....

ég hef í raun ekkert annað að segja nema loks kom snjórinn og þá fóru jólin :)

januar, februar...........

já nú er mánuður í febrúar og við vitum hvað það þýðir, eða ég veit það... þá er mánuður í sýningu hjá mér og nei ég ætla ekki að vera með teningana, bara svona svo það komi fram. En ég fór á sýningu um daginn í kling og bang mjög fín sýning hjá þeim , nema karamelluhúðuðu eplin voru ekki að gera sig fyrir mig, þetta var flott en þessi sæti ilmur fór alveg upp í heila og hélt partý þar fyrir sellurnar...

En nú eru jólin alveg að verða búin og það er alveg fínt, já já ég elska jólin en ég elska líka þegar allt fer í sinn gamla góða farveg eða árveg hmmm aftur, enda ætla ég bráðum að fara að gera eitthvað af viti, enda löngum kominn tími á það....
en á meðan mun ég halda áfram lestir bóka á meðan ég bíð eftir að málningin á teningunum þornar... þannig að þetta er mála, lesa, mála, lesa en núna þarf ég að pússa.................

púss púss ég er farin að pússa...........

bang bang

já nú er gamlárdagur... hey hey fyrir því

passið ykkur nú á rakettunum og aldrei kveikja á með glas í hendi, þótt að það sé bara vatn í glasinu.. og ávallt nota... æi ég er ekki komin hingað til að predika yfir ykkur kæra fólk.

en takk allir saman fyrir gamla árið og gleðilegt nýtt ár og megum við eiga margar blogg-gleðistundir á nýja árinu..

það er lif i dynunni

já það er nokkuð gaman að því, draugur jólanna er kominn í heimsókn til mín, allavega þá er líf í dýnunni og samt engin á henni...

okey ég skal segja ykkur hvað gerðist.. ég sat upp í rúmi að horfa á sjónvarpið og svo allt í einu þá tók dýnan kipp í einu horninu eins og einhver hefði sest snögglega á rúmið í horninu, og já ég tékkaði en það hafði ekkert dottið á rúmið eða af því þannig að ég fékk heimsókn frá jóladraugnum..
þetta er dýnu sagan.....

en jólin voru rosa fín og maður er búin að borða fullt og fékk fullt af flottum gjöfum og hef þar með sagt bara haft það rosa fínt, og þar sem að ég kemst enn í jólakjólinn þá held ég áfram að borða þar til ég get ekki rent honum upp..

gleðilega hátíð :)

hvað mun gerast...

já nú eru að koma jól, en þau koma víst á morgun (er mér sagt), enda á hann Þorlákur þennan dag og hefur átt síðan ég fæddist.

En það sem ég ætla að ræða er kannski jólalegt, eða jól koma þar inní, ég fór upp í kirkjugarð áðan(nei það er ekki eitthvað sem ég geri á hverju kvöldi, sama hvað þið haldið), en okey það var dimmt og þegar ég var að fara aftur inn í bíl þá lenti ég í því að stíga á GRÖF.......ÚÚÚUUU, eða til að fegra þetta aðeins þá steig ég á leiði,en það sem er svona sérstakt við þetta er að þetta leiði var nýtt, sem þýðir að það var kross og bara mold, og ég steig beint ofaná moldina. Þannig að ég steig á nýja gröf...

ég bað hann fyrirgefningar, en maður veit aldrei, kannski fæ ég heimsókn í nótt frá honum þar sem að hann verður með skófar á kinn, en skórnir eru ágætlega flottir undir þannig að ég vorkenni honum ekki mikið að hafa þetta skófar á kinn en að vísu þar sem að ég stóð þá er hann frekar með skófar á sköflungnum...

En annars vil ég bara að segja Gleðileg jól dúllurnar mínar og ég kannski sé sum ykkar um jól og sum ekki, en þetta er mitt jólakort til ykkar allra ;)

sofið svo vel í nótt.....................

laugardagur til göngu

já þetta var nú meiri laugardagurinn...

það var kalt ó já það var kalt en það stoppar ekki harða íslendinga til að arka niður laugarveg í jólaskapi, enda var rosalega fallegt veður en kalt kalt...

en já það var samt ákveðið að þessi laugardagur yrði hafður til menningargönguferðar í miðborginni, svo haldið var af stað og eftir góða stund á kaffihúsi (það verður að byrja á góðu kaffi) var farið yfir götuna í klink og bang , (eins og alltaf í þessum menningarferðum hjá okkur Fríðunni þá höfum við það fyrir sið að ganga allavega inn á eina sýningu sem verið er að setja upp) og var Hekla að setja saman sýningu og hún bauð okkur samt velkomin 22 des klukkan 18:00. En já svo var haldið áfram, man ekki alveg í hvaða röð, en við komum við á I8,terpentine,amiina,listasafni Islands(sem tók nú á móti okkur með lokun,og við sem löbbuðum alla leið þangað.. well o well) svo það sem er við hlið amiina,safnið (sáum þennan frábæra skemmtara),nýló og ef ég er að gleyma einhverjum láttu mig á vita, en þetta var kaldur og góður dagur og eftir að hafa ákveðið að fara út í hönnun og hanna buxur með innbyggðum hitara þá var haldið heim á leið.

Þar var tekið sig til á milljon.. eða svona (þeir sem mig þekkja vita að minn taka sig til tími er svona frá 2 mín til 10 mín ca) og svo brunað til Konnans, en þar var verið að fagna 35 árum og myndin Konninn snýr aftur sýnd og óskum við þeim (Konna og Heimi) til hamingju með afmælin sín).
En þarna var bara setið og haft gaman saman langt fram á nótt.

En já nú eru að koma jól og ég er búin að pakka inn, og á morgun er opiðmatarboð hjá Snorra Bigga og Petru og þar mun HELGA mæta jjjíiíííbbííííííííi´.................

Er farin að skreyta og hlusta á Hvít er borg Og bær (fór loks í smekkleysu að sækja hana)

....

fann engan góðan titill...

En já það er eitthvað hvítt sem flýgur hérna um fyrir utan, hef heyrt að þetta mun vera kallað snjór, en ég man eftir í svoleiðis frá því ég var lítil, en ég hélt að þetta væri bara einhver draumur hjá mér. En þetta virðist vera það sama og er að fljúga um gluggann núna..

En já nú er ég búin að njósna um ykkur öll og er á leið að skrifa heimildarbók(verst að ég hafi ekkert ættarnafn sem byrjar á stafnum b, þá gæti ég skrifað bókina undir kgb( verst að kristinn gunnar er þekktur undir þessu nafni þannig að þetta er kannski bara dauðdæmt frá byrjun)) okey ég er ekki heldur að fara að skrifa bók en ég er samt orðin snillingur í njósnum þannig að kannski fái ég bara að deila nafninu með kidda hmmm...

En jæja best að fara að pakka inn gjöfum eða finna lakkið..já finna lakkið og svo pakka.. eða pakka og finna svo lakk hmmm þarf að hugsa þetta aðeins ....................................................................



......................... já finna lakk og svo pakka... og fá mér kannski eina eða tvær piparkökur sem voru bakaðar í gær, en bara eina eða tvær..

þar til næst.... ég og þetta hvíta kveðjum

google earth

já google earth er málið.. þetta er stórhættulegt þar sem að maður getur ekki hætt þegar maður byrjar.. þannig að þetta er kannski stórhættulegt hmm (spurning)..

En á tveimur dögum er ég búin að skreppa til LA, new york, miklagljúfur, saint helen, spánar,parísar og ég gæti haldið áfram en ég nenni því ekki.. og þetta kostaði mig ekki krónu.

Enda þegar jólin nálgast þá er ekkert betra en að skreppa í smá ferðalag frá stressinu, er að vísu ekki stressuð,, enda ég stressuð , aldrei.....enda er ég búin að öllu sem viðkemur jólum..

En já google earth er málið

heimsforeldri..

já þetta getum við þegar við viljum, eins og flestir vita þá er þessi söfnun í gangi í kvöld og það er eins gott að þeir sem þetta lesa og þeir sem ég þekki séu orðnir heimsforeldrar, ég meina kommon 1000 kall á mánuði... það er engin góð afsökun fyrir að vera ekki heimsforeldri, svo ,koma svo :)

ég er það, ég er það...


meira hef ég ekki að skrifa að sinni... :)

er komin timi a nytt blogg??

já ég fór á sykurmolana hahaha (okey ég bara varð)

en það er víst að koma 1 des..eftir um 3 tíma :) og þá er hægt að fara að hlusta á jólaplöturnar sem ég keypti í Góða hirðinum um daginn, en samt bara eitt lag á dag enda viljum við ekki verða jólaóð :$

En hvað er í fréttum... ég er loksins komin með efnið og er farin að gera teninga, þannig að nú er bara að vakna hvern morgun og fara inn í bílskúr að vinna..

Svo er ég búin að selja þrjú verk, að vísu fara tvær myndir á sama stað, en þetta er ágætisafrek sérstaklega þar sem að verkin eru geymd undir rúmi svona dagsdaglega ;)

En að öðru máli hmmm já hvað er annað mál. Það er ekkert annað mál á dagskrá, enda hefur ekki mikið gerst hjá undirrituðum síðast liðna daga, nema hún fór með nýju tölvuna í viðgerð án þess að það væri neitt að, það var ekki mín sök en hleðslutækið var bilað og þar sem að ég er orðin góðkunn starfsmönnum í þjónustuveri apple þá fékk ég bara bros og kveðju og nýtt tæki og ég lofaði að láta ekki sjá mig strax aftur.

En já nú eru jólin að koma og þá er bannað að versla sér eitthvað sjálf(ur) og þá einmitt langar mig í endalaust marga geisladiska, ég má varla fara inn í 12 tóna eða smekkleysu þá verð ég óð, en ég get haldið í mér en til að gefa ykkur smá hugmyndir þá langar í mig í nýja Benna hemm hemm, lay low,helmus und dalli,peter bjorn og john,biggi,skakkamanage,ragga gröndal,hafdís huld,toggi,beck,megasar-tribut báðir,... og svona get ég haldið áfram langt fram á kvöld en ég bara nenni því ekki..

allavega....

eg a engin orð...sykurmolar

sorry það var ekki hægt að setja kommu yfir stafi í titlinum..

En já vá vá vá er það eina sem ég get sagt ..
ég var semsagt að koma af Sykurmolunum og aðra eins upplifun hef ég og mun aldrei eiga.. enda var þetta once in a lifetime..
Þetta var svo súrelíst að vera þarna á sykurmolunum, hljómsveit sem maður hefur haldið upp á síðan að maður fór að hafa vit (tónlistarvit)en aldrei hélt ég að ég myndi sjá þau á tónleikum, en það gerðist og hér sit ég núna í tónlistarlegri sæluvímu sem á seint eftir að líða frá mér... en tölum um tónleikana

1.fullt af útlendingum, yfir 1000 og fleiri íslendingar enda var fullt.
2. ég sat á öðrum bekk í stúku, fyrir miðju.. besta stað,enda rétt áður en sykurmolar stigu á svið þá kom öll fræga hersingin og ég var umvafin frægu og ríku fólki, misríku en frægir, eins og fótboltamenn,fréttamenn,listamenn,leikarar(auðvitað Álfrún systa Möggu og hennar manni),tónlistarfólk og já Balti og bara endalaust af frægu fólki og mér....
3. múm byrjaði að hita upp og þau voru frábær og þetta nýja efni er brilliant hjá þeim, enda með fullt af skemmtilegur fólki með sér, Silla er ein af þeim. en já þau voru greinilega í góðu skapi(eins og allir þarna inni) og skilaði það sér vel til okkar (áhorfendana eða anna??)
4 síðan kom hlé já
5 svo stigu 3 menn á svið sem sögðu fólki að þeir væru komnir til að taka nokkur vel valin róleg lög hmm... en já fyrsta lagið var rólegt en öll lögin þeirra snúa um ádeilumál og þjóðfélagsmál) já svo eftir fyrsta lagið þá steig restin á svið og þá fóru þeir að spila eins og þeir gera best, þetta var semsagt pönkhljómsveitin Rass sem var í brillandi góðu skapi líka og þetta var rosa flott hjá þeim, enda komst maður í pönkgýr þarna í stólnum.. hell yeah !!
6 þá var hlé, en já í hlé-num hnénum okey hléunum.. okey þegar það var svona hljómsveitarhlé þá var það hann kgb eða kristinn gunnar eða bara kiddi gunnar (sem hefur oft fengið mann til að stíga á dansgólfið, þó aðallega á Bíóbarnum þegar hann var og hét) sem var að dj-a
77777777 það var hljótt, ljósin slökkt, fólk að missa sig....og það var gengið inn og allt ætlaði að verða vitlaust, já þau voru kominn á svið ...í fyrsta sinn saman síðan.. well síðast þegar þau komu saman.
777 (framhald) Einar örn hóf upp rausn sína og þá var það byrjað, þessi ótrúlegi viðburður,þessi einstaka upplifun. SYKURMOLARNIR VORU AÐ SPILA...
77(áframhald af framhaldi) svo eins og góðum íslendingum sæmir þá sungu þau flest lögin á íslensku(enda hefur Björk aldrei haldið tónleika hérna á ensku nema eina),day called zero, planet og eitt eða tvö lög önnur (vá 3ö í röð, hey4) annars allt á því gamla og góða, og þegar Einar var að tala (já hann sá um það) þá talaði hann á íslensku og sagði okkur að pikka í næsta útlending og þýða.... ef við vildum.
777 framha.... þið skiljið...en já þetta var endalaust flott hjá þeim og þau greinilega hafa þetta allt enn og skemmtu þau sér hið besta, en þar sem ekki er hægt að segja frá í orðum þá kaupið bara dvd-inn þegar hann kemur út...(það hlýtur að koma einn svoleiðis)
8 var komin með leið á 7 djonny hinn eini og sanni.. mætti, fyrir þá sem ekki vita þá er það hann Sjón og þá ætlaði allt um koll og gólf að keyra, enda var luftgítarinn tekinn sem aldrei fyrr og sjónninn missti sig á sviðinu ásamt flestum
9allt búið
10 það var haldið útí kuldan, enda eins og Einar sagði í upphafi,að ástæðan fyrir tónleikunum væri sú að það væri svo kalt úti og þá væri gott að getað verið hérna inni...
11 fór heim í sykurvímu án þess þá að vera búin að borða einn sykurmola..

ég varð ekki uti

já gott fólk ég varð ekki úti, varð ekki undir neinum brjáluðum hestum og er sprell-lifandi og er komin úr sveitinni..

Ég er komin aftur í netsamband, það er verið að gera efri hæðina í gegn þannig að netið lá niðri en ég er komin aftur í samband, þá meina ég netsamband og er við góða heilsu. En ég mæli með svona hestavinnu fyrir alla sem vilja koma sér í gott form, þetta er hörku líkamsrækt. En þetta er skemmtileg líkamsrækt það verð ég að segja, enda ekkert eins gott og safna að sér nokkrum marblettum.. En ég nenni nú ekki að segja alla sveitasöguna, en þetta var stuð og vinna.

Hér er ég semsagt aftur komin í borgina og nóg að gera enda afmælispartý á laugardaginn og nóg að gera fyrir það,þarf að laga kjólinn minn, já ég ætla að vera í kjól, og þá vantar mig skó við kjólinn og mig vantar klippingu, ég mun fara í klippingu hjá Stjúna í Gel á laugardaginn og ætla að skreppa í Kron að athuga með skó. En þetta verður flott..


Vá það var svo margt sem ég ætlaði að skrifa en það er bara allt farið með vindinum.. en ég vil samt deila því með ykkur að ég er að fara á Sykurmolana þann 17. og ég verð á 2 bekk í stúku og svo var ég að sjá að Múm mun hita upp, þetta getur ekki verið betra..

En þegar ég finn hvað ég það sem ég ætlaði að segja hérna þá mun ég láta vita

it´s a life.... já það lifir eða hún (ég) lifi

já okey ég er enn til staðar og sveitin át mig ekki... En þetta verður bara lítið stutt blogg til að sýna að ég er enn á lífi og er ekki búin að gleyma ykkur þannig að hér er ég hér er ég lalala

En ég er samt enn í sveitinni og þá enn í sumarfríi,en er samt komin í tamningavinnu hérna og marblettasöfnun og það er bara fínt, en ég veit að ég á afmæli bráðum og ég lofa að halda fyrir ykkur smá gleði, er enn að hugsa um hvað ég mun bjóða ykkur...

En eitt verð ég að monta mig af.... ég sem aldrei hef keyrt bíl hvað þá jeppa með kerru afturí þá lenti ég í því að þurfa að keyra og bakka, já bakka jeppanum með stóru hestakerrunni, ég þurfti að snúa bílnum við þess vegna varð ég að bakka og ég verð að segja að þvílíkur snillingur sem ég er..

en nóg um mont, og nú er ég farin að slappa af eftir mikla líkamsrækt í dag við hesthúsið og svo hestbak í rigningu sem á ekki að sjást hér á landi..

komin vetur..allavega er ég hætt að vinna í sumar

jæja þá er það búið, sumarið, allavega er sumarvinnan búin og þá hlýtur að fara að koma vetur, eða haust. En já nú er ég komin í frí og fríið byrjar á því að gera það sem hefur ekki verið gert í langan tíma, en það er að laga til, já og fara í sjúkranudd og kannski klippingu, en þetta er allt í íhugun, enda er ég bara búin að vera 1 dag í fríi. En svo ætla ég í sveitasæluna og anda að mér fersku sveita og hestalofti. Svo fer maður að hugsa um list, enda hefur það þurft að bíða aðeins í sumar.

En ég gleymdi að kveðja kóngulóna, ekki rauðu, heldur hina sem er enn stærri og át geitungana fyrir mig.

En aldrei þessu vant þá hef ég bara ekkert að segja og ekkert að bulla heldur, þannig að ég ætla bara að hætta þessu rugli og fara að njóta þess að vera í fríi, fer kannski að lesa.... hmmm

sunnudagar

það er sunnudagur og allir þeir sem ekki hafa þurft að vakna eru líklega sofandi, en ég er ein af þeim sem þurfti að vakna og hér sit ég nú í vinnunni og bíð eftir útlendingum til að tala við. En finnst ykkur að maður sé búin að vinna of mikið, ef maður ætlar að svara símanum sínum "tjaldsvæðið í laugardal" en ég var næstum því búin að gera það í gær og það var ég sem hringdi...

En já sunnudagur, sem þýðir að það er mánudagur á morgun og svo þriðjudagur og þá kemur fólkið frá Lanzarote, örugglega eins og blandaðir svertingjar á lit og mun ég ekki standa við hlið þeirra næstu 3 vikurnar.

Sunnudagur og margt búið að gerast um helgina,en samt ekkert sem við ætlum að tala um hér. Nema að ég fór á bókamarkað með Júlíu og Guðmundi Óla og keyptum við fullt af bókum (en mest samt handa okkur sjálfum, jólagjafir gleymdust) en svo þegar ég ætlaði að velja mér bók til að lesa á Föstudaginn þá gat ég bara ekki ákveðið, þetta var rosalega erfitt, ég var haldin bókavalskvíða.. Á endanum kafaði ég bara djúpt ofaní pokan og dró upp tvær bækur og viti menn. Þær voru báðar eftir sama höfund, sem heitir Þorsteinn Guðmundsson. Þannig að nú er ég að lesa Hundabókina eftir hann.

Sunnudagur og ég er farin að gera eitthvað hérna í vinnunni...

rauð fín kónguló

já þá er það komið á hreint.. sumarið ætlar að enda eins og það byrjaði.. með rigningu..

Og þótt að sumir geta bara hoppað upp í næstu vél (nú er ég að tala um mömmu og Gulla, sem ákváðu einn laugardag að panta sér ferð og eru nú stödd á sumarstað), þá halda aðrir sig bara í rigningunni, en ég er nú inni með hitarann á fullu og horfi á rigninguna þannig að ég ætti ekki að vera að kvarta.. enda les ég bara blöðin og hlusta á Pandoru þannig að ég er í góðum málum.

En vá hvað gærdagurinn var ekki góður dagur, þetta var hræðilegur dagur. Ég skal bara segja ykkur... sko ég vaknaði og var drullu þreytt enda ákvað ég að vaka eftir rockstar og kjósa svona einu sinni(þar sem að ég var alveg viss um að nú væri Magnatími kominn) þannig að ósofin mætti ég í vinnu og það var allt í góðu þar en svo fór ég að fá þennan stingandi hausverk(og ég er yfirleitt með hausverk en þessi var mjög illur skratti) og var alveg að bilast og svo eftir vinnu fór ég bara beint heim, enda með sjóntruflanir á háu plani og hausverk á enn hærri plani og svimi og allur sá pakki .. Svo fór ég heim og svaf í svona 4 tíma og var enn með verk, þetta var meira að segja orðið svo slæmt að ég fór fram og athugaði hvort að það væru til einhverjar hausverkapillur(þeir sem mig þekkja vita að ég tek aldrei pillur við neinu, varla pencilin,þannig nú lá mikið við) eða bólgueyðandi(enda var þetta allt vöðvabólgu að kenna), en nei það voru engar pillur til þannig að ég fór aftur upp í rúm og lá þar í kvölum mínum þar til ég sofnaði (en náði samt að kveikja til að sjá hver færi heim í rockstar..) en svo vaknaði ég í morgun, og er enn með hausverk en mun lifa hann nokkurn vegin af,ef ég bara er með rólegar hreyfingar og það er lítið mál fyrir mig..

En að öðru máli....ég á um 10 daga eftir í vinnunni og þá mun ég hverfa á braut tjalda og fara á braut sveita...

já svo þetta með stóru fínu feitu rauðu kóngulóna, þá sá ég hana á röltinu hérna áðan, en ég var ekki bitin en sá miskilingur var komin í loftið, ég er óbitin...

sumarið gert upp

já nú þegar fer að nálgast sumarlok þá á maður alltaf að gera upp sumarið... svona til að svekkja sig aðeins, þar sem að maður hefur ekki staðið við helmingin af því sem að maður ætlaði að gera..

En allavega, ég sagðist ætla að vinna... ég stóð við það
ég sagðist ætla að klára myndina hennar Ásu... stóð ekki við það (en það er í vinnslu)
ég sagðist ætla að bjóða Ásu í humar og hvítvín.... úpps. stóð ekki við það (en það mun koma)
ég sagðist ætla til Amsterdam... stóð ekki við það (en sá tími mun koma)
ég sagðist ætla að vera dugleg listalega séð.... ég keypti skyssubók....
ég sagðist ætla í sveitina.... hef farið einu sinni þannig að ég sveik það ekki alveg
ég sagðist ætla að eiga líf utan vinnu í sumar.... stóð ekki við það, en ég alls ekki að kvarta
ég sagðist ætla að djamma með Ásu.... stóð ekki við það.. en okkar tími mun koma
ég sagðist ætla að vera dugleg að fara norður.... stóð við það einu sinni, opnun Dalí..
ég sagðist ætla að vera menningarleg með Fríðu... stóðum við það einu sinni... eftir nokkrar tilraunir.

þetta er svona brot af listanum. En eins og sést þá er ekki mikið hægt að treysta á mig á sumrin, allavega ekki þetta sumar sem er senn að líða, en svona er það bara þegar fólk skemmtir sér svona í vinnunni, þá bara er ekki tími fyrir neitt annað.

En að lokum vil ég segja að ég mun samt standa við mínar skyldur, og ef ég hef lofað ykkur einhverju í byrjun sumars þá látið mig vita, og Guðrún ef þú lest þetta þá er ég (sauður)loks að fara að klára myndina þína, já ég hef ekki gleymt þér Guðrún mín.

Svo bara go Magni, þótt að ég hafi ekki kosið hann, þar sem að ég fattaði að þegar ég ætlaði að kjósa þá kunni ég það ekki, var ekki búin að vera að horfa á þáttinn. Þannig að ég treysti bara á ykkur hin, og auðvitað brugðust þið mér ekki.... haha

mánudagsnótt eða á ég að segja þriðjudagsmorgun

Fríða litla lipurtá... dansar fyrir hann afa sinn lalalallalaa... já ég er á næturvakt og er að syngja með honum Ragga Bjarna um hana Fríðu litlu lipurtá eftir hann Jenna Jóns og ómar á öldum sjónvarpsins.. Fínasta lag með góðar minningar, man ekki alveg hvaða en ég man að þær eru góðar. Og nú er hún Ellý Vilhjálms að syngja lag eftir Jenna jóns (en 1. des eru um 100 ár frá fæðingu Jenna Jóns, það er svo gaman að segja þetta.. jenni Jóns jenni jóns) (já þetta er þáttur um Jenna Jóns í útvarpinu í gegnum sjónvarpið.....) nei ég er ekki að verða biluð af svefnleysi.

En já ég er á næturvakt og er búin að vera rosadugleg verð ég að segja og er í smá pásu hérna núna, en mikið er orðið kalt úti.

jæja svo er supernova á morgun og það er eins gott að vakna og kjósa, þar sem að ég efast að maður nái að halda sér vakandi, en ég mun kjósa og það er eins gott að þið góða fólk kjósið.. ekki viljum við fá hann heim svo hann geti farið að spila með Á móti sól aftur... nei nei,,, þarna er hann þó að gera eitthvað að viti.. nei okey þetta var ljótt, en hey ég þoli bara ekki tónlistina þeirra, þetta eru örugglega ágætis gaurar en tónlistin ææææ.. þannig að Magni verður bara að vera þarna áfram.

En mikið langar mig heim núna að sofa..en það eru nú bara 4 tímar eftir..
Ég er farin að gera eitthvað að viti hérna til að halda mér vakandi, þar sem að kúnnarnir mínir eru allir sofandi og hafa þess vegna engan áhuga á að kíkja í kaffi til mín...

menningarvakan og humar

já þetta er frekar flottur titill "menningarvakan og humar" en þetta er samt alveg óskylt...

ég vil nú bara byrja á því að óska öllum mínum Akureyringum til hamingju með daginn, og langar mig mikið mikið mikið mikið (ég gæti haldið áfram endalaust)til að vera þarna með ykkur. En vinnan kallar og þá hlustar maður.

En þá er komið að partinum með humrinum..

Við fórum nefnilega í staffaferð (lokastaffpartý ársins) í gær, sem byrjaði með bjór á Farfugla og svo upp í rútu, sem keyrði og engin (fáir allavega)vissu hvert ferð væri heitið. Það var keyrt til Stokkseyrar og farið á Kajak í líka þessu frábæra veðri og það var ekkert smá gaman,eftir hana var rölt þar sem rútan var og "barinn" (sem var annað beltið á gröfu) var opnaður og drukkinn. Síðan var arkað af stað upp að Fjöruborðinu og við fengum forréttinn til okkar út (humarsúpa) svo var haldið inn, og lentum við svo skemmtilega í því að vera með ccp (þeim sem eru með Eve online fyrirtækið) í sal og þau höfðu tekið Bjarna töframann með sér og fengum við að njóta góðs af því... sem var bara snilld.
Svo fengum við matinn og eins og alltaf þá klikkar Fjöruborðið ekki, já nú kemur það...Humarinn var eins og ávallt nammi namm, enda var borðað yfir sig og drukkið hvítvín með. Síðan var fengið sér eftirétt, og eftir þetta át var maður alveg búin á því og er í raun enn.
Síðan var stefnan tekin á rútuna og bjór tekin úr kæli og haldið áleiðis í borgina og svo bara heim á leið, enda ekki hægt að toppa þetta kvöld á neinn hátt.

Þannig að þetta var frábær ferð í alla staði, enda allir hressir og jákvæðir og ákveðnir í að skemmta sér og öðrum... og ég á þetta allt á filmu.. nei sorry á myndavél.

En nú sit ég hérna í vinnunni og horfi á útlendingana mína gera sig klára fyrir heimför, enda eru þeir flestir að týnast heim á ný, og eru nú skiptar skoðanir hvort þeim langi heim eða ekki, flestir eru nú ekkert á því að vilja fara heim, sem ég skil mjög vel, þar sem að við dekrum svo við fólk hérna að það vill engin fara ef hann kemur einu sinni hingað hahah.. nei nei, en flestir kveðja landið með ekka og segja "sjáumst að ári "...

menningarnótt.... er það menning

já nú er henni lokið, þessari menningarnótt.

en ég spyr, er þessi menningarnótt farin að snúast um eitthvað annað en menningu?
Ég fór að pæla í þessu gær þegar ég var að rölta um bæinn í góða veðrinu, að vísu ekki með bjór í hendi eins og flestir (ungir sem aldnir). En okey þarna rölti ég um og þar sem ég gleymdi minni blessuðu dagskrá í vinnunni þá var ég ekki með mikið við að styðjast þarna á göngu minni. Þannig að þetta var spilað eftir minni... úpps.
En það var rosalega mikið af fólki þarna og ég sá nú ekki helmingin af því sem ég ætlaði að sjá og heyra, missti til dæmis af fyrirlestrinum eða umræðunum á milli Sjóns og Finnboga Péturssonar í listasafni reykjavíkur. En eftir mína miklu göngu fram og til baka laugarveg,skólavörðustíg og um miðbæinn þá ákvað ég bara að koma við í ostahúsinum og kaupa ost,skinku og brauð... tel ég almennt að starfsfólk sé mjög glatt með þennan dag þar sem að á þessum eina degi þá má það drekka bjór í vinnunni. En eins og alltaf á menningarnótt þá var farið í Nonnabúð og 12tóna, enda er skyldumæting þangað á menningarnótt og svo fór ég auðvitað á listasöfn og gallery, þannig að þetta var alveg fínn dagur og ekki skemmdi veðrið.

Já svona var mín upplifun á menningarnótt þetta árið, en það er nú ekki mikið að marka mig þessa dagana sökum svefnleysis og margra vinnustunda, þannig ég er ég viss um að flestir hafi skemmt sér ljómandi í gær, sem ég gerði nú líka(fyrir utan þann tíma sem ég þurfti að labba fram hjá sviði Gunna og Felix úff úff).

er ég vond....

okey ég var að lesa, eða já lesa á mbl.is að það hafi verið hraðakstur sem olli banaslysi við Garðsskagaveg, og ég sá að þessi 17 ára gaur sem olli því er ekki lífshættulega slasaður, og ég verð bara að segja að ég er rosalega glöð með það, (nei ég er ekki glöð með að einn hafi látist og hinn er alvarlega slasaður) það sem ég er ánægð með er að núna þarf þessi 17 ára gaur að lifa við það það sem eftir er, að hafa ollið banaslysi og allt út af því að hann var að keyra umfram getu.. Gott á hann verð ég að segja og mér finnst þetta engin vonska í mér. vona ég bara að næst þegar hann sest undir stýri, þá hugsi hann um hvað gerðist síðast þegar hann ók of hratt... !!!

engill á Dillon..

já það var sko engill á Dillon síðustu helgi og það var að vísu líka djöfull,playboykanína,krossarakappi,froskur,magadansmær, sjóræningjar og fleiri og fleiri verur.
já svona er þetta alltaf á Dillon.... þegar það er grímupartý á Dillon. En þetta var rosa stuð og mikið gaman, enda hefur engillinn ekki farið á Dillon í allt sumar og vor,þannig að komin tími til.

En nú eru bara nokkrir dagar í menningarnótt....

og engin skóli að fara að byrja, eftir um 7 ára nám þá er það frekar skrýtið, gott vont. Þannig að ég mun eyða mínum lokadögum hérna í tjaldalandi. þá er ég ekki að tala um mína lokadaga heldur lokadaga tjaldalands.

en ég er farin útí sólina

jæja þá er það komið á hreint að ég er ekki týnd, humarinn er ekki týndur heldur, Dillon er á sýnum stað (en það er samt búið að mála hann, en ekki laga tröppur) og hvítvínið er í kæli. Þetta var nú aðallega smá skilaboð til þín Ása mín. En nú er Kristín í fríi og brunaði ég austur strax eftir vinnu á sunnudaginn í Þórsmörk (já hver hefur ekki trú á Fógus) að vísu varð Fógusinn að bíða og var ég sótt yfir. En það var kærkomin hvíld að vera í Þórsmörk og röltum við yfir í Húsadal til hans Dags frá Langadal þar sem að Sonja er að vinna. Svo var brunað i bæinn um 7 leytið á Þriðjudagsmorgun sökum rigningar sem skaut regndropum á tjaldið á 320 km. hraða. en svo þegar út var litið þá ekki mikil rigning og í fyrsta sinn sá maður jökulinn almennilega. Skrítið þetta veðurfar á þessu landi.

En ég er semsagt enn í fríi og mun vera það þar til næsta mánudag og mun ég mæta í grímupartý á Dillon á laugardaginn, hef ekki ákveðið búning og fatarval...en það mun koma.

En meira var það nú ekki í fréttum að sinni. En ef þið eruð að vappast (flott orð) norður næstu helgi þá er opnun hjá Stellu í Boxinu... varð bara að koma því að.

En Ása í sambandi við humar og frægð hahaha(þeir sem eru tónlistarlega sinnaðir hahaha þeir skilja, eða bara líta á smekkleysu-cd) en okey í sambandi við humar og hvítvín, þá þurfum við að tala saman(þetta var úr auglýsingu) okey nú er ég alveg að brillera og segi fréttum lokið.

hin fallega sigurrós

já ég fór á Klambratún í gær og vá þvílíkt magn af fólki og myndirnar í blöðum sína ekki helminginn af þeim sem þarna voru, en þetta var voða kosý... fremst var auðvitað bara staðið, en aftar var fólk bara rauðvín og bjór og teppi og börnin sín í kerrum. En þetta voru mjög fallegir tónleikar, fyrir utan kannski lætin í þyrlunni sem sveimaði fyrir ofan og lætin í öllum krakkaskaranum. En þessir strákar eru bara í einu orði sagt snillingar. Meira hef ég ekki um það að segja og ég hvet ykkur öll til að kaupa allar þeirra plötur, enda er VON ein fallegasta plata sem þeir hafa gert, en VON er fyrsta platan þeirra. Falleg falleg falleg

gleðin komin á ný

já góða fína fólk þá er gleðin komin á ný, enda er ég komin endurnærð úr sveitinni. Og það sem meira var þá fékk ég frábært veður og meira að segja frekar allt of heitt í dag , nei ég var ekki að kvarta. Enda lét maður sig hafa það í sínum svörtu reiðbuxum, enda vita þeir sem vit hafa að reiðföt eru ekki strand- eða baðföt, sem þýðir að þau eru efnismeiri og verður því ansi heitt ef heitt er í veðri, en ég var ekki að kvarta...

En já þetta var draumur... þegar ég var komin í rétta gírinn þá var stuð og ég hefði svo getað verið miklu miklu lengur, en vinnan kallar á morgun og það er ekki hægt að skrópa þar...

En svo fór ég meira að segja upp á hálendið, bara bílandi en endastöð þar var Hvanngil eða er það Hvannagil, en þar er engin hvönn. En svo var keyrt til baka, þannig að þetta var um 6 tíma ferðalag allt í allt en því miður aulinn ég gleymdi myndavélinni. En ég á samt nóg af myndum af skýjum(don´t ask), hryssum með folöld, hestum, fólki á hestum, helli, vegum(again don´t ask)...

með verslunarmannahelgina.. þá er það bara gamla góða vinnan

það styttist í frí og geðheilsu á ný

já loks fer að koma að því að ég fari í frí og vona ég að ég nái þá geðheilsunni á ný.. enda er mjög stuttur þráðurinn núna þessa dagana og ég er farin að urrrrra á fólk, þannig að ef þig viljið skammast í mér þá myndi ég bíða eftir að ég er komin úr fríi og urrið þá farið úr mér.

Enda lá nú við morði í morgun(nei ég er ekki farin að drepa fólk) en þegar ég var fylla á kaffivélina okkar og var ég með fullan, já fullan poka af mjólkurdufti og hann var næstum því dottinn um koll og þá hefði farið duft um alla vél og gólf..og þetta er duft... og duft fer víða. Og ég þori ekki að hugsa hvað hefði gerst ef þessi atburður hefði gerst, en það hefði verið vont. (ekki líkamlega vont heldur bara vont og illt).

Eins og þið takið eftir á þessum lesningi þá er ég ekki í mínu besta skapi og þoli ekki fólk sem er með pirring og vesen og kjaftæði núna, þannig að ef þið ætlið að vera með svoleiðis þá hef ég engan áhuga á að eiga samskipti við ykkur) okey þetta var grimmilegt af mér, það skal ég viðurkenna hahaha en samt satt

En okey áður en þið farið að vera hrædd við að tala við mig, (enda er ég ekkert voðalega vond ef fólk hagar sér bara vel.. ) þá er ég hætt og ég lofa að næst þegar ég skrifa þá verður það á gleði nótum, enda mun ég ekkert skrifa fyrr en eftir frí sem verður notað til að fara í sveitina góðu

down day at the office

já hvað er annað hægt að gera þegar veðrið er eins og það er.. og vinnan eins og hún er.. en að skella Portishead á fónin og líða um draumalandið.. Ekki sofandi draumaland, heldur vakandi draumaland.. það sem heldur manni á lífi hérna í vinnunni, merkilegt hvað vinnan heltekur líf manns stundum, að vísu flesta daga hjá mér og þá er ekkert betra en að skella góðum cd á og hverfa á vit ævintýra sem til eru í hausnum.. og þar eru nú mörg ævintýri í gangi þessa daganna.

hahaha HM

já nú er skap mitt farið að verða betra og ég er bara í fínu skapi...

En já hahahaha en samt ekki... Mér finnst þetta frekar illa gert af eða mjög illa gert af Stöð 2, að láta fólk kaupa sér Sýn dýrum dómi og svo eru þeir að sýna alla úrslitaleikina óruglaða...já óruglaða, ég var að horfa á Frakkland-Portugal í gær....

En já Bergie, Þórsmerkurferðin góða..... það fer vonandi að líða að henni.... í merkurferð ég skemmti mér trallla la tralla la... Við verðum bara að bjalla alla saman og finna góðan tíma

En ég er farin að gera eitthvað, þar sem að ég er orðin löglegur vinnualki á háustigi..(er mér sagt) þá verð ég að standa undir þeim kröfum sem þessu fylgir....

kbbanki er banki djöfulsins

já vissu þið það ekki... þessi helv... banki er banki djöfla og vítisengla og lögfræðinga haha nei nei gleymum þessu með lögfræðingana... þeir eru fínir.
En já þessi drullu banki er ekki mitt uppáhald núna, þeir eru fífl.. já ég er vond núna, sit hérna í vinnunni og reyni að vera góð við mína kúnna (brosi gegnum reiðina) en innst inni kraumar .essi reiði gagnvart þessum heimska heimska banka sem er að gera mig bensínlausa....nenni ekki að útskýra nánar hahaha. En allavega þá ætla ég að halda áfram þessu illa skapi, allavega að taka það upp aftur þegar ég fer í bankann.. það eru svo mörg orð sem ég vil segja núna en ég er kurteis ung dama og þá segir maður ekki svona orð upphátt. En skítabanki engu að síður.... já ég er vond núna.... argggg

it´s a life... já ég er enn starfandi

Til hamingju Boxgellur með laugardaginn og nýju síðuna ykkar.

Ég er í vikufríi og að því tilefni (þar sem ég kemst ekki á landsmót sökum vinnu) þá ákváðum við Júlía að skreppa í útileigu í gær (mánudagur var það) enda ekki gott borgarveður... Þá var tekið allt til sem taka átti til og fengin tjaldvagn og gerð bílaskipti( enda er víst audi svo mikill luxusbíll að það er ekki krókur á honum), þannig að við þrjú (guðmundur óli með í för) fórum á fogus og með vagn upp á Þingvöll. Þar var engin og við komum okkur fyrir á besta staðnum og settum vagninn upp og já líka fortjaldinu og svo var bara tekið upp þetta tjaldbúalíf. Fengið sér heitt kakó og brauð og hitarinn settur á 110. Við skelltum okkur svo smá á rúntinn til að hlýja okkur, fórum í smá göngu og svo aftur inní bíl og keyrðum í átt að Kaldadal og fram hjá Skóarhólum og þá rifjaðist nú upp ýmislegt tengt hestum. Eftir þetta var farið inn í tjald og bara háttað enda ekkert annað að gera, borgarveðrið var komið til Þingvalla.
Svo þegar við vöknuðum í morgun var enn sama veðrið en ekki rigning, þannig að við héldum á rölt(fyrst bílandi) og farið í túristaleik. Við skoðuðum kirkjugarð og kirkju og borðuðum svo á Valhöll þar sem er ekki ódýrt að gista get ég sagt ykkur. Þegar við komum aftur á var farið upp í rúm og sem betur fer.. það rigndi ekki bara eldi og brennisteinum heldur líka eldkúlum og sprengiefnum þar sem að hávaðinn var svo mikill þegar þessi steypa reið yfir vagninn, sem er nota bene regnheldinn. Eftir þennan regnlúr var bara pakkað og brunað í bæinn, enda sáum við ekki fram á bjartari veður tíma í nánd.. og svo var sól í bænum. Þannig að fyrsta útileiga sumarsins var fín en blaut á köflum, en sem betur fer lenti tjaldvagninn bara í bleytunni ..

þvottamiðar

já þið kannski spyrjið......
En já þvottamiðar eru nokkuð sem að við öll þekkjum enda eru þeir á öllum okkar fötum. En það sem fæstir vita þá er þetta ágætis lesning, já gott fólk skoðið þið nú miðana ykkar, ég gerði það í dag, tók mig til og skoðaði miðann á Nikitabuxunum mínum og þetta var bara fínasta lesning, nei mér leiðist ekkert mikið á daginn, mér varð bara starsýnt á miðann, enda er þetta ágætlega stór miði og gott að lesa á hann. og já það kom bros hjá mér. Þannig að skilaboðin mín til ykkar er að lesa ykkar miða...

Svo eitt enn... bók um reykjavík fyrir reykvíkinga... hvað mynduð þið vilja sjá í þeirri bók reykvíkingar og þá er ég að meina ljósmyndir gott fólk....

ekkert að skrifta ekkert að gera

já góða fólk ástæðan fyrir því að ég skrifa ekki er ekki sú að ég vil ekkert tala við ykkur eða að ég sé að "dissa" ykkur á einhvern hátt, heldur þá hef ég bara ekkert að segja... Líf mitt er vinna og svo ekki vinna, það er, þegar ég er ekki að vinna þá er ég í fríi. En fyrir utan það þá er ég að fara norður næstu helgi í útskrift til Sunnu frænku (enda þegar það er hringt í mann þá verður maður að mæta ;)

En svo er auðvitað líka opnun í Dalí hjá Dagrúnu og Línu þar sem að Sigurður Árni er opnunarlistamaðurinn... Þetta verður mikið húllum hæ og rosa flott. Þannig að meira hef ég ekki að segja. Þar til ég hef eitthvað betra að segja þá kveð ég í bili og þið sem eruð á tónleikunum núna... góða skemmtun (Roger Waters)

666

já heyrðu það varð smá breyting á sunnudagstónleikum tropik, þeir voru færðir á Nasa út af löggukjaftæði, sem var vont og gott, við græddum eina hljómsveit Steater Kinney sem ég hafði ekki heyrt í áður en hún var góð og þær eru helv.. þéttar. Það vonda var að sumar hljómsveitir sem áttu að vera í tjaldinu, voru ekki á Nasa eins og Hermigervill, Flís og Bogomil og fleiri. Súrt að Hermigervill skyldi ekki vera. En Kid Carpet bjargaði öllum málum og vil ég benda öllum á að kanna sér þennan gaur betur, maðurinn er snilli. En já þetta var flott helgi og vona ég að þessi hátíð verði áfram næstu sumur, en það veltur allt á okkur almúganum sem kaupir miðann, enda mættum við vera duglegri að mæta á svona festivöl, enda ekki á hverjum degi að það koma svona mörg góð bönd saman og hvað þá í tjaldi. Þetta er einmitt ástæðan fyrir því að þeir hættu með Reykjavík rokkar, það var svo slök miðasala. Þannig að (aftur) áfram við að vera dugleg að kaupa miða og þá þurfum við ekki að vera að fara á Hróaskeldu(þótt að það sé nauðsyn fyrir alla að prufa það allavega einu sinni).

En já nú er dagurinn ...666 (og Dagur til hamingju með afmæli mömmu þinnar, sem var sungið fyrir í partýi fyrir mánuði síðan) og ég er ekki búin að horfa á Omen, sem ætti að vera skylda á þessum degi í þessum mánuði á þessu ári.... En það er ekkert djöfulegt búið að koma fyrir í dag, nema að ég fór í nudd og það var djöfulli vont.

Sunnudagur the last day

Já þá er þessu nú að ljúka í kvöld, þá er ég að tala um Festivalið góða.
Ég of Fríða skelltum okkur í gær og það var svo brilliant veður að við týmdum stundum ekki að fara inn, enda fór það þannig að við sátum í grasinu (já grasið góða Fríða :) )) og sátum í sólbaði og hlustuðum bara á Úplu. En við fórum inn til að horfa á Jan Mayen, Stilluppsteypa voru víst snilld, en við þurftum aðeins að skreppa frá þegar þeir voru að spila. Hairdoctor eru alltaf snilld og stóðu undir þeim væntingum,Kimono er flott band eins Jeff Who? sem ég hef aldrei séð live. Næst síðasta bandið var Leaves sem eru svo sjóaðir að þeir geta ekki klikkað og svo hvað var síðasta bandið og það var Supergrass (aftur með þetta blessaða gras ;)) Sem voru bara bara snilld og það var allt fullt í tjaldinu og festival stemmningin var alveg á suðurpunkti, enda á allri þessari hátíð þá hefur maður ekki séð ein slagsmál, og securitas gaurarnir eru bara að nice vinnu, eru bara að rölta og borða pitsur. Love, peace and happiness... En það er eitt svo krúttlegt, hann Leifur sagði mér og Fríðu frá Tjaldhreiðri sem væri á miðju bílaplani og við fórum að skoða og það var svo sætt. Hann var eins og kóngur, það var búið að setja keilur í kringum hann og hann fékk sko alveg að vera í friði greyið.

En í dag er svo lokadagur og þá munu stíga á stokk : Nortón,Hermigervill, Forgotten Lores,Johnny sexual, Flís&Bogomil font, Kid Carper(frá UK) svo Dr. spock, ghostigital,Esg(UK) og svo síðastir eru Trabant. Þannig að þetta verður frábært kvöld og ég er svo búin eftir þessa helgi á líkama, sál og á andlegu hliðinni, en ótrúlega kát með þessa frábæru helgi

Dagur eitt búinn

ég ætla að fara í spor fréttamanna og halda svona tónleikadagbók hérna þessa helgi, þannig að þeir sem komust ekki um helgina fá að njóta þess hvað ég er að njóta mín :)

Sko dagur eitt : föstudagur, farið í vinnu klukkan 8, vísu farið upp á flugvöll áður en það er önnur saga sem verður ekki sögð í óspurðum eða spurðum fréttum :). En eftir vinnudag til næstum 4 já ég var ekki alveg til fjögur, ég fór og keypti nýja tösku undir myndavélina og linsuna nýju( Gulli hún er rend, þær voru þær allar). En svo fór ég niður á háskólalóð og fór að hlusta á böndin þann daginn. Fyrst var að Jakobínarína(þeir verða alltaf betri og betri og dansinn í lokinn hjá þeim.. bara cool. Svo var það Cynic Guru ( ég veit ekki alveg hvað segja skal hér, eftir evrovísion þá fékk hann orðið perri yfir sig og það er ekki farið enn), Daníel Ágúst var næstur og hann var nokkuð góður ég þarf endilega að komast í diskinn hans. Síðan var komið að Benna Hemm Hemm og þau voru ekkert annað en flott og frábær. Belgíska bandið Girls in Hawaii var næst, en þetta eru strákar ekki stelpur frá Hawaii og þeir voru góðir og hældu landi en skömmuðust yfir að verðið á bjór væri allt of dýrt fyrir Belga. Hjálmar voru góðir og náðu að hrista kuldann sem var alvarlega farinn að skríða um mann allann. Svo já svo kom Ladytron í allri sinni dýrð og ljóma og stóðu sig með sóma (ég skáld mun heita), frábært hjá þeim. Síðastir voru Apparat Organ Quartet, en nú verð ég að játa synd....... ég horfði ekki á þá(ég hefði getað logið og sagt að þeir hafi verið super cool og frábærir, en ég er bara svo heiðarlega :) ) en ég hef séð þá áður og á diskinn þeirra og það var annað hvort að deyja í öllum skrokknum sem ég var á góðri leið með að gera eða koma sér í heitan bíl og heim og ég valdi seinni kostinn, enda skjálftinn næstum kominn yfir keyrslumörk og bakverkir og hnéverkir öskrandi sárir. Þannig að Apparat voru örugglega flottir. En svo kemur meiri dagbók eftir dag 2 sem er í dag. En í dag eru það Skátar,The Foghorns,Jan Mayen,stilluppsteypa,úlpa,hairdoctor,kimono,Jeff Who,Leaves og Supergrass sem spila, vá þetta verður sjúkt kvöld

Ísland er besta land í heimi.... okey nú er ég að segja stóra hluti en það er bara satt sérstaklega á sumrin, nei okey veðrið sökkar og stjórn alþingis fær mínus stig og verðið er hátt... okey þetta er kannski ekki besta land í heimi en þetta er helvíti fínt land. Og tónlistarlega séð þá fær það fullt af plúsum, enda er ég að fara að skella mér á einn svoleiðis viðburð um helgina, er að fara að Reykjaviktropik (reykjaviktropik.com) og þetta verður bara tónlistarhrærigrautur með fullt af erlendum og íslenskum góðum böndum. Mun ég rölta um háskólasvæðið syngjandi örugglega í rigningu og sól á milli. En þetta verður bara bara bara snilld. Þannig að nú er bara setið og staðið allt of mikið og unnið þangað til tónleikarnir hefjast á föstudaginn. EN svo er ég loks að fara í frí eftir helgina, eða mér var skipað í frí af æðri máttarvöldum sem heita Markús superboss og er semsagt yfirmaður minn. Þannig að í næstu viku þá verð ég kannski bara á hestbaki allann tímann (lestu þetta nú Elísabet), ég ætla kannski í sveitarsæluna eftir helgi og slappa af þar sem að ég hef ekki slappað af síðan að við vorum í skólanum að hugsa um lokaverk, þannig að það er kominn tími á gott slapp af og já nudd þar sem að ég á tíma í sjúkranudd, takk sé Júlíu, Villa og co :)

líkamsrækt puff...

já hver þarf líkamsrækt þegar maður hefur IKEA........

Já ég komst að þessu í að vísu í gær þegar ég var að rölta um IKEA.. Eftir að hafa labbað 4 hringi um IKEA og var farin að láta starfsfólkið fá áhyggjur afþví að ég væri geðsjúkur einstaklingur sem hefði ekkert annað að gera en að labba hring eftir hring eftir hring, þá sá ég að ég þurfti ekkert að fara í ræktina þann daginn(ekki það að ég sé að fara þangað) en anyway.. sko sagan er ekki búin hérna, ég þurfti að fara að aftur seinna um daginn og labbaði þá inn, á ská, til hliðar og tvo hringi þann daginn og svo í dag þá fór ég nú ekki nema bara einn hring. En niðurstaðan er sú.... engin líkamsrækt, bara IKEA.

En ég er farin að borða baguet með camenbert og drekka rauðvín með.... já ég veit að það er vinna á morgun eins og alla daga hjá mér þessa dagana og svo áfram x............ (kostningar)

fékk kvörtun..

ég fékk kvörtun um slök bloggskrif..

Slök bloggskrif er ekki gott þar sem að ég er alltaf svo gríðarlega góð í að blogga.. ekki satt.

En hvað á að segja þegar ekkert er að segja, þá er vandi á vor höndum sem vor mun leysa á einvhern hátt. Mig langar mikið á tónlistarhátíðina sem verður haldin í byrjun júní, þannig að ef þú ætlar að fara þá er ég til, nema ég þurfi að vinna en það má redda því eins og flestu öðru sem redda má. Enda þegar svona mögnuð bönd eru í boði úff þá verður maður að láta sjá sig. Enda lét ég það loforð falla að vera virk í öllu menningar og listalífi og tónlist er bæði menning og list og mun ég því reyna að láta sjá í skottið (nei það er ekkert skott) á mér þessa daga fyrir utan Háskólann.

En nú er ekkert gert nema unnið alla daga og já meðan að þið hitt fólkið átti frí í dag þá var ekki sú sæla á mínum bæ, ég mætti samviskusamlega til að brosa framan í flugur og unglingsstráka sem voru að læra undir próf í sólinni. En ég er farin enda margt annað að gera sem ég ætla að fara að gera. tjá

spennufallinu fer að ljúka og allt fer að fara í sitt daglega horf

já þá fer þessari klikkun að ljúka sem er búin að vera í gangi síðustu vikur, margar vikur. En svo byrjar bara vinnan á morgun, þannig að lífið fer að fara í sína rétta rútínu aftur á morgun.

Svo eru búnar að vera þrjár veislur þessa helgi: skírn (skírt var nafnið Pétur), þrítugsafmæli(nei nei ekki mitt strax, heldur Jóhanna) og svo smá útskriftarveisla hérna upp í viðarrima í dag(já það var mín). Þannig að át er sett á hold, eða bið í nokkra daga sökum mikillar átu í þessum veislum. Hefði samt getað etið meira í afmælinu en sökum evróvisíon þá var smá bið á áti.

Já Finnar rokka .....

Útskriftardagurinn mikli

dagurinn sem við öll höfum verið að bíða eftir, (öll, þá meina ég okkur útkskriftarhópinn) í dag mun það gerast að okkur er afhent skjal eða mappa sem Soffía hefur fagurlega búið til og inn í þessari yndisfögru möppu er skjalið.. Og þá erum við hólpinn og frjáls, að vísu eftir að kassinn minn er brunninn en hann verður brenndur eftir útskrift. Og það er ekki slæmt að þessi fagri og góði dagur byrji með sól og hita. Já loksins er þetta búið þetta mikla ferli en eins og þið vitið þá er sýningin ekki búin enn.
En maður er ekki alveg að ná þessu að ég á bara eftir að sofa eina nótt í þessari íbúð sem ég er stödd í núna og svo aldrei aldrei meir. Þetta er stór tímapunktur sem upplitast bæði af söknuði og trega og svo gleði yfir að þetta sé búið. Þessum Akureyrarkafla er lokið, en það þýðir samt ekki að útskriftarhópkaflanum sé lokið, nei þessi hópur mun halda áfram að hittast og gera sniðuga hluti saman enda sterkur, ólíkur en góður hópur.

En nú er best að fara að hætta þessum vangaveltum og klára að pakka síðustu dropunum og koma sér út í sólina sem ákvað að veita okkur þann heiður að skína skært fyrir okkur í dag á þessum merkadegi.

sýningin verður til fimmtudags

já fína fólk þá er það komið á hreint (eins og þeir vita sem hlustuðu á Hönnu og Karen á Rás 2 í morgun) þá verður sýningin fram á fimmtudag sem er bara ekkert annað en frábært. Enda verður sýningin fram yfir útskrift og það er rosa gott. En já það var opnun í gær og þetta var dúndur opnun hjá okkur... Snyttur, yfir 500 ostapinnar og gos(og já við gerðum ostapinnana) og svo var sól á himni og inni..(rím í gangi) og ótrúlega mikið af fólki og allir rosa ánægðir með okkur(við erum svo frábær). Enda eins gott að fá eitthvað credit eftir alla þessa vinnu sem við erum búin að leggja á okkur, og já svo kíkti Hannes safnstjóri í heimsókn.. En svo eftir að allir voru farnir eftir 18:00 þá settumst við í andyrið okkar og drukkum bjórinn sem að okkur var gefinn og þótt að þetta var bara lítill trítill bjór(33 ) þá var hann alveg að virka á okkar þreytta heila.

En nú er dagur tvö, þar sem að við fengum framlengingu jjííbbíi og enn er sól á himni og enn er til bjór ... Svo er bara að drattast norður (þeir sem ekki eru hérna norðan) á sýninguna okkar.

Svo ætla ég að verða menningarleg í dag og kíkja á sýninguna upp í skóla hjá hinu liðinu, maður hefur ekkert haft tíma til þess enda hefur punkturinn átt líf mitt og sál síðustu daga og nætur, já næturnar mig dreymir...

ÚTSKRIFTARSÝNINGARHELGIN Í RÝMI

já þá er komið að því góðir hálsar... en byrjum frá byrjun.

Þessar undanfarnar vikur, þá aðallega síðust tvær hafa verið killervikur (og ég ýki aldrei.. nei það er satt) og líkaminn minn er löngu farin að öskra á frí á Havaí, eða allavega bara smá frí og svefn.
En svo loks í gærkvöldi lukum við svona við að gera það helsta í punktinum, enda er lokað í dag þar sem að við erum hjá prófdómurunum í dag. Já þá verður maður að getað varið verkið sitt vel, ég er róleg eins og lamb á beit. (eru þau ekki annars alltaf róleg á beit)..

En eftir að hafa unnið í allann gærdag og rétt svo stoppað til að borða í hádeginu þá fór ég loks að bera út boðskortin um 20:30 og komst heim til mín um 22:00 og var þá búin að labba í hitalofti, snjó og hagli.

En aftur að þá er komið að því góðir hálsar...

ÚTSKRIFTARSÝNINGIN OKKAR SEM VERÐUR HALDIN Í RÝMI, ÞRIÐJU HÆÐ LISTASAFNS AKUREYRAR. Nýja rýmið þeirra. þar sem að gamli punkturinn var. og ef þetta verður ekki flott sýning, enda erum við búin að taka allann punktinn í gegn og hann er orðin sjúkur og hvítur, og bara við erum búin að vera rosa dugleg, enda frábær og duglegur hópur..........
En eins og alltaf þegar það er svona ákeðinn hópur að sýna saman þá er tekist á og það hefur alveg verið gert hérna, en allt var það leyst og ef einhver fór í fýlu... þá fékk sá bara að vera í sinni fýlu, það var ekkert verið að sleika það upp. En ég er sátt og þá er mér sama um aðra ahahhaahah

En nú er ég farin að taka mig til fyrir prófdómara, fara yfir greinagerð og texta.

næstu helgi......uuu

já þá er þessi snilldar helgi búin, laugardagurinn var bara snilld. Auðvitað var byrjað á að fara í punktinn og unnið í sólinni, svo hljóp ég heim að skipta um föt og hljóp svo niður í gallerý JV enda var hann Helgi okkar Skólastjóri með opnun og maður bara varð að sjá hvað hann er að bralla... síðan var farið á Homesick í listasafninu og þar tók ég meira að segja mynjagrip um krumpað myrkur, náði samt ekki þeim myrkrum sem ég gerði svo var síðasta sýningin í Boxinu en þar var Sólveig með verk um dýrin sín Dag og Prins. Eftir þetta var svo brunað heim og gert klárt fyrir grillið góða og svo var þetta já hin mesta skemmtun allt kvöldið, góður matur og gott fólk.. þegar komið var að bæjarferð þá fór ég ekki, við nenntum ekki að fara niður í bæ til að fara að aftur heim... þannig að ég,berglind og bergie urðum eftir og fyrir rest fóru allir til sinnar rekkju og að sofa... Já ég er lélegur djammari okey.......

Sunnudagurinn var líka fínn, það var bara unnið í punktinum.

Og já í dag var unnið í punktinum og salurinn hjá mér,Dagrúnu,Guðrúnu og Dögg er til og flottur.... þetta verður æðislegasta sýning sem haldin hefur verið, svo ég vitni í titilinn þá er það næstu helgi......uuuuu

föstudagar eru víst líka fínir

já þetta var nú góður dagur... vorum auðvitað á fullu í dag upp í punkti að mála og setja upp veggi og bara gera það sem þurfti að gera, svo kom Hlynur í heimsókn og náði að draga mig, Dagrúnu og Steina með sér upp í listasafn, þar sem að Cia-hópurinn er að setja upp sýninguna. En honum Halla Jóns, eða réttara sagt Haraldi Jónssyni vantaði smá aðstoð við að krumpa myrkur og þar sem að við vorum forvitin þá fórum við að krumpa myrkur,þannig að við vorum að krumpa svartann pappír og mikið af honum, og þar fékk ég nokkra pappírsskurði, en allt er gott í þágu listarinnar..... ekki satt? En svo þegar líða tók á daginn og við bara nokkrar eftir á punktinum (fyrir utan kristján) þá datt okkur í hug BJÓR.. þannig að Dagný fór og keypti bjór handa okkur og ég er ekki frá því að við máluðum betur eftir bjórinn.... En svo eftir þetta stuð þá hélt ég bara heim að búa til salat fyrir allt þetta fólk sem er að koma ó grillskemmtikvöldið okkar á morgun, og það sem meira er, eigandinn á íbúðinni ætlar að láta sjá sig.. jjjííbbíí

En nú þarf ég að halda áfram að setja saman tónlist fyrir morgun daginn og Júlía ég mun hringja, ég mun..... já ég mun....

lokaverk búið og sýning í nánd

já góðir hálsar og treflar... þá fer nú að styttast í sýningu, bara ein vika... vó. Svo er lokaverkinu lokið og allir á fullu í að undirbúa punktinn þar sem að útskriftarsýningin okkar verður, og þetta er ekkert smá flott rými hjá okkur. Nú er verið að klára að setja upp veggi og mála og svo er bara að setja verkin okkar upp. Þetta verður flottasta útskriftarsýning sem haldin hefur verið enda er Helgi skólastjóri tibúin að borga allt sem okkur vantar ;)

En það verður nóg um að vera um helgina, þá á laugardaginn þar sem að það eru 3 opnanir, í Listasafninu(þar er held ég CIA(veit samt ekki hverjir úr þeim hóp)), svo er það gallery JV(jónas viðar) en þar er okkar elskulegi skólastjóri Helgi Vilberg að sýna og svo er það Boxið en þar er Sólveig að sýna. Þegar allir eru búnir að fara á opnanir og fá sér smá rauðvín þá seinna um kvöldið er Grillskemmtikvöld hérna heima... Þannig nóg að gera næstu daga.

it´s a new day ..it´s a new....

já ég kann smá ensku....

En það er bara komin annar sunnudagur og heil vika síðan ég skriftaði síðast....

Fanney og Fríða takk fyrir svörin um Isis, ég er búin að lesa alla blessuðu ævisöguna hans Osiris fram og til baka og ævi Isis (enda það sem að þau voru systkyni þá eiga þau mjög nána, fullnána ævi) líka.. :)

En já við fengum frest á lokaverkið(úff) þannig að á þriðjudaginn hefst vinnan við að gera punktinn klárann og svo er fundur á miðvikudaginn um allt útskriftarstússið það verður gaman að því..
Síðan góðir hálsar á Fimmtudaginn þá á Kristín (sem mun vera ég) eiga tíma í klippingu, enda ekki farið síðan í nóvember... já ný ég mun brjótast fram í dagsljósið, og nei nei Ása ég mun ekki klippa, Íris klippari neitaði... enda búið að hafa mikið fyrir að safna þessu hári sem komið er.

Þessi helgi er löng, sem þýðir að ef ég tæki djammlífið alvarlega þá færi ég á djammið í kvöld, en ég tek djammið ekki alvarlega þannig að ég mun ekki djamma í kvöld né hef ég djammað hin kvöld helgarinnar, ég fór í ríkið en það mun drekkast næstu helgi, þar sem að þá fer fram grill í Þórunnarstrætinu og ef Dagur ef þú lest þetta þá er þér fullkomlega boðið hahaha.

En hér er komið sumar og það þýðir "hættu að tölvast og farðu út að ná í súrefni til að halda áfram að klára lokaverkið"...

Var ég búin að segja ykkur að ég er að vinna í lokaverkinu mínu...

vika í skil

já nú er bara vika í skil á loka lokaverki.... það er rosalegt. loka loka loka lokaskil.. úffff ótrúlegt en satt.

Ég er aftur komin norður enda ekki seinna vænna þar sem að það er bara vika í lokaskil.. var ég búin að segja það..
En hér er bara sól núna og rosa fínt,en örugglega drullu kalt, hef ekki farið út þannig að ég veit það ekki með vissu.

En vitiði að ég hef voðalega lítið annað að segja, það er bara setið við tölvuna, stundum lært stundum ekki, en það er alltaf hugsað.

Já ef þið vitið hvað gælunafn Isis er, Isis var kona Osiris sem var guð dauðans í Egyptalandi til forna. Mig bráðvantar að vita það áður en ég verð vitlaus, tengist þetta verkinu... Nei nei, en mig vantar samt að vita það.

En best að fara að halda áfram að skrifa í bók... já það tengist verkinu sem verður loka loka lokaverk....

partyzone á laugardagskvöldið

ég mæli með partyzone á laugardagskvöldið til að vekja upp frábærar minningar, enda páskaþema þáttur og það verður ´95 special.. Það muna flestir hvað það var mikið að gerast o´g hér eru nokkur dæmi : Missing með everything but the girl(todd terry mix)
Freedom með Black magic
the bomb með buckethead
hideway með De´Lacy
higher state of conciousness með Josh wink
Love song með Deep dish
Everybody be somebody með Ruffneck

þetta var nú bara pínu pínu brot af því sem koma skal og rifjast eflaust upp margar snilldar minningar þegar hlustað er á þetta, til að rifja þetta upp get ég lánað ykkur diskinn frá ´95. Ég er einmitt nýbúin að hlusta á Hideway..

En nóg um þetta .....

nýr safnardagur í nánd

já helgin búin og þetta var bara fínasta helgi.

En já nú er komið að (bráðum)þriðja safnardeginum okkar Fríðu og þá verða restin af söfnunum tekin sem ekki voru tekin síðast og svo er víst komin ný sýning í Nýló og í Kling og bang. og mun ég koma með gagnrýni á sýningarnar alveg eins og síðast. En nú er bara allt að fara að smella, kassinn þungi er til, textaverkið næstum búið og ég er alveg búin að sjá það í huganum hvernig þetta verður uppsett, meira að segja búin að teikna það á blað. Ég hef fengið margar óskir um hvort að fólk megi byrja setja í kassann, og já það má byrja núna.. En svo er nú stutt í norðurferð aftur hjá mér, að vísu verður sú norðurferð bara stutt enda bara um 4 vikur eftir og þá er bara brunað suður aftur og þá er bara allt búið. Og ekkert þórunnarstræti lengur og engin sundlaug...... okey ég fór ekki sund, en þetta lætur mig líta vel út. En ég skal segja ykkur það að þegar ég er alkomin suður þá mun ég kaupa mér líkamsræktarkort(sem ég hef ekki gert í mörg mörg ár) og byrja að æfa með Fr. Ra (Fríðu) já það eru allir svo duglegir í kringum mig,annað hvort að fara á æfingu eða út að skokka á meðan að ég sit í sófanum og hreyfi mig kannski í símann. En nú verður bara hoppað og skoppað.... En nú er ég hætt að bulla og farin að halda áfram vinnu minni eins og samviskusömum nemanda sæmir.. :)

engin fingraför eftir..

já það er fínt að blogga bara svona vikulega..

En það er satt það eru engin fingraför eftir á puttunum mínum þar sem að það er búið að pússa þau öll af, er að reyna að ná þeim aftur með handáburði, þannig að ef þið þurfið að ræna banka talið þá bara við mig í dag og ég redda þessu.....
En þessi blessaði kassi er sko ekkert grín, hann er alveg ágætlega þungur greyið... enda eru víst syndir ekkert léttvægilegt mál ;)

En svo er reunionið á morgun á Dillon og ég hlakka mikið mikið til þess, enda er nú líka kominn frekar langur tími síðan að ég hef farið út á lífið og á Dillon(fyrir utan sunnudaginn síðasta), en þetta verður rosa rosa stuð, enda mdl-liðar þekktir fyrir að skemmta fólki hvar og hvenær sem er, enda xidolkeppandi og þekktur rappari í hópnum, svo auðvitað ég og margir fleiri. Þannig að ef þið eruð á höfuð(herðar, hné og tær)borgarsvæðinu á föstudaginn þá verðum við þar....

mosóferð

já ég tölti af stað snemma morguns í morgun( fyrir hádegi) og tölti með myndavél í hönd eða á öxlinni og ákvað að rölta stíg þann sem endar upp í mosó. Þann stíg tölti ég á móti vindi og sól og tók nokkrar myndir og var ekki viss hvort ég ætti að fara alla leið eða snúa við, en þrjóskan kom upp og ákveðið var að halda alla leið upp í mosó. Þangað kíkti ég í heimsókn til ömmu og afa.

Fyrir utan þessa stuttu sögu er ekki mikið annað að segja af mér nema lokaverk, lokaverk og lokaverk og svo er að koma helgi, en það vissu þið nú fyrir..

hvaða dagur er í dag...?

já það er rosalegt að vera að vinna bara svona heima, maður veit aldrei hvaða dagur er... nema þegar fer að nálgast helgi þá líka spennist heimurinn upp um 5 % og allir tryllast hahahaa nei okey smá rugl í lokin, en ég er samt alltaf að rugla dögum saman.
En ég þarf að leiðrétta smá miskiling, Bjarni er ekki að sýna í Terpentine, heldur er hann að sýna í Anima, sem er gallery og söngskóli.. mjög sniðugt.

Annars gekk helgina prýðisvel fyrir sig, horfði á Idol með Júlíu og Birnu á föstudaginn, fór svo á opnun á laugardaginn í Safnið hjá Kristjáni, hann var að sýna teikningar. Mjög flott hjá honum, óvenjulegt en rosalega flott, svo hittum við fyrir tvær stelpur frá teenpeople magazine og þær vildu taka myndir, (en þar sem að ég var orðin of gömul....jafn gömul stelpunni sem tók myndina hahaha) þá tók myndir af þeirri sem ég var með og lukkaðist það mjög vel, enda vildu þær fá fólk 25 og undir og gudinn telst víst ekki í þeim flokki lengur.... einu sinni en ekki lengur. Svo var bara rölt áfram og farið á svartakaffi. Þetta var góður laugardagur

Nú mun gudinn(já ég er að hugsa um að taka þetta heiti upp aftur eftir þriggja ára dvala) ekki hafa meira að segja í bili og komin tími til að kveðja í bili og fara að vinna í bili.......

mikill dagur í dag...ekki dalun dagur

já þessi dagur var viðburða mikill og góður.
Ég vaknaði.... snemma enda var áætlað að gera aðra tilraun með safnardag. Og við vorum sko duglegar, eftir að hafa farið í flashbackferð í Fb þá var haldið á vit ævintýra...
Í kuldanum var arkað af stað um laugarveginn og farið fram og til baka og þá meina ég fram og til baka. Enda var stundum lokað og stundum gegnum við inn og það var samt lokað... já það halda okkur engar dyr þegar við byrjum... við heimsóttum, gallery terpentine, amina,kling og bang,nýló,i8 og svo var gerð tilraun á Safnið og gengum við þar inn en mættum þá herramanni sem sagði að safnið væri lokað(ég sagði það.. það halda okkur engar dyr) en hins vegar bauð hann okkur á opnun á laugardaginn og þangað munum við halda í okkar besta dressi, enda er ég ekki með mikil úrval þar sem að pakkaði bara fyrir helgarferð en ekki margra vikna ferð...
En já í terpentine var Bjarni að sýna, mjög flott. í kling og bang voru Sara Björns og Huginn Þór og Jóhannes Atli ( sýning strákana var mjög súr en hahah),nýló var með cold climates þar sem að margir listamenn frá þremur löndum sína saman.. fín blanda, I8 var hann Tumi með flott verk..
Já þá er það komið. En svo á okkar ferð þá settumst við á kaffi hús og hittum Fanney... yesss það var rosa gaman, enda þegar 3 mdl-liðar koma saman...bla bla

ég veit ekki hvenær ég kem aftur norður Guðrún mín, en það fer allavega alltaf að styttast hahahaha

draumar..

loksins þegar elskurnar mínar úr skólanum eru hætt að heimsækja mig í draumi (þá er ég að tala um útskriftarhópinn minn), þá fara hinar elskurnar úr skólanum að heimsækja mig í draumi og ekki nóg með það heldur eru þau að tala um mitt lokaverk..... og það fyrsta sem ég man rétt áður en ég vaknaði, var að Kalli og Frilli voru að tala um kassann minn.... Já þetta er skrýtinn heimu.

Á morgun er annar safnardagur, og hann verður sko tekinn með trompi... ´

Já svo er mynd af mér á djamm.is... það var allt í einu pikkað í mig og tekin mynd og svo var mér sagt fyrir hvað þetta væri, og þar sem að ég er svo líbó þá sagði ég bara já já og svo þarna birtist myndin. Jæja hún er nú ekki það slæm,ég er allavega ekki að gera neitt af mér á þessari mynd. Enda er ég alltaf sakleysið uppmálað.

Nóg um þetta, mér finnst bara svo sniðugt að það sé mynd af mér á Djamm.is :)

rokk og rósir

já þetta er búin að vera aldeilis fínn dagur... smá vonbrigði en það er í lagi.

Helgin var fín.. ekki eins róleg og hún átti að vera, fór út á laugardaginn. Svo tapaðist sunnudagurinn þar sem að hann fór bara í svefn.

En í dag já þá var farið á stað um 11:00, ég og Fríða "glæpon" haha (say no more) en þetta átti að vera safnardagur, en aularnir við... það er eiginlega allt lokað á Mánudögum. En þá var bara rölt um bæinn og farið á Kaffihús og svo komumst við inn í Listasafn reykjavíkur og á sýningunni hans Guðjóns..(minnir mig) fannst mér að málið snérist um að fylla rýmið og að hann væri strákur sem fyndist gaman að sprengja sprengjur, vorum ekki alveg nógu hrifnar, hljóðverkið eða tónlistarverkið var fínt og ein mynd niðri. En ljósmyndasýningin sem var líka í gangi var mjög flott og húmor.
Svo fórum við líka í gallerý Tukt, það var líka fínt, fengum smá ljósmyndaflashback..

Eftir þetta á áttum við eitthvða gott skilið og fórum í fatarleiðangur og röltum fyrst í rauða kross húsið og svo Rokk og rósir og vá það er greinilegt að second hand er í tísku, enda var allt svo klikkaðslega dýrt þar, en margt þvílíkt flott. Sorglegt hvað þetta var dýrt...

ljúfa líf ljúfa líf....dada dada

já lífið er ljúft þessa dagana og engin súrindi hér á bæ lengur...
Enda er nóg að gera.
Það er að myndast heildamynd á lokaverkið, eða allavega eins og ég vil hafa það. Byrja að smíða í næstu viku, og þá fer allt að smella og verða klárt.
Svo er allt að gerast í MDL-málum (MDL er semsagt félagsskapur sem að var saman nokkur ljúf ár í Fb og stundaði þar myndlist saman og sófasamræður), allt er þetta myspace að þakka... eða það á stóran hlut í að við erum að sameinast á ný eftir of langan tíma apart...

Þannig að vonandi verður reunion, reyndi að finna gott íslenskt orð fyrir reunion, en eftir miklar hugleiðingar þá fannst það ekki.... enda er varla til rétt og gott orð yfir þegar gamlir MDL-liðar komi saman.

Svo er líka plan að hitta Fríðu Rakel glæpon hahah já þú heitir enn þá Fríða glæpon í símanum mínum... og þú veist afhverju krimmi hahahahaha

En svo er núna helgi og ég ætla ekki á Dillon, ætla bara að vera róleg alla helgina, ætlaði norður í afmæli, en sökum veikinda(ég er ekki veik) þá er það ekki hægt þannig að ég mun bara hafa rólega og fína helgi, enda komin tími til...

nú er alveg að koma fimmtudagur..eftir um 15 mín

já sko það er voðalítið sem gerist hjá mér núna þessa dagana.... haha

Ég er að finna út hvernig best sé að vinna lokaverkið og þarf að fara að byggja mér kassann og sjá hvernig ég ætla að láta textaverkið eða orðaverkið eða syndirnar koma fram.. hef ýmislegt í huga þarf bara að teikna þetta fyrir mér og sjá þetta í huga mér og á blaði.. okey nú er ég farin að bulla er það ekki?

En ég verð nú að segja að ég sakna norðlendinganna minna svoltið... en ég er samt ekki að fara norður, ætla að vera in the south(smá einkahúmor hahaah). En það er alltaf gaman að heyra í þeim öðru hverju... maður lærir að meta fólk meira þegar maður fer í burtu. Og ég kann sko sannalega að meta útskriftarhópinn minn :) og einnig hina skólafélagana mína líka, allavega vega suma (þið vitið hver þið eruð..;) ..okey nú er ég að missa mig í væmni og er bara hætt ;)

við hvað stóð ég..

já helgin búin og þá er best að fara yfir það sem átti að gera og það sem var gert.. Já og Grafísk hönnun .. Til hamingju með blaðið ykkar.

En já ég sagðist ætla í leikhús.. og ég fór í leikhús og þetta er snilldarverk.
Eftir leikhús þá var hringt og hringt í Fríðu, já það var hringt oft.. Loks svaraði hún og þá skellti ég mér á Kaffibarinn þar sem hún var og eftir að hafa labbað fjórum sinnum framhjá henni og staðið við hliðina á henni í nokkrar mín, þá fann ég hana... Og það var mikil skemmtun, eftir stutt stopp á Kaffibarnum var haldið áfram reyjavíkurför í snjónum og Hressó var fyrir valinu að þessu sinni og kom ég þangað snjóblaut og köld hahaha. Þar var ég svo bara allt kvöldið, rosa stuð............
Laugardagurinn fór ekki alveg eins og búið var að plana hann, ég fór á flakk og hitti kött og Akureyringa, eða Akureyrabúa sem voru komnir með Mosa á kattarsýninguna og til hamingju Mosi töffari... En svo fór ég til Júlíu og við borðuðum saman og horfðum á dvd og og þegar líða tók á nótt þá sofnaði ég...
Já þannig að ég fór ekki á Dillon, eins og áætlað var. En þetta var fín helgi og meira hef ég ekki að segja að sinni. ég veit ekkert hvenær ég ætla aftur norður..

helgin plönuð

já þá er búið að plana þessa helgi alveg útí gegn...enda ekki seinna vænna, það er föstudagur í dag

ég er að fara í leikhús í kvöld að sjá ÉG ER MÍN EIGIN (EÐA SJÁLFS) KONA (?) í Iðnó í boði Kormáks og Skjaldar... alltaf gaman að vera boðið í leikhús, svo er ekkert plan eftir leikhúsferð, enda örugglega bara heima doing nothing..
Svo kemur laugardagur með gleði og sorg.. sorry var að raula lag og þetta með gleði og sorg var í því og þá er víst ætlast til þess að ég hitti Birnu klukkan 12 eða 24 á Dillon, veit ekki hvað við erum að fara að gera þar hahaha, sé samt fyrir mér sófann í vip-herberginu eins og það er kallað og drykk í glasi, sé samt ekki alveg drykkinn, gæti verið vatn og þar munum við halda okkur örugglega fram eftir kvöldi, enda er Dillon góð skemmtun....
já það er svo víst sunnudagur líka....... plan = ekkert nema leti og meiri leti, sjónvarp og leti

þar hafi þið það,,, svo í næstu viku þá hefst rosaleg vinna við lokaverk og þá verður gefið allt í botn, meðan sumir ónefndir, en frekar margir skemmta sér á Flúðum (held ég)...

helgin plönuð

já þá er búið að plana þessa helgi alveg útí gegn...enda ekki seinna vænna, það er föstudagur í dag

ég er að fara í leikhús í kvöld að sjá ÉG ER MÍN EIGIN (EÐA SJÁLFS) KONA (?) í Iðnó í boði Kormáks og Skjaldar... alltaf gaman að vera boðið í leikhús, svo er ekkert plan eftir leikhúsferð, enda örugglega bara heima doing nothing..
Svo kemur laugardagur með gleði og sorg.. sorry var að raula lag og þetta með gleði og sorg var í því og þá er víst ætlast til þess að ég hitti Birnu klukkan 12 eða 24 á Dillon, veit ekki hvað við erum að fara að gera þar hahaha, sé samt fyrir mér sófann í vip-herberginu eins og það er kallað og drykk í glasi, sé samt ekki alveg drykkinn, gæti verið vatn og þar munum við halda okkur örugglega fram eftir kvöldi, enda er Dillon góð skemmtun....
já það er svo víst sunnudagur líka....... plan = ekkert nema leti og meiri leti, sjónvarp og leti

þar hafi þið það,,, svo í næstu viku þá hefst rosaleg vinna við lokaverk og þá verður gefið allt í botn, meðan sumir ónefndir, en frekar margir skemmta sér á Flúðum (held ég)...

helgin

já þá er þessi snilldar frábæra helgi búin ...og ég að vísu enn fyrir sunnan.
Ætlaði nú samt að flýta mér norður aftur eftir smá skandala en það breyttist allt til betri vegar.. :)

En annars var þetta frábær helgi. Fór á Dillon báða dagana(surprise) og já líka á Hressó en það er nú bara ein ástæða fyrir því ;) svo fór ég í barnaafmæli með Guðmund Óla (aka supermann) og svo aftur seinna það kvöld á Dillon og það var verið að plana þrítugsafmælið mitt eitthvað lítið eitt, en það er enn langt í það. Svo héldum við Birna áfram rölti um miðborgina, enda löngu búið að loka Dillon þegar við fórum út. Svo vorum við að plotta svo um helgina að það var bara fyndið og mun ekki vera sagt frá plottinu hérna, en plottið heppnaðist skulum við segja(við erum svo sniðugar) og helgin endaði mjög vel skulum við segja.. Langt síðan að ég hef djammað bæði föstudags og laugardagskvöld og þá er ég að meina djamm til morguns báða dagana.

En ég veit ekki hvenær ég ætla aftur norður,, það verður bara að koma í ljós með tíð og tíma og ýmsu öðru. En best að fara að taka úr þvottavélinni og fara að vinna í lokaverkinu sínu.....

Reykjavík ó reykjavík þú yndislega borg...

hver kannast ekki við þennan texta.......

en já nú er hún bara mætt í borg Dillons...
Það er nú fjör, en þótt að ég hafi tekið mér frí frá skóla þennan dag(enda var bara yfirferð í dag) þá hef ég samt ekki vaknað svona snemma lengi, en ég vaknaði fyrir 8... ekki algengt á mínu heimili.
En já hvað mun ég geri er spurt.. Ég mun skreppa á Dillon í kvöld, fara svo í afmæli á morgun, reyna að fara á söfn, lokadagur sýningar Gabríelu. Ég mun gera lítið á laugardagskvöldið, horfið kannski á þetta eða í þetta bilaða sjónvarp sem að mamma og Gulli voru að fjárfesta í, það eru litlar 37 tommur..

En hér er sól og hér er ég búin og hef voða lítið annað að gera en að kveðja en eitt að lokum, sko maður reynir að fara suður en það er sama hvað maður reynir bekkjafélagarnir eru alltaf með manni. nóttinni var eytt með þeim og þá er ég að tala um flesta í málun, en helst voru það Karen, sem var eitthvað ósátt við Dögg um reykjavíkurferð sem aldrei var farin, Hanna var of sein í tíma hjá honum Helga Vilberg og Dagrún og Guðrún voru að gera sig fína fyrir myndatöku sem ég lenti svo allt í einu í með öllum skólanum og var það hálfgerð grínleikritamyndartaka...

þannig að það er sama hvert maður fer, þá er maður alltaf með félaga sína með sér og bið ég bara að heilsa ykkur þarna draumbúar.